Bibliat apstʼata sarnaqäwinaka librota yatxatañataki jisktʼäwinaka

1 sarnaqäwi

Diosaw taqi kun lurañ qallti

1. ¿Khitis taqi sumanak churistu? ¿Ukanakat kawkïrispas maynixa?

2. ¿Khitirus nayraqat Diosax luratayna?

3. ¿Nayrïr lurat angelax kunatsa wali munatänxa?

4. Aka Uraqix kunjamänsa qalltanxa uk qhanañchtʼma (dibujo uñxatäta).

5. ¿Kunjamsa Diosax animalanakataki jaqinakataki aka Uraqxa wakichañ qalltatayna?

Yaqha jisktʼäwinakampi:

1. Liytʼañamawa Jeremías 10:12.

   ¿Kunjam Diosätapsa luräwinakapan uñachtʼayasi? (Isa. 40:26; Rom. 11:33.)

2. Liytʼañamawa Colosenses 1:15-17.

   ¿Tatapax lurkäna ukhaxa kuns Jesusax luräna, ukat ukax kuns Jesusxat amuyayistu?

3. Liytʼañamawa Génesis 1:1-10.

   1. ¿Kunjamatsa aka Uraqix utji? (Gén. 1:1.)

   2. ¿Nayrïr urunxa kunas lurasïna? (Gén. 1:3-5.)

   3. ¿Payïr urunxa kunas lurasïna? (Gén. 1:7, 8.)

2 sarnaqäwi

Mä suma huerta

1. ¿Kunjamsa jiwasanakataki Diosax aka Uraqi wakichäna?

2. Diosax walja animalanakwa luratayna. ¿Aka animalanakana sutip sasmati? (Dibujo uñxatäta.)

3. ¿Kunatsa Edén huertxa wali sum Diosax luräna?

4. ¿Aka Uraqix kunjamäñapsa Diosax munäna?

Yaqha jisktʼäwinakampi:

1. Liytʼañamawa Génesis 1:11-25.

   1. ¿Kimsïr urunxa kunas lurasïna? (Gén. 1:12.)

   2. ¿Pusïr urunxa kunas lurasïna? (Gén. 1:16.)

   3. ¿Phisqïr urunsa suxtïr urunsa kuna animalanakarus Diosax luratayna? (Gén. 1:20, 21, 25.)

2. Liytʼañamawa Génesis 2:8, 9.

   ¿Kuna pä quqanaksa Diosax luratayna Edén huertanxa, ukanakax kun sañsa munäna?

3 sarnaqäwi

Jaqinakan qalltäwipa

1. ¿Payïr sarnaqäwin dibujopampi kimsïr sarnaqäwin dibujopampix kunatsa jan kikpäki?

2. ¿Khitis nayrïr chachar luratayna, ukat uka luririx kuna sutinisa?

3. ¿Kuna lurañsa Diosax Adanar churatayna?

4. ¿Kunatakisa Diosax Adanar jiw iktʼayatayna?

5. ¿Qhawqha tiemposa Adanampi Evampix jakapxasapänxa, ukat Jehová Diosax kun lurapxañapsa munäna?

Yaqha jisktʼäwinakampi:

1. Liytʼañamawa Salmo 83:18, NM a.

   ¿Diosax kuna sutinisa, ukat kunjam uñjatäñapasa? (Jer. 16:21; Dan. 4:17.)

2. Liytʼañamawa Génesis 1:26-31.

   1. ¿Suxtïr urun lurañ tukuyxasaxa kunsa Diosax luratayna, ukaxa animalanakat sipansa kunjam luratänsa? (Gén. 1:26.)

   2. ¿Jaqirusa animalanakarusa kunsa Jehová Diosax churäna manqʼapxañapataki? (Gén. 1:30.)

3. Liytʼañamawa Génesis 2:7-25.

   1. ¿Adanax animalanakaru suti apxatañatakix kamachañapänsa? (Gén. 2:19.)

   2. ¿Jehová Diosax kunjamsa jaqichasiñaru, jaljtañaru ukat divorciasiñarux uñji uka tuqit kunjamsa Génesis 2:24 qillqatax qhanañchistu? (Mat. 19:4-6, 9.)

4 sarnaqäwi

Kunjamsa utjäwip aptʼapxäna

1. Dibujo uñxatma. ¿Adanampir Evampiru kamachasipkisa?

2. ¿Kunatsa Jehová Diosax alisnukpacha?

