1. ¿Khitis Jesusajja?

Jesusajja alajjpachan jakiri wali chʼamani mä angelawa. Jehová Diosajj juparuw taqe kunat sipansa nayraqat luräna. Ukatwa “taqpach luratanakatjja juparakiw nayrïrejja” sasin Bibliajj qhanañchi (Colosenses 1:15). Jesusarojj Jehová Dios pachpaw lurawayi, ukatwa Jesusajj Diosan ‘mä sapa Yoqapawa’ sasin Bibliajj qhanañchi (Juan 3:16). Jesusajj Jehová Dios Awkipamp chikaw trabajiwayi, jupaw taqe kun lurañatak yanaptʼawayi (Proverbios 8:30 liytʼäta). Jichhakamas jupanakajj wali sum apasipjje. Jesusajj ‘Aru’ satarakiwa, mä arunjja jupajj Diosat jan jitheqtiri yatiyiripawa, jupaw Awkipan instruccionanakapsa yatiyäwinakapsa yatiyi (Juan 1:14).

Adanampi Evampejj janiw Diosar istʼapkänti. Ukatwa jiwasajj juchararätansa, tʼaqestansa, jiwaraktansa.a Ukampis juchampit jiwañampit jiwasar salvañatakejja, Jehová Diosajj Jesucristo Yoqaparuw khitanïna. Jesusajj jiwatapampiw jiwañat kutsuyistu sasaw Bibliajj yatichi. Jiwasar juchampit jiwañampit kutsuyañatakejja, Jesusajj perfecto vidap churasaw pagawayi (Mateo 20:28 liytʼäta). Jesusajj aka oraqen wiñay jakañatak derechonïkchïnsa, jiwasanak layku jiwañwa ajllïna. Ukham lurasaw kuntï Adanampi Evampejj aptʼawayapki uk mayamp katoqañasatak mä suytʼäwi churistu, Jehová Diosajj qhawqsa munasistu uksa amtayarakistuwa. Aka yatichäwejj Jesusan jiwatapat yuspärañatakiw yanaptʼistani.

1. ¿Kunjamsa Jesusan jiwatapajj yanaptʼistu?

Pantjasir jaqenakjamajja, kunanakatï Jehová Diosar jan gustki ukanakwa lurtanjja. Ukampis taqe chuyma juchanakasat arrepentisisasa Diosar Jesús toqe perdón mayisisasa, Jehová Diosampejj jukʼamp sumaw apassna. Kuna jan walinaktï lurkayätan ukanak jan lurjjañatakis chʼamachasiñasarakiwa (1 Juan 2:1). Bibliajj akham siwa: “Cristow juchanak laykojj mä kutiki jiwäna, mä arunjja cheqapar sarnaqer mä jaqew jan cheqapar sarnaqer jaqenak laykojj jiwäna, ukhamatwa jumanakarojj Diosampi sumankthapipjjañamatak yanaptʼapjjtamjja” sasa (1 Pedro 3:18).

2. ¿Kunjamsa Jesusan jiwatapajj jutïrin yanaptʼistani?

Jehová Diosaw yoqaparojj jiwas layku jiwañapatak khitanïna, “ukhamat taqe khitinakatï [Jesusar] confiyapjjatap uñachtʼayapki ukanakajj jan jiwapjjañapataki, jan ukasti wiñay jakañ katoqapjjañapataki” (Juan 3:16). Adanan jan istʼasitapat kuna jan walinakatï utjawayki ukanakjja, Jehová Diosajj Jesusan jiwatap toqew qʼal chhaqtayani. Jiwasatï Jesusan jiwatapar confiyañänejja, aka oraqejj mä suma paraisöjjani ukhajj wiñayatakiw jakañäni (Isaías 65:21-23).

JUKʼAMP YATJJATAÑÄNI

3. Jesusan jiwatapajj juchampit jiwañampitwa salvistu

VIDEO: ¿Kunatsa Jesusajj jiwäna? (parte 1) (2:01)

• ¿Diosar jan istʼasajj kunsa Adanajj aptʼasïna?

Romanos 5:12 liytʼasajja aka toqetwa parltʼapjjäta:

• ¿Adanan juchachasitapat kuna jan walinsa jumajj uñjasirakta?

Juan 3:16 liytʼasajja aka toqetwa parltʼapjjäta:

• ¿Kunatsa Jehová Diosajj Yoqapar aka oraqer khitanïna?

