CRISTIANJAM JAKAÑATAKI

Akapachan tukusiñap wali jakʼankjjatap laykojj janipun Jehová Diosat jitheqtañäniti

KUNATSA UK LURAÑAJJ WAKISI. Mä jukʼa tiempotjja, kunayman musparkañanakaw pasani, ukanakanjja jan ajjsarirïñasaw wakisini, Jehová Diosar jichhat sipan jukʼamp confiyañasaw munasirakini. Wali tʼaqesiñ tiempojja falso religionanak tukjañampiw qalltani (Mt 24:21; Ap 17:16, 17). Uka tiemponjja, inas Diosan juchañchir arunakap yatiychiñäni (Ap 16:21). Magog markankir Gog sasin uñtʼatäki ukaw jiwas contra sartani (Eze 38:10-12, 14-16). Ukhaw “Taqe Chʼamani Diosan jachʼa urupan” guerrapajj qalltani (Ap 16:14, 16). Jiwasatï jutïrin jan ajjsarirïñ munstan ukhajja, kuna yantʼanakantï jichhürunakan uñjasktan ukanjja, janipuniw Diosat jitheqtañasäkiti.

KUNJAMSA UK LURSNA

Qʼoma sarnaqañ toqet Jehová Diosan leyinakaparjam jan ajjsaras sarnaqasa (Is 5:20).
Jehová Diosar jilat kullakanakamp chik servisa (Heb 10:24, 25).
Kunanaktï Diosan markapajj ewjjtʼkistu ukar jankʼak istʼasa (Heb 13:17).
Jehová Diosajj kunjamsa nayra tiempon markapar qhespiyäna ukanakat lupʼisa (2Pe 2:9).
Jehová Diosar orasisa, jupar taqe chuyma confiyasa (Sl 112:7, 8, TNM).

KUNANAKATÏ JUTÏRIN PASKANI UKATAKEJJ JAN AJJSARIRÏÑAW WAKISINI (FRAGMENTO) SAT VIDEO UÑTASAJJA, AKA JISKTʼANAKARUW QHANAÑCHTʼÄTA:

Congregacionan cambionak utjatapajj ¿kunjamsa jilat kullakanakan istʼasirïpjjatap yantʼäna?
¿Jan ajjsarirïñampi istʼasirïñampejj kunansa niya pachpakejja?
¿Armagedón purinkani ukhajj kunatsa jan ajjsarirïñasajj wakisini?
Jutïr urunakan kunanakatï paskani ukatakejja jichhaw jan ajjsarirïñatak wakichtʼasiñama.

¿Jehová Diosaw qhespiyitani sasin taqe chuyma confiyañatakejj Biblian kawkïr sarnaqäwipas yanaptʼistaspa? (2Cr 20:1-24).