Yatiyañatak mä machaq yanaptʼa

Enero 2016 maratjja, “¿Bibliajj kamsisa?” sat yatichäwiw Yatiyañataki revistan qhep qhepa janapan apsusiwayi. Ukajj yatiyir saras maynimpi jankʼak parlañ qalltañatakiw yanaptʼistani. Uka yanaptʼajj tratadonakjam lurtʼatawa. Sañäni, kunsa utanejj amuyi ukatakejj mä jisktʼaw utji, ukatjja Biblian mä jiskʼa tʼaqapampiw uka jisktʼar jaysaraki ukat yaqha yanaptʼanakas utjarakiwa.

Biblian mä yatichäwipat maynimpi wali sum parltʼtan ukhajja, jupajj jankʼakiw Bibliat yatjjatañ muni. Ukhamajj uka machaq yanaptʼampiw khitinakatï ajay toqen aynachtʼatäpki ukanakar yanaptʼsna (Mt 5:6).

KUNJAMS YATIYSSNA:

1. Kunsa uka toqet amuyi ukwa utanir jisktʼañasa.

2. Qhanañchataparojj istʼañasawa ukat yuspärtʼañasarakiwa.

3. “Bibliajj akham siwa” siski uka jiskʼa pʼeqeñchäwin Biblian mä jiskʼa tʼaqapajj utjki ukwa liytʼañasa, ukjjarojj kunsa uka toqet amuyta sasaw jisktʼañasa. Utanitï tiemponïskchi ukhajja, “Bibliajj akham saskakiwa” siski uka jiskʼa pʼeqeñchäwin kunanakatï qhanañchaski ukanakat may qhanañchtʼsna.

4. Revista jaytañasa.

5. Mayni jisktʼar qhanañchañatakejj kunürus kuttʼsna ukwa utanimpi amtañasa.