• Diosaruw taqe llakinakap katuyäna
    Jupanakjam iyawsäwinïpjjañäni

    • 9. Anajj jan waltʼäwinakan uñjasiñap yatkasasa janiw utapan qheparkänti, ¿kunsa ukajj yatichistu?

      9 Sarapjjañapäkän uka alwajja, familpachaw wal wakichasisipkäna, wawanakas ukhamaraki. Efrainan utjkäna uka qollunakanjam sarasajj Siló qollur puriñkamajja, 30 kilometronak jilwa sarapjjañapäna.b Mä uru jan ukajj pä uru sarañankänwa. Kunsa Peninajj lurani ukjja Anajj yatjjänwa, ukampis janiw utar qheparkänti. Ukajj wali yateqaskañapuniwa. Maynin jan wal luratajj Diosat jitheqtsna ukhajja, janipuniw walïkaspati. Kuna bendicionanaktï aguantaskakiñasatak chʼam churkistaspa ukanaks janiw katoqksnati.