LECCIÓN 11

Wali ganasamp parltʼaña

Romanos 12:11

¿KUNSA LURAÑAMA? Taqe chuymaw parltʼañama, ukhamatwa istʼirinakarojj chʼamañchtʼäta.

Sum wakichtʼasim. Wakichtʼaskäta ukhajja, kuntï yatichkäta ukajj qhawqha wakiskirisa ukwa amuytʼañama. Uka toqet jan pächasis parltʼañatakejja, sumwa yatjjatañama.
Istʼirinakatakjam wakichtʼasim. Kuntï liytʼkäta, jan ukajj kuntï siskäta ukajj kunjamsa istʼirinakar yanaptʼani ukwa amuytʼañama. Istʼirinakajj kunjamatsa arstʼäwim sum amuyapjjaspa, wali valoranitsa uñjapjjaspa ukwa amuytʼañamaraki.
Chuymar purtʼkir parltʼam. Taqe chuymaw parltʼañama. Ukajj ajanumansa, amparanakamp parlatamansa qhanaw amuyasiñapa.

Parlkasajja janiw kutin kutin kunsa lurañamäkiti, ukham lurasma ukhajja istʼirinakajj ukak uñchʼukjjapjjaspa. Antisas uñnaqamasa amparanakamp parlatamasa, kuntï parlkäta ukarojj yanaptʼañapawa. Wali wakiskir yatichäwinakat parlkäta, jan ukajj istʼirinakar chʼamañchtʼkäta ukhajja, taqe chuymaw parltʼañama. Ukampis janiw taqe horasan ukhampun parlañamäkiti, ukham parlasma ukhajja, istʼirinakajj janiw kuntï yatichañ munkta uk amuyjjapjjaspati.