3. ¿Evarux kamsataynas mä asiruxa?

4. ¿Khitis Evarux asirumpi arxayatayna?

5. ¿Uka huertan suma utjäwip kunjamatsa aptʼapxatayna?

Yaqha jisktʼäwinakampi:

1. Liytʼañamawa Génesis 2:16, 17 ukat 3:1-13, 24.

   1. ¿Asirun jisktʼapax kunatsa Diosat jan walinak amuyaypachäna? (Gén. 3:1-5; 1 Juan 5:3.)

   2. Evan luratapatxa, ¿kunsa yatiqsna? (Fili. 4:8; Sant. 1:14, 15; 1 Juan 2:16.)

   3. ¿Juchachasisax kamachapxataynasa Adanampi Evampixa? (Gén. 3:12, 13.)

   4. ¿Diosan jachʼa kankañaparux kunjamsa querubín sat angelanakax arxatapxatayna? (Gén. 3:24.)

2. Liytʼañamawa Apocalipsis 12:9.

   ¿Qhawqhanirus Supayax Diosan apnaqäwip contrax saytʼayi? (1 Juan 5:19.)

5 sarnaqäwi

Chʼama tukuñan qalltapa

1. ¿Edén huertat alisnukutäxän ukhaxa kunjamsa Adanampi Evampix jakxapxänxa?

2. ¿Kunas Adanampi Evampirux pasxäna ukat kunatsa?

3. ¿Kunatsa Adanampi Evampin wawanakapax chuymankiptasin jiwxapxañanakapäna?

4. Adanampi Evampitï Jehová Diosar istʼapxasapänxa, ¿jupanakas wawanakapas kunjamsa jakasipxasapäna?

5. ¿Evax Diosar jan istʼasaxa kunjamsa tʼaqhisïna?

6. ¿Adanampi Evampin nayrïr pä wawapax kamsatäpxänsa?

7. ¿Aka dibujon maynïr wawanakax khitinakäpachasa?

Yaqha jisktʼäwinakampi:

1. Liytʼañamawa Génesis 3:16-23 ukat 4:1, 2.

   1. Uraqix maldecitäna ukatxa, ¿kunjamsa Adanax jakxäna? (Gén. 3:17-19; Rom. 8:20, 22.)

   2. ¿Kunatsa “jakiri” sañ muniri Eva sutix jupatakjamänxa? (Gén. 3:20.)

   3. ¿Adanampi Evampix juchachasipkän ukhasa kunjamsa Jehová Diosax yanaptʼäna? (Gén. 3:7, 21.)

2. Liytʼañamawa Apocalipsis 21:3, 4.

   ¿Kuna jan walinakatï “nayrax utjkäna” ukanakatxa kawkïrinak chhaqtañapsa munsna?

6 sarnaqäwi

Suma yuqampi jan wali yuqampi

1. ¿Cainampi Abelampix kun lurañsa qalltapxäna?

2. ¿Kuna ofrendanaksa Cainampi Abelampix Jehová Diosar churapxäna?

3. ¿Kunatsa Abelan ofrendapax Jehová Diosar kusisiyäna, ukat kunatsa Cainan ofrendapax janirak kusisiykänxa?

4. ¿Kuna kast jaqïns Cainaxa, ukat kunjamsa Jehová Diosax yanaptʼäna?

5. ¿Cainax sullkapampi pampankkasinxa kamachänsa?

6. Sullkapar jiwayatayna ukatxa kunas Cainar pasäna uk qhañachtʼma.

Yaqha jisktʼäwinakampi:

1. Liytʼañamawa Génesis 4:2-26.

   1. ¿Jehová Diosaxa, janïr Cainax juchar purkipanxa kamsataynasa? (Gén. 4:7.)

   2. ¿Kunjamsa Cainax chuymapan amtatap uñachtʼayäna? (Gén. 4:9.)

   3. Jan juchanin wilapax wartaski ukxa, ¿kunjamsa Jehová Diosaxa uñji? (Gén. 4:10; Isa. 26:21.)

2. Liytʼañamawa 1 Juan 3:11, 12.

   1. ¿Kunatsa Cainax wal phiñasïna, ukat kunsa jiwasax yatiqsna? (Gén. 4:4, 5; Pro. 14:30; 28:22.)

