Jehová Diosat jan armasipjjañapataki familiamar yanaptʼam

‘Jehová Diosat armasipjjatamatwa tʼunjat uñjasipjjäta’ sasaw Jeremiasajj judionakar yatiyañapäna (Jer 13:25). ¿Kunatsa judío familianakajj ukhaman uñjasipjjäna? Familianakajj janiw Jehová Diosampi sum apasiñatak chʼamachasjjapjjänti. Amuyatajja, awk taykanakajj janiw kuntï Deuteronomio 6:5-7 qellqatajj siski ukarjam lurjjapjjänti.

Jichhürunakanjja, Diosar taqe chuym serviri familianakajj congregacionan suma saytʼatäñapatakiw yanaptʼapjje. Familia pʼeqtʼirinakajja, sapa semana familjam Bibliat yatjjatasaw Jehová Diosat jan armasipjjañapataki familiapar yanaptʼapjjaspa (Sl 22:27, NM). Diosan arunakap chuymamar katoqam: Entrevistanaka sat video uñtasajja, aka jisktʼanakaruw qhanañchapjjäta:

• Bibliat familjam yatjjatañataki jarkʼkaspa ukanakarojja, ¿kunjamsa yaqhep familianakajj atipjawayapjje?

• Bibliat familjam sapa semana yatjjatañatak chʼamachasipki ukanakajja, ¿kuna bendicionanaksa katoqapjje?

• Bibliat familjam yatjjatañatakejja, ¿kunanakar atipjañajas wakisi, ukat ukanakar atipjañatakejj kun lurañsa amtasktjja?