Bibliat yateqerinakar jan wali lurañanak jaytanukupjjañapatak yanaptʼañäni

Jehová Diosan suma amigopäpjjañapatakejja, Bibliat yateqerinakajj jan wali lurañanak jaytanukupjjañapawa (1Pe 1:14-16). Ukham lurapjjani ukhajja, familiapan suman jakasiña, kʼumara jakasiña, qollqe toqet suman jakasiñaw utjaspa.

Bibliat yateqerirojj Jehová Diosan leyinakapat qhanwa qhanañchañama, kunatsa uk lurañasa, kunjamsa ukajj yanaptʼistaspa uksa sañamarakiwa. Bibliat yateqerirojj nayra amuyup jaytañapatakiw yanaptʼañama, ukatsti ukarjamaw lurjjarakini (Ef 4:22-24). Jan wali lurañanakar yatinoqtatäkchisa, uk jaytañatakejj Jehová Diosaw yanaptʼätam sasaw sañama (Flp 4:13). Jan walinak lurañatak yantʼat uñjaskani ukhajja, Jehová Diosan yanaptʼap thaqañapatakiw yatichañama. Kunanakas juchar purtʼasiyaspa uk amuyañapatakiw yanaptʼañama, ukatsti kunatï jan walïki uk lurañat sipansa kunatï walïki uk lurañapatakiw chʼamañchtʼañama. Bibliat yateqerejj Jehová Diosan yanaptʼapampi jan wali lurañanak jaytatap amuyäta ukhajja, jumajj wal kusisïta.

BIBLIAT YATEQERINAKAR YANAPTʼAÑÄNI... KUNA LURAÑANAKTÏ JEHOVÁ DIOSAJJ UÑISKI UKANAK JAYTANUKUPJJAÑAPATAKI SAT VIDEO UÑTASAJJA, AKA JISKTʼANAKARUW QHANAÑCHTʼÄTA:

• 

  Rositajj marihuanampi janit qollaskiristjja sasin säna ukhajja, ¿kunsa ancianonakasa Ritas lurapjjäna?

• 

  ¿Kunsa Ritajj Rositar yanaptʼañatakejj luräna?

• 

  ¿Kunsa Rositajj Jehová Diosampi yanaptʼayasiñatakejj luräna?