Yatiyañatak yanaptʼanaka

Septiembre phajjsin nayrïr sábado urun Bibliat yatichañ qalltañataki

“Cristianonak taypinjja bautisasiñajj wali askit uñjatawa. ¿Jumatakejj bautisasiñajj wali wakiskirirakiti? [Kamsanis uk istʼäta.] Aka qellqatanwa uka toqet mä qhawqhanak qhanañchaski.” Yatiyañataki Julio-septiembre sat revista churäta ukat 16 jana uñjjattʼayarakïta. Ukat Bibliat apstʼat jiskʼa tʼaqwa liytʼarapirakïta. Ukatsti, revista jaytasinjja mayamp kuttʼañatakiw mä jisktʼa jaytawayarakïta.

Yatiyañataki Julio-septiembre

“Jesusajj janiw jiwatat jaktkiti sasaw walja jaqenakajj amuyapjje. ¿Jumajj kamsasmasa? [Kamsanis uk istʼäta.] Uka toqet kamsis Bibliajj uk uñjañäni [Hechos 2:24 liytʼäta]. Aka revistanwa Jesusajj cheqapunit jiwatat jaktäna janich uk qhanañchaski.” Ukat 7 janan jikjjataski uka yatichäw uñjjattʼayarakïta.

¡Despertad! Septiembre

“Akham sasaw walja jaqenakajj sapjje, aka Oraqejj tʼunjatäniwa jachʼa bombanakampi, mä jachʼa qalaw (asteroide) chocantasin aka Oraq phallayani jan ukajj qʼalaw mayjtʼani sas kunaw amuyapjje. Aka pachajj tukusjjaniw sasin jaqenakajj amuyapki ¿ukanakar istʼañasäspati jan ukajj aleq amuyunakakïpachacha? [Kamsanis uk istʼäta.] Bibliajj aka chuymachtʼkir arunak yatiyistu [Salmo 37:29 liytʼäta]. Jaqenakajj kunayman toqenakatwa akapach tukusiwit amuyapjje ukat Bibliajj jaqenakan jutïr suytʼäwipat kunjams qhanañcharaki ukaw aka revistan qhanañchasiski.”