Jehová Diosan cheqañchäwipar apoyasaw munasiñ uñachtʼaytanjja

Juchanakapat jan arrepentisirinakar congregacionat jaqsuñajja, jilat kullakanakaruw jarkʼaqe, juchachasirirus cheqañcharakiwa (1Co 5:6, 11). Jehová Diosan cheqañchäwipar apoyasaw munasiñ uñachtʼaytanjja. Maynir jaqsuski ukhajj wal llakistanjja, yamas familiapampi, comité judicial ukankirinakampejj jukʼampiw llakisipjje. Ukhamajj munasiñatwa jan arrepentiski ukar jaqsusi sasajj ¿kunatsa sistanjja?

Nayraqatjja Jehová Diosar munasitaswa uñachtʼaytanjja, sutip janiw qʼañuchañ munktanti, kunatï Diosatak qʼomäki ukar respetataswa uñachtʼayaraktanjja (1Pe 1:14-16). Janiw ukakïkiti, congregacionat jaqsutarus munasiñwa uñachtʼaytanjja. Cheqañchäwejj walsa maynir llakisiykchejja, ‘suman jakasiñapataki cheqapar sarnaqañapatakiw’ yanaptʼi (Heb 12:5, 6, 11). Mä jaqsutampi jan ukajj jupa pachpa Diosan markapat jitheqtañ amtki ukampi chikachasiskaksna ukhajja, Jehová Diosamp cheqañchatäñap jarkʼksnas ukhamäspawa. Ak jan armañäniti, Jehová Diosajj ‘kawkhakamay wakischi’ ukhakamaw cheqañchi (Jer 30:11, TNM). Juchachasirejj khuyaptʼayasiri Jehová Dios Awkisan ukar kuttʼaniñap wal suytanjja, ukhakamajja Diosan cheqañchäwipar apoyaskakiñäni, jan jitheqtas taqe chuyma jupar serviskakiñäni (Is 1:16-18; 55:7).

JEHOVÁ DIOSAR TAQE CHUYMA JAN JITHEQTAS SERVIPJJAÑÄNI SAT VIDEO UÑTASAJJA, AKA JISKTʼANAKARUW QHANAÑCHTʼÄTA:

• 

  Mä wawajj jaqsut uñjasi ukhajja ¿kunjamakis awk taykanakajj jikjjatasipjje?

• 

  ¿Kunjamsa congregacionajj jaqsutan familiaranakapar yanaptʼaspa?

• 

  Familiasar munasiñat sipansa Jehová Diosar taqe chuym munasiñaw jukʼamp importantejja, ¿khitin sarnaqäwipas Biblian uk uñachtʼayi?

• 

  ¿Familiasar munasiñat sipansa Jehová Diosar taqe chuyma munasitas kunjamatsa uñachtʼaytanjja?