Qhanañchäwi

a Jehová Diosan servirinakapajj Diosar wal munastanjja, kusisiyañ munaraktanjja. Jupajj santo Diosawa, jiwasajj jupjam santösna ukwa munaraki. Niyakejjay pantjasirïstanjja, ¿santo jaqëñ puedsnati? Jïsa. Kunjamatsa sarnaqatasampejj santösna uk sum amuytʼañatakejja, apóstol Pedrojj kunanaksa cristiano masinakapar ewjjtʼäna, kunanaksa Jehová Diosajj israelitanakar ewjjtʼarakïna ukanak yatjjatañäni.