Jehová Diosar jachʼañchañäni

1. Taqe Kunjjar Munañani,

wali chʼaman Diosajay,

alajjpachans oraqensa

wali munasir Diosätaw.

Taqe chuymaw cantansmajja,

wali kʼajkir Diosajay.

Chuymatpachaw yuspäransma,

wali yatiñan Diosätaw.

2. Mä qhanar uñtasitawa

suma thaknam irpistajj.

Arunakam istʼañajja,

chuymaj wal qhanartayitojj.

Qʼoma sutim wiñayawa

jaqenakar yatiyä.

Taqe kunas jumankiwa,

wali musparkañ lurataw.

3. Warawarasa intisa

taqe panqaranakas

wali suma luratawa,

jumar walpun jachʼañchapjjtam.

Jan jaytjasir Diosätawa,

wali paciencianïtaw.

Jumarukiw servïmajja,

wiñayatakiw cantämajj.