Kokkinakis ukajj Grecia contrawa: Droit réservé
Alayan chʼeqa toqenkki uka fotot qalltasin relojojj muytki uksarjamaw uñjjattʼäta: Junta de Educación de Virginia Occidental ukajj Barnette contrawa; Kokkinakis ukajj Grecia contrawa; Entidad religiosa local de Taganrog ukat yaqhanakampejj Rusia conträpjjewa; Cha ukat yaqhanakampejj Corea del Sur conträpjjewa.
CRISTIANJAM JAKAÑATAKI
‘Suma yatiyäwinak yatiyañajj leyinakarjam arjjatatäñapataki uñtʼatäñapatakiw chʼamachasipjje’
Diosan markap uñisirinakajj templo wasitat lurasiñapatak jarkʼañ munapjjäna ukhajja, trabajirinakajj permisonïpjjatap uñachtʼayañatakejj kunatï wakiskäna ukanakwa lurapjjäna (Esd 5:11-16). Jichhürunakanjja, Diosan servirinakapajj ukhamarakiw suma yatiyäwinak yatiyañajj leyinakarjam arjjatatäñapataki, uñtʼatäñapataki chʼamachasipjje (Flp 1:7). Ukatakiw 1936 maran mä departamentojj central mundialan uttʼayasiwayi. Departamento de Asuntos Legales de la Central Mundial ukajja, oraqpachanwa suma yatiyäwinak yatiyañajj leyinakarjam uñtʼatäñapatak arjjatapjje. ¿Kunjamsa uk luri, ukat kunjamsa ukajj yanaptʼistu?
DEPARTAMENTO DE ASUNTOS LEGALES UKAJJ CENTRAL MUNDIALAN UTJKI UK UÑTʼAM SAT VIDEO UÑTASAJJA, AKA JISKTʼANAKARUW QHANAÑCHTʼÄTA:
¿Leyinak toqet kuna jan walinakansa Jehová Diosan Testigonakapajj uñjasipjjäna?
¿Kuna juicionakansa atipjawayapjje? Ukanakat may qhanañchtʼam.
¿Suma yatiyäwinakajj leyinakarjam arjjatatäñapataki uñtʼatäñapatakejj kunsa jiwasajj lursna?
Diosan markapajj leyinak toqet kunjamanakansa uñjasi uka noticianaksa, Diosar creyipjjatap layku Testigonakajj carcelan llawintatäpki uka listsa, ¿kunjamsa Internetan jikjjatsna?