1. Adán chachajj perfecto jaqënwa, ukampis Jehová Diosar jan istʼasajj juchampir jiwañampiruw aptʼawayistu.

2. Jesusajj perfecto jaqënwa, jupajj Diosar istʼasaw sarnaqäna, ukhamatwa jaqenakan perfectöpjjañapataki ukhamarak wiñay jakapjjañapatak mä thak jistʼarawayi.

4. Jesusan jiwatapajj taqeniruw yanaptʼistu

VIDEO: ¿Kunatsa Jesusajj jiwäna? (parte 2) (2:00)

• ¿Kunjamsa mä sapa jaqen jiwatapajj waljanir yanaptʼaspa?

1 Timoteo 2:5, 6 liytʼasajja aka toqetwa parltʼapjjäta:

• Adán chachajja perfecto jaqënwa, ukampis juchachasisajj taqeniruw juchampir jiwañampir aptʼawayistu. Jesusajj perfecto jaqerakïnwa, ¿kunsa jupajj jakäwip “ukhat ukha churasajj” taqe jaqenakar juchat kutsuyañatak luräna?

5. Jesusan jiwatapajj Jehová Diosan mä suma regalopawa

Jehová Diosan amigonakapajja, Jesusajj jupa layku jiwatap sumwa amuyapjje. Kunatsa ukham sistan uk amuyañatakejja Gálatas 2:20 liytʼapjjäta, ukatjja aka toqetwa parltʼapjjäta:

• Jesusan jiwatapajj jupatak mä regalökaspas ukham uñjatapjja, ¿kuna arunakampis apóstol Pablojj uñachtʼayäna?

Adanajj juchachaskäna ukhajja, jupasa taqpach wawanakapasa jiwañar aljantatäpjjänwa. Ukampis Jehová Diosaw Yoqaparojj jiwasanak layku jiwañapatak aka oraqer khitanïna, ukhamat jumajj wiñay jakañ katoqañamataki.

Aka aynachan utjki uka versiculonak liytʼasajja, Yoqapar tʼaqesiskir uñjasajj qhawqsa Jehová Diosajj chuymap usuyaspachäna uk amuytʼam. Juan 19:1-7, 16-18 liytʼasajja aka toqetwa parltʼapjjäta:

• ¿Kuntï Jehová Diosas Jesusas juma layku lurapki uk yatiñajj kunjamakis jumatakejja?

¿KUNSA YATEQAWAYTAN?

Jesusan jiwatapatwa Jehová Diosajj juchanakas perdonistu, jutïrin wiñayatak jakasiñatakis mä suytʼäwi churarakistu.

Amtañataki

• ¿Kunatsa Jesusajj jiwäna?

• ¿Kunjamsa Jesusajj jakäwip “ukhat ukha churasajj” taqe jaqenakar juchat kutsuyäna?

• ¿Kunjamsa Jesusan jiwatapajj jumar yanaptʼtamjja?

JUKʼAMP YATJJATAÑAMATAKI

Kunjamsa perfecto vidap jiwas layku churasajj juchampit jiwañampit Jesusajj salvistu uk yatjjatam.

“¿En qué sentido es el sacrificio de Jesús un ‘rescate por muchos’?” (Artículo de jw.org)

Salvasiñatakejj kunsa lurañasa uk yatjjatam.

“¿De qué manera nos salva Jesús?” (Artículo de jw.org)

¿Jehová Diosajj jachʼa juchanak perdoniti?

“Biblia toqet jisktʼanaka” (Yatiyañataki mayo 1, 2013)

Mä chacharojj kunjamsa Jesusan jiwatapat yatiñajj suma jaqer tukuñapatak yanaptʼäna uk yatjjatam.

“Ya no soy esclavo de la violencia” (Artículo de jw.org)

1. ¿Kunjamsa kuntï Diosasa Jesusas jiwas layku lurawayapki ukar yuspäratas uñachtʼaysna?

Khitinakatï Jesusar “confiyapjjatap uñachtʼayapki” ukanakajj wiñayatakiw jakasipjjani sasaw Bibliajj qhanañchi (Juan 3:16). ¿Kunjamsa Jesusar confiyatas uñachtʼaysna? Janiw Jesusar creyiñakejj wakiskiti, jan ukasti amtanakasansa luratanakasansa jupar confiyataswa uñachtʼayañasa (Santiago 2:17). Jesusar confiyatas luratanakasampi arunakasampi uñachtʼayktan ukhajja, jupampisa Jehová Dios Awkipampis jukʼamp sumaw apastanjja (Juan 14:21 liytʼäta).