Yatiyañatak yanaptʼanaka

Diciembre phaxsin nayrïr sábado urun Bibliat yatichañ qalltañataki

“Nänakan Awkija sat oracionat aka arunak taqiniw uñtʼtanxa, Reinomax jutpan ‘munañamasti luratäpan akapachanxa, kunjamatï alaxpachana luratäki ukhama’. ¿Ukax kamsañs munpacha uk yattati? [Kamsanis uk istʼäta.] Biblian aka jiskʼa tʼaqaw amuytʼayistu.” Daniel 2:44 liytʼarapïta. Ukat Yatiyañataki octubre-diciembre, 2011, revista churäta. Ukxarusti, 16 janankki uka yatichäwin nayrïr jisktʼa ukat nayrïr tʼaqa liytʼarapïta, ukat Bibliat apstʼat jiskʼa tʼaqwa liytʼarapirakïta. Ukatsti ukxankki uka jisktʼar qhanañchañatakix kunürus kuttʼasma ukwa jupamp amtapxäta. Ukat revistxa jaytawayarakismawa.

Yatiyañataki Octubre-diciembre

“Walja jaqinakaxa yaqha kasta jañchinïtap laykuw jiskʼachat jikxatasipxi. ¿Kunjamsa Diosax ukanak uñjpacha? [Kamsanis uk istʼäta. Ukat Hechos 10:34, 35 liytʼarapïta.] Diosan nayraqatapanx taqiniw igualakïtanxa sasaw aka revistax 31 janapan qhanañchtʼaski.”

¡Despertad! Diciembre

2 Timoteo 3:16 liytʼarapïta. Ukat akham sätawa: “Yaqhip jaqinakaxa, Bibliax Diosan amuytʼayataw sasaw sapxi ukat yaqhipasti janiw ukhamäkiti sapxarakiwa. ¿Jumax kamsasmasa? [Kamsanis uk istʼäta.] Uka tuqitx may mays jaqinakax parlapkchixa, yaqha libronakat sipansa Biblia kunaymanitwa chhaqtayañ munapxäna. Aka revistawa kunanaksa jaqinakax Biblia chhaqtayañatakisa ukat jan liytʼasiñapatakis lurawayapxi uk mä qhawq qhanañchtʼaski. Ukat kunatsa jichhakamas utjaskaki uks qhanañcharakiwa.”