¿Kunanaksa Biblia sapür liytʼañatakejj lurasma?

Walja luräwinakanïtam laykojj inas Biblia sapür liytʼañajj jumatak chʼamakïchi (Jos. 1:8). Akanak lurañaw yanaptʼiristam.

• Jan armasiñatakejj celularaman alarma uchtʼasim. Ukaw Biblia liytʼañ horasäjjatap amtayätam.

• Mä qhana lugarar Biblia uchtʼam. Kawkjantï sapür uñjkasma uka cheqar Biblia ucham (Deut. 11:18).

• Grabat audionak istʼam. Kun lurkasasa Bibliat grabat audionakwa istʼasma. Tara kullakat parltʼañäni, jupajj wawanakaniwa, precursorarakiwa ukat arumanakaw trabajiraki. Kullakajj akham siwa: “Utan lurañanakamp phoqkasajja, Bibliat grabat audionakwa istʼta, ukaw Biblia sapür liytʼañatak yanaptʼitu” sasa.

• Biblia sapür liytʼañatak chʼamachasim. Kuna horasarutï Biblia liytʼañ amtkta ukamp awisajj jan phoqañ puedkäta ukhajja, janïr ikintkasaw mä qhawqha versiculonak liytʼasma. Jan liytʼañat sipansa mä jukʼ liytʼañaw jukʼamp wakiskirejja. Ukham lurañaw yanaptʼätam (1 Ped. 2:2).