¿Diosan Arup qhawqha valoranitsa uñjtanjja?

Biblianjja, Diosan amuyunakapa, arunakapaw qellqata. Bibliajj Diosan amuytʼayat qellqatawa (2Pe 1:20, 21). Diosajj Reinop toqew taqe kunar apnaqañatak derechonïtap uñachtʼayani sasaw Bibliajj qhanañchi. Ukajj niyaw suman jakasjjañäni sasin confiyañatakiw yanaptʼistu. Alajjpachankir Jehová Awkisajj wali munasir Diosätapwa Bibliajj uñachtʼayaraki (Sl 86:15).

Diosan Arupajj kunayman toqet yanaptʼistu, ukatwa wali valoranit uñjtanjja. Ukampis sapüru liyisa, ewjjtʼanakaparjam sarnaqasaw valoranit uñjatas uñachtʼaysna. Salmonak qellqerejj “yatichäwimarojj walpun munasta” sänwa. Jiwasajj luratanakasampiw Diosan Arupar wal munasitas uñachtʼayañasaraki (Sl 119:97).

BIBLIAROJJ WALPUN MUNASIPJJÄNA: FRAGMENTO (WILLIAM TYNDALE) SAT VIDEO UÑTASAJJA, AKA JISKTʼANAKARUW QHANAÑCHTʼÄTA:

• 

  ¿Kunatsa William Tyndale chachajj Biblian yaqhep cheqanakap traducïna?

• ¿Kunatsa Biblia traduciñatak chʼamachasitapajj jan armkayajja?

• ¿Kunjamsa Tyndale chachan yaqhep Biblianakap Inglaterrar puriyapjjäna?

• ¿Kunjamsa Diosan Arup valoranit uñjatas uñachtʼaysna?