Caribe cheqan jan waltʼäwin uñjasir jilat kullakanakaruw yanaptʼasi

Jichhürunakanjja, nayra patak maranakanjamarakiw qhawqsa jilat kullakanakasar munastan uk uñachtʼaytanjja (Jn 13:34, 35). Cheqpach munasiñajj qhanpachaw uñjasi: Caribe cheqankir islanakanwa jilat kullakanakar yanaptʼasi sat videojja, kunjamsa oraqpachankir jilat kullakanakasajj Caribe cheqankir jilat kullakanakar jan waltʼäwinakan uñjasipjjatapat yanaptʼapjjäna ukaw uñachtʼayasi. Video uñtasajja, aka jisktʼanakaruw qhanañchtʼäta:

• ¿Irma ukat María sat jachʼa thayanakajj kuna jan walinakansa jilat kullakanakar uñjasiyäna?

• ¿Kunjamsa Jehová Diosajj jilat kullakanak toqe Caribe cheqankirinakar yanaptʼäna?

• Yanaptʼanak katoqasajj ¿kunjamsa jilat kullakanakajj jikjjatasipjjäna?

• ¿Qhawqhanis Caribe cheqankir jilat kullakanakar yanaptʼañatak sarapjjäna?

• ¿Kunjamsa jan waltʼäwin uñjasir jilat kullakanakar taqenis yanaptʼsna?

• ¿Kunjamakis jumajj Diosan markapankasajj jikjjatasta?