Awk taykanaka, wawanakamar jan walinakat jarkʼaqasipjjañapatak yatichapjjam

Jaqenakajja, kunatï walïki ukarojj janiw walïkiti sasaw sapjje, jan walïki ukarojj walikiwa sasaw sapjjaraki, jupanakjam amuyañaswa munapjjaraki (Is 5:20). Waljaniw kuntï Diosajj uñiski ukanak lurapjje, chachapura warmipura qʼañunak lurañas uka taypinkarakiwa. Wawanakasarojja, uka jan walinak lurapjjañapatakiw colegion chʼamañchapjjarakispa. ¿Kunjamsa uka jan walinakat jarkʼaqasipjjañapatak yanaptʼsna?

Jehová Diosan leyinakap yatichapjjam (Le 18:3). Jilsupkipan chacha warmi ikthapiñ toqet Bibliajj kamsisa uk yatichapjjarakim. Qhawqha maranïpjjesa, kunsa amuyapjjaspa ukarjamaw uk yatichapjjasma (Dt 6:7). Akham jisktʼasipjjam: “¿Khitinakampis jan parlapjjañapäki, kunatsa jan uñtʼatanakar jan sinti jakʼachasipjjañapäki uka toqenakat wawanakajar yatichaskti? ¿Kunjamas sum isisiñajj uk yatipjjeti? Janiw khitis wawanakar jan wali amtamp uñchʼukiñapäkiti ¿uka toqet wawanakajar parltti? ¿Maynejj pornografía uñjayañ munani, jan ukajj mä jan wal lurañapatak mayini ukhajj kamachañapasa uk yatichaskti?” sasa. Wawanakasajj taqe ukanak yatipjjani ukhajja, janiw jan walinakan uñjasipkaniti (Pr 27:12; Ec 7:12). Wawanakasar sum yatichasajja, Jehová Diosan herenciapar wali valoranit uñjataswa uñachtʼayañäni (Sl 127:3).

JAN WALTʼÄWINAK AGUANTIR UTA UTACHAPJJAÑÄNI: ‘JAN WALINAKAT’ WAWANAKASAR JARKʼAQAPJJAÑÄNI SAT VIDEO UÑTASAJJA, AKA JISKTʼANAKARUW QHANAÑCHTʼÄTA:

• 

  ¿Kunatsa yaqhep awk taykanakatakejj wawanakapampi chacha warmjam sarnaqañat parlañajj chʼamakïspa?

• 

  ¿Kunatsa awk taykanakajj wawanakapar ‘kunjamtï Jehová Diosajj munki ukarjam cheqañchapjjañapa ewjjtʼapjjañaparaki’? (Ef 6:4).

• 

  Wawanakapar sum uywapjjañapatakejj ¿kuna yanaptʼanaksa Jehová Diosajj markap toqejj awk taykanakar churi? (w19.05 pág. 12).

• Janïr problemanak utjkipan ¿kunatsa awk taykanakajj wawanakapamp sum parltʼasipjjañapa?