BIBLIAN SUMA YATICHÄWINAKAPA

Khitimpis casarasïta uk sumwa ajlliñama

Salomonajja, yaqha diosanakar serviri warminakamp casarasisajj jan yatiñanïtapwa uñachtʼayäna (1Re 11:1, 2; w18.07 pág. 18 párr. 7).

Salomonan esposanakapajj jukʼat jukʼatwa yaqha diosanakar arkañapatak jupan chuymap mayjtʼayapjjäna (1Re 11:3-6; w19.01 pág. 15 párr. 6).

Jehová Diosajj Salomonatak wal colerasïna (1Re 11:9, 10; w18.07 pág. 19 párr. 9).

Fotonaka: Mä soltera kullakaw Biblia estudiaski, ukatsti mä soltero jilatatwa lupʼiskaraki. 1. Uka jilatajj mä tantachäwinwa arstʼaski. 2. Uka pachpa jilatajja kawkjantï walja jaqenakajj utjki uka cheqanwa predicaski. 3. Uka pachpa jilatajj Tantachasiñ Uta askichañanwa yanaptʼaski.

Bibliajja soltero jilat kullakanakajj “Tatitun arkiripampikiw casarasiñapa” sasaw ewjjtʼi (1Co 7:39). Ukampis maynitï bautisatächi ukhajj suma esposöniwa jan ukajj suma esposäniwa sasajj janiw sisksnati. Akham jisktʼasim: “¿Jupajj Jehová Diosar taqe chuyma serviñatakejj yanaptʼitaniti? ¿Jehová Diosar qhawqsa munasi uk walja tiempot uñachtʼayjje?” sasa. Janïr jupampi comprometiskasajja, sumwa uñtʼañama, ukatakejj tiempow munasi.