Bibliat yatjjatañatak machaq yanaptʼa

Índice de las publicaciones Watch Tower qellqatampejj walja millón jilat kullakanakaw Bibliat yatjjatawayapjje. Niyakejjay uka qellqatajj walja jananakanïchejja, mä qawqha arunakanakwa utji. Ukampis Jehová Diosan Qhanañchirinakapan Bibliat yatjjatapjjañapataki qellqatajj 170 jila arunakanwa utji. Ukanjja, 2000 marat aksar lurasiwayki uka qellqatanakan pʼeqeñchäwinakapaw jila partejj utjaraki. Kawkïr arunakantï Índice sat librojj utj-jje uka arunakarojj janiw Bibliat yatjjatañataki librojj imprimisjjeti, ukampis Watchtower Library ukat Watchtower INTERNETANKIR BIBLIOTECA satäkis ukanjja utjaskiwa. Bibliat yatjjatañataki sat machaq yanaptʼajja, Biblia toqet jukʼampi yatjjatañatakisa, tantachäwinakataki wakichtʼasiñatakisa, familjam Diosar yupaychañatakisa, jan ukajj yaqha ukhamanakat yatjjatañatakisa wali askipuniwa.