Yatiyañatak yanaptʼanaka

Marzo phajjsin nayrïr sábado urun Bibliat yatichañ qalltañataki

“Jichha tiempon utjki uka jan walinakajja, jukʼampiw familianakar jan waltʼayaski. ¿Kawkinsa familjam sum jakasiñatakejj suma ewjjtʼanak jikjjatsna?” Kamsanis uk istʼäta. Ukjjarusti, Yatiyañataki enero-marzo, 2012, revista uñjjattʼayasajja, 16 ukat 17 jananakan jisktʼanakapat mä qhawqha yatjjattʼapjjäta, ukat Bibliat apstʼat jiskʼa tʼaqwa liytʼarapirakïta. Ukatsti ukjjankki uka jisktʼar qhanañchañatakejj kunürus kuttʼasma ukwa jupamp amtapjjäta. Ukat revistanak jaytawayarakismawa.

Yatiyañataki Enero-marzo

“Aka qhepa urunakanjja, jakañajj wali chʼamajjewa. Ukatwa awk taykanakajj wawanakar uywañatakejj walja horanak trabaj-jjapjje. Ukhamïpansti janiw wawanakapatakejj tiemponëjjapjjeti, ¿kunjamatsa tiemp apstʼasipjjaspa? [Kamsanis uk istʼäta. Ukat Deuteronomio 6:6-8 liytʼarapïta.] Kunjamsa awk taykanakajj tiemp apstʼasipjjaspa uka toqet suma ewjjtʼanakaw aka revistan utji. Ukat 26 janapa uñjjattʼayäta.”

¡Despertad! Marzo

“Jichhürunakanjja jaqenakajj ratukiw kunats colerasiñ yatipjje ukat nuwasjjapjje ukhamawa. Kunatsa ukhamäjjapjjpacha uka toqetwa vecinonakampi parltʼasipkayäta. ¿Kamsasmas jumajja? [Kamsanis uk istʼäta.] Uka toqet Bibliajj kamspachasa uk uñjañäni [Salmo 37:8, NM liytʼarapïta]. Kunatsa sapürutjam jaqenakajj ukhamäjjapjje ukjja aka revistaw qhanañchtʼaski, ukat kunjamatsa colerampejj jan atipayasksna uksa qhanañcharakiwa.”