Jan waltʼäwin uñjasirinakar yanaptʼasaw Diosar yupaycharaktanjja

8:1-4; 9:7

Cristianonakajj akanak lurasaw Diosar yupaychapjjaraktanjja: 1) ‘yaqhanakar Diosamp sumankthapipjjañapatakiw yanaptʼtan’, mä arunjja, Diosan arunakapwa jaqenakar yatiytan ukat yaticharaktan, 2) ‘santo jilatanakaruw yanaptʼaraktan’ mä arunjja, jan walinakan uñjasir jilat kullakanakasaruw yanaptʼtanjja (2Co 5:18-20; 8:4). Jupanakar yanaptʼasajj Diosaruw yupaychaskaraktanjja, ukat aka askinakaw jikjjatasiraki:

• Jilat kullakanakaruw yanaptʼtanjja (2Co 9:12a).

• Jan waltʼäwin uñjasir jilat kullakanakar yanaptʼasajja, Diosar serviñan nayrar sartasipkakiñapatakiw yanaptʼtanjja. Ukham yanaptʼatajj kusisitaw predicapjje, Diosar yuspärapjjatapwa uñachtʼayapjjaraki (2Co 9:12b).

• Diosaruw jachʼañchi (2Co 9:13). Jan waltʼäwinakan uñjasirinakar yanaptʼasajja, Diosaruw jachʼañchaytanjja, Jehová Diosan Testigonakapat jan walinak parlirinakas jachʼañchapjjarakiwa.