¿Kunjamatsa tantachäwinakan sum arstʼsna?

Mä suma arstʼäwejja taqeniruw chʼamañchtʼi (Ro 14:19). Khitinakatï arstʼapki ukanakarus yanaptʼarakispawa (Pr 15:23, 28). Ukatwa tantachäwinakan may kuti arstʼañatakis chʼamachasiñasa. Awisajja inas arstʼäwi jan churapkchistaniti, ukhamajja walja jisktʼanakan qhanañchäwinakap wakichtʼasiñaw wakisispa.

¿Kunjamas mä suma arstʼäwejja?

• Wali qhanawa, janiw walja tiempökiti ukat janiw jan amuytʼañjamäkiti. Kimsa tunka segundonakana jan ukajj minusanak arstʼasiñapa.

• Maynejj parlaski ukarjamaw arstʼañapa.

• Janirakiw yaqhanakajj qhanañchapki uka pachpat qhanañchañapäkiti.

Jiwasatï nayraqat mä jisktʼar qhanañchañäni ukhajja ¿kunsa amtañasa?

• Janiw wali jay parlañasäkiti, jisktʼarukiw qhanañchañasa.

Mä jisktʼar qhanañchjjapjjani ukhajja ¿kunsa lursna?

• Kawkïr Biblian jiskʼa tʼaqapas yanaptʼi ukwa arstʼaraksna.

• Kunjamsa jakäwisan yanaptʼistaspa uka toqetwa arstʼaraksna.

• Kunjamsa ukarjam sarnaqsna uksa arstʼaraksnawa.

• Uka jisktʼar yanaptʼir mä experienciatsa arstʼaraksnawa.