Kunjamtï parlastan ukhamwa parltʼañasa

Bibliajj akham siwa: “Tiempoparu arsut arunakajj wali sumawa” (Prov. 15:23).

Kunsa Felipejj luräna

Etiopía markankir mä eunuco jaqeruw Felipejj prediki, uka chachajj carropanwa mä rollo liyiski.

VIDEO: Etiopía markankir mä eunuco jaqeruw Felipejj prediki

1. VIDEO uñtäta, jan ukajj Hechos 8:30, 31 liytʼäta. Ukatsti, aka jisktʼanakaruw qhanañchtʼäta:

¿Kunjamsa Felipejj parlañ qalltäna?
Kunjamtï parlastan ukham parlasaw qalltäna, ukatsti Diosatwa parlarakïna sasajj ¿kunatsa sissna?

¿Kunsa Felipet yateqassna?

2. Kunjamtï parlastan ukham parltʼañäni ukhajja, jaqenakajj janiw mayjtʼasipkaniti, sumwa istʼapjjestani.

Felipet yateqasim

3. Amuytʼirïñamawa. Istʼirjamati janicha ukwa amuytʼañama. ¿Parlañ munirjamati? Bibliat parlañ qalltañatakejj akhamwa jisktʼasma: “¿… uk yatiyätati?” sasa. Maynitï jan parlañ munkchi ukhajja, jaytjjañamakiwa, janiw obligañamäkiti.

4. Paciencianïñamawa. Jankʼakis Bibliat parlañamäkaspa ukham janiw amuyañamäkiti. Jan ukasti, kuna horasas parlañajj wakisispa ukwa suytʼañama, wakiskani ukhaw Bibliat parltʼasma. Inas yaqha uru visitʼkäta ukhakam suytʼañamajj wakischini.

5. Wakiskani ukarjamaw parltʼañama. Utanimp parlkäta ukhajja, yaqha toqetwa jupajj parljjeristam. Ukhamäni ukhajja, kuna toqettï parlañ munkayäta uka toqet janiw parlañamäjjeti. Kunas jupar llakisiyi uka toqet parltʼañamaw wakisispa.

AKA TEXTONAKWA LIYTʼARAKISMA

Ecl. 3:1, 7; 1 Cor. 9:22; 2 Cor. 2:17; Col. 4:6