Biblian cheqa yatichäwinakap yatichañajj wal gustistu

Suma chuyman jaqenakajja, kunatï cheqäki uk amuyapjjaniwa sasaw Jesusajj säna (Juan 10:4, 27). Ukatwa taqe khitinakarutï parlktan ukanakarojj Biblian fácil amuykañ cheqa yatichäwinakap uñachtʼayañ muntanjja. Ukatakejja nayraqatajj Biblian fácil amuykañ mä cheqa yatichäwipatwa parltʼsna, ukjjarojj “¿… uk yatiyätati?” jan ukajj “¿... uka toqet istʼirïtati?” sasaw jisktʼsna. Ukatsti, uka toqet qhanañchir mä textwa Biblian liytʼarapsna. Biblian fácil amuykañ mä cheqa yatichäwipat jaqenakar parlañajja, mä jiskʼa jathsa chuymapar satantksna ukhamawa. Diosaw uka jiskʼa jatharojj jiltayaspa (1 Cor. 3:6, 7).

• Jutïr uru

• Familia

• Dios

• Oración

• Jesús

• Diosan Reinopa

• Tʼaqesiña

• Jiwaña

• Religión

JUTÏR URU

1. 1. Kuna jan walinakatï jichhürunakan pasaski, kunanaktï jaqenakajj lurapki taqe ukanakajja, jan walinakajj niya chhaqtañampïskatapwa uñachtʼayistu (Mat. 24:3, 7, 8; Luc. 21:10, 11; 2 Tim. 3:1-5).

2. 2. Aka oraqejj janiw kunapachas tʼunjatäkaniti (Sal. 104:5; Ecl. 1:4).

3. 3. Aka oraqejj wali qʼañuchatawa, ukampis ukajj askichatäjjaniwa (Is. 35:1, 2; Apoc. 11:18).

4. 4. Jutïr urun janiw khitis usutäjjaniti (Is. 33:24; 35:5, 6).

5. 5. Jumajj wiñayatakiw aka oraqen jakasisma (Sal. 37:29; Mat. 5:5).

FAMILIA

1. 6. “Kunjamtï sapa maynejj jupa pachpar munaskejja”, ukhamarakiw casarat chachajj esposapar munasiñapa (Efes. 5:33; Col. 3:19).

2. 7. Casarat warmejja, esposoparojj wali respetompiw uñjañapa (Efes. 5:33; Col. 3:18).

3. 8. Casarat chacha warmejj janiw engañjasipjjañapäkiti (Mal. 2:16; Mat. 19:4-6, 9; Heb. 13:4).

4. 9. Awk taykapar respetiri, istʼiri wawanakajj sumakiw jakasipjjani (Prov. 1:8, 9; Efes. 6:1-3).

NASA, ESA and the Hubble Heritage Team (STScI/AURA)-ESA/Hubble Collaboration. Licensed under CC BY 4.0. Source.

DIOS

1. 10. Diosajj sutiniwa (Sal. 83:18; Jer. 10:10).

2. 11. Diosajj jiwasanakatakejj mä wakiskir yatiyäwiniwa (2 Tim. 3:16, 17; 2 Ped. 1:20, 21).

3. 12. Diosajj cheqapawa, jan yaqhachirirakiwa (Deut. 10:17; Hech. 10:34, 35).

4. 13. Diosajj yanaptʼañwa munistu (Sal. 46:1; 145:18, 19).

ORACIÓN

1. 14. Jupar orassna ukwa Diosajj muni (Sal. 62:8; 65:2; 1 Ped. 5:7).

2. 15. Bibliajj orasiñwa yatichistu (Mat. 6:7-13; Luc. 11:1-4).

3. 16. Orasiñasapuniwa (Mat. 7:7, 8; 1 Tes. 5:17).

JESÚS

1. 17. Jesusajj suma yatichirïnwa, ewjjtʼanakapajj yanaptʼapunistuwa (Mat. 6:14, 15, 34; 7:12).

2. 18. Jesusajj kunatï jichhürunakan pasaski ukanak yatiyjjänwa (Mat. 24:3, 7, 8, 14; Luc. 21:10, 11).

3. 19. Jesusajj Diosan Yoqapawa (Mat. 16:16; Juan 3:16; 1 Juan 4:15).

4. 20. Jesusajj janiw Diosäkiti (Juan 14:28; 1 Cor. 11:3).

Based on NASA/Visible Earth imagery

DIOSAN REINOPA

1. 21. Diosan Reinopajj alajjpachankir mä gobiernowa (Dan. 2:44; 7:13, 14; Mat. 6:9, 10; Apoc. 11:15).

2. 22. Diosan Reinopaw aka oraqenkir gobiernonak lanti apnaqjjani (Sal. 2:7-9; Dan. 2:44).

3. 23. Diosan Reinopakiw taqe jan walinak askichani (Sal. 37:10, 11; 46:9; Is. 65:21-23).

TʼAQESIÑA

1. 24. Diosajj janiw tʼaqesitanakasat juchanïkiti (Deut. 32:4; Sant. 1:13).

2. 25. Supayaw aka oraq apnaqaski (Luc. 4:5, 6; 1 Juan 5:19).

3. 26. Diosajj tʼaqesitanakam uñjiwa ukat yanaptʼañwa munaraktamjja (Sal. 34:17-19; Is. 41:10, 13).

4. 27. Diosajj niyaw tʼaqesiñanak chhaqtayjjani (Is. 65:17; Apoc. 21:3, 4).

JIWAÑA

1. 28. Jiwatanakajj janiw kuns yatipkiti, janiw tʼaqesipkarakisa (Ecl. 9:5; Juan 11:11-14).

2. 29. Jiwatanakajj janiw yanaptʼapkistaspati, janirakiw kuna jan walsa lurapkistaspati (Sal. 146:4; Ecl. 9:6, 10).

3. 30. Jiwjjapjje uka munat familiaranakasajj jaktanipjjaniwa (Job 14:13-15; Juan 5:28, 29; Hech. 24:15).

4. 31. “Janiw jiwañajj jukʼamp utj-jjaniti” (Apoc. 21:3, 4; Is. 25:8).

RELIGIÓN

1. 32. Diosajj janiw taqpach religionanakar katoqkiti (Jer. 7:11; Mat. 7:13, 14, 21-23).

2. 33. Diosajj kʼari chuymaninakarojj uñisiwa (Is. 29:13; Miq. 3:11; Mar. 7:6-8).

3. 34. Cheqa religionankirinakajj munasirïpjjewa (Miq. 4:3; Juan 13:34, 35).