Maynit maynikam chʼamañchtʼasipxam

1. Jehová Diosat jan jithiqtasa

yupaychaskakiñatakiw,

maynit maynirux chʼamañchastan;

jukʼamp munasipxaraktan.

Jilat kullakanak taypinxa

munasiñax wali qhanaw.

Ukaw aguantañ yanaptʼistu.

Ukanx sum jakasiraktan.

2. Horasapar arsut aruxa

chuymasx walpun qhanartayi.

Munat amigonakasawa

ukham sum chuymachtʼapxistux.

Jiwasjam amtaninakampi

irnaqtʼañax wali askiw.

Maynit mayniruw chʼamañchastan

ukatx yanaptʼasiraktan.

3. Diosan urup jakʼankatapxa,

iyawsäw laykuw uñjapxtan.

Thakit jan jithiqtañatakix

tantachtʼasiñasapuniw.

Jehová Diosarux wiñayawa

markap chikax luqtañäni.

Chʼamachtʼasiñasaw waktʼistu

jan jithiqtañasatakix.