Yatiyañatak yanaptʼanaka

Octubre phaxsin nayrïr sábado urun Bibliat yatichañ qalltañataki

“Nänakan Awkija sat oracionat aka arunak taqiniw uñtʼtanxa, Reinomax jutpan ‘Munañamasti luratäpan akapachanxa, kunjamatï alaxpachana luratäki ukhama’. ¿Ukax kamsañs munpacha uk yattati? [Kamsanis uk istʼäta.] Biblian aka jiskʼa tʼaqaw amuytʼayistu.” Daniel 2:44 liytʼarapïta. Ukat Yatiyañataki octubre-diciembre, 2011, revista churäta. Ukxarusti, 16 janankki uka yatichäwin nayrïr jisktʼa ukat nayrïr tʼaqa liytʼarapïta, ukat Bibliat apstʼat jiskʼa tʼaqwa liytʼarapirakïta. Ukatsti ukxankki uka jisktʼar qhanañchañatakix kunürus kuttʼasma ukwa jupamp amtapxäta. Ukat revistxa jaytawayarakismawa.

Yatiyañataki Octubre-diciembre

“¿Wawanakarux jiskʼatpacha Diosat yatichañax walikïskpachati, jan ukax jilsupxani ukhacha jupanak pachpa mä religión ajllisipxañapa? [Kamsanis uk istʼäta.] Bibliax akham sasaw awk taykanakar iwxtʼi [Efesios 6:4 liytʼarapïta]. Aka revistaw kunjamsa wawanakar Diosat yatichañäspa uk mä qhawqha qhanañchtʼaski.”

¡Despertad! Octubre

“Familianakar yanaptʼañatakiw aka comunidadar visittʼasipkta. ¿Kuna jan waltʼäwinakarus jichhürunakan awk taykanakax saykatapxpacha? [Kamsanis uk istʼäta.] Niya jila parte awk taykanakaxa, Biblian iwxtʼanakapwa thaqapxi. Amuytʼañataki, kunapachatï wawanakar chiqañchañäki ukhaxa, aka arunak amtañax wali askipuniwa [Efesios 4:31 liytʼarapïta]. Kunjamsa Bibliax awk taykanakarux wawanakapar jiskʼatpacha qʼaxu wayn tawaqitañäpkam uywañ yanaptʼaspa ukwa aka revistax qhanañchtʼaski.”