Yatiyañatak yanaptʼanaka

Agosto phajjsin nayrïr sábado urun Bibliat yatichañ qalltañataki

“Cristianonak taypinjja bautisasiñajj wali askit uñjatawa. ¿Jumatakejj bautisasiñajj wali wakiskirirakiti? [Kamsanis uk istʼäta.] Aka qellqatanwa uka toqet mä qhawqhanak qhanañchaski.” Yatiyañataki Julio-septiembre sat revista churäta ukat 16 jana uñjjattʼayarakïta. Ukat Bibliat apstʼat jiskʼa tʼaqwa liytʼarapirakïta. Ukatsti, revista jaytasinjja mayamp kuttʼañatakiw mä jisktʼa jaytawayarakïta.

Yatiyañataki Julio-septiembre 

“Iglesianakaru pʼeqtʼirinakajj Jesusamp Diosampejj pachpakipjjewa sasaw yatichapjje, ¿jumajj kamsasmasa? [Kamsanis uk istʼäta.] Uka toqet Jesusajj akham sasaw sirïna [Juan 17:3 liytʼäta]. Kuntï yaqhep jaqenakajj Jesusjjat jisktʼasipki ukarojj kamsis Bibliajja, ukwa aka revistajj qhanañtʼaski.” Ukat revistan pusïri janap uñjjattʼayäta.

¡Despertad! Agosto

“Jichha tiempon jaqenakajj callenakar jan ukajj anqar mistuñsa wal ajjsarayasipjje, yamas arumajj jukʼampiw ajjsarayasipjje. ¿Akapach jan sinti jan walinakamp phoqhantatañapatakejj kun lurañasas wakisispa? [Kamsanis uk istʼäta.] Aka revistanwa, kuns sapa maynejj sumankañ utjañapataki lursna uka toqet qhañachtʼaski. Ukat Biblian aka profeciapsa qhanañcharakiwa.” Salmo 72:7 liytʼäta.