CRISTIANJAM JAKAÑATAKI
Jehová Diosjam munasiri jan jaytjasiri ukhamäpjjañäni
Jehová Diosajj munasiri jan jaytjasiri Diosawa, jupatwa yateqasiñasa (Sl 103:11). Uka munasiñajj janiw mä ratutakikïkiti. Jan ukasti, taqe chuyma munasiña, wiñayatak munasiñawa. Jehová Diosajj kunayman toqetwa israelitanakarojj munasirïtapsa jan jaytjasirïtapsa uñachtʼayäna. Egipto markan tʼaqesisipkäna ukat irpsunisajj Suma Oraqeruw irpantäna (Sl 105:42-44). Markaparojj walja kutiw enemigonakapat salväna, kutin kutiniw perdonarakïna (Sl 107:19, 20). “Jehová Diosan munasirïtapatsa jan jaytjasirïtapatsa” taqe chuyma yatjjattan ukhajja, jupat yateqasiñ wal muntanjja (Sl 107:43).
JEHOVÁ DIOSAJJ KUNJAMSA MUNASIÑAT JAN JAYTJASIRÏTAP UÑACHTʼAYÄNA UK AMUYTʼAPJJAÑÄNI SAT VIDEO UÑTASAJJA, AKA JISKTʼANAKARUW QHANAÑCHTʼÄTA:
¿Kunjamanakatsa munasirïtassa jan jaytjasirïtassa uñachtʼaysna?
¿Munasirïtassa jan jaytjasirïtassa uñachtʼayañatakejj kunatsa awisajj sacrificionak lurañajj wakisi?