CRISTIANJAM JAKAÑATAKI

Jan kuna religionarus sarapki ukanakarojj Luriripar uñtʼañapatak yanaptʼam

¿Jan kuna religionarus sarki uka jaqejj janiw istʼkitaspati sasat awisajj uka jaqer jan predikirïkta? Ukhamächi ukhajj akwa amtañama: nayrajj jan kuna religionarus sarapkäna, jan ukajj Diosar jan creyipkäna ukanakat waljanejja, jichhajj Jehová Diosan Testigopäjjapjjewa. Jupanakarojj mä jukʼa yanaptʼañakiw Diosan cheqapun utjaskatap creyiñapatakejj munasïna (Ro 1:20; 10:14).

AMTAPJJAPUNIM: DIOSAR JAN CONFIYIRINAKAJJ CONFIYAÑ YATEQAPJJASPAWA. RELIGIONAR JAN CREYIPKI UKA JAQENAKA SAT VIDEO UÑTASAJJA, AKA JISKTʼARUW QHANAÑCHTʼÄTA:

¿Tommaso jilatan experienciapajj kunjamsa jan kuna religionarus sarapki ukanakar predicañatakejj yanaptʼtamjja?

Respuesta

Kunjamsa uk lurasma

Diosar jan creyir jaqemp jikisïta ukhajja, munasiñampiw uñjañama, wali amuyumpiw parltʼañamaraki, kunsa amuyi, kunjamas jikjjatasi uk taqe chuymaw istʼañama (2Ti 2:24). Kuna toqenakatsa parlañ munaspa uka toqenakatwa parltʼañama. Mä Luririn cheqapun utjaskatap creyiñatakejj kunanakas walja jaqenakarojj yanaptʼawayi ukanakat ¿jupajj yatjjatañ muniti? Ukhamächi ukhajja, Bibliat apstʼat qellqatanaka, videonakajj wakichtʼasiwayki ukanakamp yanaptʼasisaw parltʼasma. Bibliat yatichañatak herramientanakajj utjkistu ukarojja, ¿Es la vida obra de un Creador? ukat El origen de la vida. Cinco cuestiones dignas de análisis sat folletonakampiw yaptʼasiwayi, ukhamat fácil jikjjatañataki.

Diosar jan creyiri jaqemp parlañ inas qalltan ajjsarayaschïta. Ukhamäni ukhajja, experienciani mä jilataru jan ukajj mä kullakaruw yanaptʼa mayiñama. Ak janipun armamti: Jehová Diosaw suma chuyman jaqenakan chuymapar purtʼañatakejj yanaptʼiristam, Diosan cheqapun utjatapar jichhajj jan creyipkchi ukhasa, jupaw yanaptʼiristam (Hch 13:48).