Diosaw munasiñ yatichistu

1. Munasiñampiw Diosajj uñjasistu,

taqe kun churistojj.

Juchanakasat perdonañatakejj

Yoqaparuw khitanistojj.

Jehová Dios Awkit yateqañasawa,

jaqe masisar munasiñasawa.

Ukham lurasajj taqe chuymampiwa

Jehová Diosar jachʼañchañänejj.

2. Taqe kast jaqer munasiñasawa,

uk Diosajj wal munejj.

Congregacionan sapa mayniruwa

munasiñamp uñjañasajj.

Pantjasitanaks perdonañasawa,

Diosjam munasir chuymanïñasawa.

Ukham lurasajj cristianötasajja

qhanapuniw amuyasinejj.

3. Sum apasiñaw mayachtʼarakistu,

kusisiñs churistuw.

Diosan chʼamapas Diosan Arupasa

ukatakiw yanaptʼistojj.

Jupan thakipan sarnaqañasawa,

maynit maynikam munasiñasawa.

Ukham lurasajj Dios Awkisarojja

kusisitaw servipjjañänejj.