5 JALJA

Qullqi tuqita

¿Qullq walt munta?

□ Janiwa

□ Mä jukʼa

□ Wal muntxa

¿Qullqi tuqitakti jan ukax kuna alasiñ tuqitakti parlaskta?

□ Janiwa

□ Awisakiwa

□ Jïsa

“Qullqix janiw ina chʼusat uñstkiti” ukham sasin inas awk taykamax sapür amtayaskstma. Chiqpachansa chiq parlasipki. Ukhamasti, sum amuytʼasisaw qullqxa apnaqañama. Kunattixa, qullqix wali askïkchisa, awisax llakinakaruw puriyiristamxa, amigonakamampis jaljtayiristamwa ukat Diosatsa jithiqtayiristamwa, ukatwa wali sum amuytʼasiñama. Chiqpachansa, qullqirux kunjamxay uñjchïta ukhamarjamaw jakäwimas mayjtʼaspa. Kunjamatsa qullqi tuqitxa sum amuytʼasisma, ukatakiw 18-20 yatichäwinakax yanaptʼätamxa.

18 YATICHÄWI

¿Qullqinïñatakix kamachiristsa?

“Auto alasiñatakiw qullq muntxa.” (Sergio)

“Qhatur alasir sarañxa wal muntxa.” (Lauriena)

“‘Alasikirista’ sistwa, wali sumanakapuniwa; ukampis awk taykajax alañatakix janiw qullqinïpkiti.” (Mike)

INAS jumax ukham amuyaraksta, ukatwa qullqinïñx wal munasmaxa. Jan ukax inas familiamar yanaptʼañ munaraksta. Chiqpachansa, janisay kunatix utan wakiski uk alañatakix qullq churkchïtati, ukampis juma pachpa isi alasiñataki jan ukax kunanak jumatak alasiñatakiw qullq munasma, ukhamat jan sinti awk taykamaru waytʼañataki.

Janis ukhamäkchixa, qullqix jumatakisa familiamatakis munasipuniwa. ‘Diosan Apnaqäwip nayraqat munirinakarux’ Diosaw yanaptʼaskani sasasay Jesusax sischïnxa, ukampis cristianonakax qullqi jikxatañatakix chʼamachasipxañapawa