CRISTIANJAM JAKAÑATAKI
¿Diosan Reinopat Yatiyirinakataki Escuelar sarañ munasmati?
Diosan Reinopat Yatiyirinakataki Escuelarojj 23 maranit 65 marankamaw jilat kullakanakajj sarapjjaspa. Jumatï ukha maranakanïsta, Diosar sapürunjam servisksta, jan usutäksta, kawkjantï yatiyirinakajj munaski ukar sarañ munaraksta ukhajja, uka escuelar sarañataki utjki uka solicitud phoqantasmawa. Escuelajj uñstkäna ukhat jichhakamajja walja matrimonionaka, walja soltero jilat kullakanakaw solicitud phoqantawayapjje. Ukampis soltero jilatanakaw jukʼamp munasi. Jesusat yateqasiñatakisa, Diosar jukʼamp serviñ munañatakis Jupar yanaptʼa mayisim (Sl 40:8; Mt 20:28; Heb 10:7). Familiamana, trabajoman walja luräwinakanïsta ukhajj ukanakat amuykiptʼasirakim, ¿escuelar sarañatakejj janit ukanak wakisitarjam mayjtʼaykasma?
¿Uka escuelar saririnakajj kunanakansa servipjje? Yaqheparojja, kawkjantï yaqha arojj parlaski uka cheqanakan servipjjañapatakiw khitasi, yaqhepasti predicación metropolitana ukanwa yanaptʼapjje. Tiempompejja, yaqhepajj congregacionanak tumptʼirin sustitutopata, congregacionanak tumptʼirita jan ukajj misionerotwa servipjjaraki. Jehová Diosar jukʼamp serviñatakejj kunanaksa lurasma ukanakat amuykiptʼkasajja Isaías profetat yateqasim, jupajj akham sänwa: “Akankasktwa nayajj, nayar khitasita” sasa (Is 6:8).
MISIONERONAKA: COSECHA APTHAPIÑAN TRABAJIRINAKA SAT VIDEO UÑTASAJJA, AKA JISKTʼANAKARUW QHANAÑCHTʼÄTA:
¿Kunjamsa misioneronakarojj ajllisi?
¿Kunsa misioneronakajj lurasipki?
¿Kuna bendicionanaksa misioneronakajj katoqapjje?