Cristianjam sarnaqañatak chʼamachasiñäni: Diosar confiyaña

¿KUNATSA WAKISI?

• Diosar jan confiyksna ukhajja, janiw kunäkipansa kusisiysknati (Heb 11:6).

• Diosan arsutanakapar confiyañajja yantʼanakar saykatañatakiw yanaptʼistani (1Pe 1:6, 7).

• Diosar jan confiyksna ukhajja jucharuw purtʼassna (Heb 3:12, 13).

¿KUNSA LURSNA?

• Jehová Diosar jukʼamp confiyañatakejja yanaptʼap mayisiñäni (Lu 11:9, 13; Gál 5:22).

• Diosan Arup liyisajja ukjjat lupʼiñasawa (Ro 10:17; 1Ti 4:15).

• Diosar confiyiri jilat kullakanakampi chikachasipjjañäni (Ro 1:11, 12).

¿KUNANAKAS JEHOVÁ DIOSAT JAN JITHEQTAÑATAKEJJ YANAPTʼISTASPA? CONFIYAÑA SAT VIDEO UÑTASAJJ AKA JISKTʼANAKAR QHANAÑCHMA:

• ‘Diosar confiyasa jan kʼari chuymanïñajja’, ¿kamsañsa muni? (1Ti 1:5).

• ¿Kunanakas Diosar confiyañan aynachtʼayistaspa, kunatsa ukanakar atipjañasa?

• ¿Kunatsa wali tʼaqesiñ tiempon confiyañasajj wakisini? (Heb 10:39).