Guerranaka | ¿Kunsa Diosan Reinopajj lurani?

Guerranakajj oraqpachan kunayman jan walinak utjayaskakiwa, ukatwa walja jaqenakajj jan waltʼayat uñjasipjje, wal tʼaqesipjjaraki. Uka toqet parlkasajj aka yatiyäwinakat amuytʼañäni:

• “Guerranak utjatapatjja walja jaqenakaw pasïr marajj jiwawayapjje, jukʼampisa Etiopía ukat Ucrania markanakanwa walja jaqenakajj jiwawayapjje. 1994 marat aksarojja, pasïr maraw jukʼamp jiwatanakajj utjawayi” (Instituto de Investigación para la Paz de Oslo, 7 de junio de 2023).

• “2022 maran kunayman jan waltʼäwinakaw jiljjattawayi, ukanakat mayajj Ucrania markan utjawayki uka guerrawa. Aka oraqpachanjja, pasïr marajj política toqen jan waltʼäwejj jukʼampiw jiljjattawayaraki (27%), ukhamätapat niya 1.700 millones jaqenakaw jan walin uñjasiwayapjje” (Proyecto de Datos de Localización y Eventos de Conflictos Armados [ACLED], 8 de febrero de 2023).

Bibliajj mä suma suytʼäwi churistu. “Alajjpachankir Diosajj yaqha reino uttʼayarakini, uka reinojj janipuniw tukjatäkaniti” (Daniel 2:44). Diosajj uka Reino toqew ‘oraqpachan utji uka guerranak’ chhaqtayani (Salmo 46:9).