BIBLIAN SUMA YATICHÄWINAKAPA | JOB 33-37

Mä cheqpach amigon ewjjtʼapajj chʼamañchtʼiwa

Kunjamtï imprimitäki ukham uñjañataki

Eliú chachajj janiw Elifaz, Bildad ukat Zofar chachanakjam parlkänti. Job chacharojj munasiñampiw parljjayäna. Mä cheqpach amigopjamaw chuymachtʼäna, jupajj wali yateqaskayawa.

Eliú chachaw Job chachar parlaski, Elifaz, Bildad ukat Zofar chachanakasti uñchʼukisipkiwa

MÄ SUMA EWJJTʼIREJJ ¿KUNJAMASA?	ELIÚ CHACHAJJ YATEQASKAYAWA
32:4-7, 11, 12; 33:1
PACIENCIANIWA MAYNINAKAT LLAKISIWA RESPETOMPIW UÑJI	Jupat jilïr chachanakan parlañ tukuyañapkamaw pacienciampi Eliú chachajj suytʼäna. Wali amuyumpi istʼasajja, Eliú chachajj kunas pasaskäna uk sum amuytʼäna ukhamatwa Job chacharojj sum ewjjtʼäna. Job chacharojj mä suma amigopjam uñjäna, sutipatarakwa parltʼäna.
33:6, 7, 32
ALTʼAT CHUYMANIWA JAKʼACHASKAYAWA AMUYTʼIRIWA	Eliú chachajj altʼat chuymani, munasiri ukhamänwa, nayajj pantjasir jaqerakïtwa sasaw säna. Job chachajj kunjamsa tʼaqhesïna uk amuyañatakiw chʼamachasïna.
33:24, 25; 35:2, 5
AMUYUMPIW KUNS LURI MUNASIRIWA DIOS CHUYMAWA	Job chachajj jan amuyumpi kuns luratap amuytʼayañatakejja, Eliú chachajj munasiñampiw parltʼäna. Janipunis pantjasirïkaspa ukham Job chachajj amuyasïna ukjja, Eliú chachajj amuytʼayarakïnwa. Eliú chachan amuyumpi ewjjtʼatapajja, kuna ewjjtʼanaktï Job chachajj Jehová Diosat katoqañapäkäna ukanakatakiw wakichtʼäna.