   2. Familiasas Jehová Dios contra saytʼasipkpan jiwasax Diosatakjam sarnaqaskakiñäniwa, ¿kunjamsa Bibliax uka tuqit yatichistu? (Sal. 27:10; Mat. 10:21, 22.)

3. Liytʼañamawa Juan 11:25.

   ¿Kunatï chiqapäki uka layku jiwirinakarux kun churäx sis Diosaxa? (Juan 5:24.)

7 sarnaqäwi

Jan axsarir tata

1. ¿Enoc tatax kunatsa jan mayninakjamäkänxa?

2. ¿Enoc tatax jakaskäna ukhaxa kunatsa jaqinakax jan walinak lurapxäna?

3. ¿Kuna jan walinaksa lurapxäna? (Dibujo uñxatma.)

4. ¿Enoc tatax kunatsa jan axsarir chachañapänxa?

5. ¿Khä urunakanxa qhawqha maranakas jaqinakax jakapxirïna, ukampisa Enoc tatax qhawqha maras jakatayna?

6. ¿Enoc tatan jiwatapxaruxa kunas kamachäna?

Yaqha jisktʼäwinakampi:

1. Liytʼañamawa Génesis 5:21-24, 27.

   1. ¿Kunjamsa Enoc tatax Jehová Diosampi apasïna? (Gén. 5:24.)

   2. Biblianxa, ¿khiti jaqiw walja maranak jakän sisa, qhawqha maranis jiwxäna? (Gén. 5:27.)

2. Liytʼañamawa Génesis 6:5.

   ¿Enoc chachan jiwatapatxa jaqinakaxa kunjamäxapxänsa, kunatsa jichha tiemponakax ukhamarakiw sapxsnaxa? (2 Tim. 3:13.)

3. Liytʼañamawa Hebreos 11:5.

   ¿Enoc chachax kunjamatsa Diosarux “kusisiyatayna”, ukat Diosax kunjamsa imtʼäna? (Gén. 5:22.)

4. Liytʼañamawa Judas 14, 15.

   ¿Armagedón sata Diosan jachʼa urupatxa kunjamsa Enoc chachjam cristianonakax jan axsartʼas yatiyapxaspa? (2 Tim. 4:2; Heb. 13:6.)

8 sarnaqäwi

Jachʼa jaqinaka

1. ¿Kunapachatï yaqhip angelanakax Supayar istʼapxatayna ukhax kamachapxataynasa?

2. ¿Kunatsa yaqhip angelanakax alaxpachan luräwip jaytasaxa saraqanipxatayna?

3. Angelanakax aka Uraqiruw saraqanipxatayna ukat cuerponak lurasipxatayna sarakisä, ¿kunatsa ukax jan walïkänxa?

4. ¿Kunatsa angelanakan wawanakapax mayjanakäpxänxa?

5. Kunjamtï aka dibujon uñxatktaxa, ¿angelanakan wawanakapax jachʼa jaqinakaptasinxa kunanaksa lurapxäna?

6. Enoc tatan jiwatapatxa, ¿khiti suma jaqisa aka Uraqin jakäna, ukat kunatsa Diosan munatänxa?

Yaqha jisktʼäwinakampi:

1. Liytʼañamawa Génesis 6:1-8.

   ¿Jan wal sarnaqksna ukhaxa Jehová Diosax kunjamsa jikxatasispa uka tuqit kamsis Génesis 6:6 jiskʼa tʼaqaxa? (Sal. 78:40, 41; Pro. 27:11.)

2. Liytʼañamawa Judas 6.

   Angelanakax ‘janiw sum imapkänti lurañanakapxa’ sarakisä ukaxa, ¿kunsa jiwasar amtayistu? (1 Cor. 3:5-9; 2 Ped. 2:4, 9, 10.)

9 sarnaqäwi

Noé tatax mä arka luri

1. ¿Noen familiapanxa qhawqhanïpxänsa, ukat yuqanakapax kamsatäpxänsa?

2. ¿Kuna jan uñtʼatsa Diosax Noerux luram satayna, ukat kunatsa?

3. ¿Noé chachax arka tuqit yatiyir sarkäna ukhax istʼapxänti?

4. ¿Noerux animalanakampi kamachañamaw sänsa Diosaxa?

5. Kunapachatï Diosax arka jistʼantxäna ukhaxa, ¿Noempi familiapampix kamachapxañapänsa?

Yaqha jisktʼäwinakampi:

1. Liytʼañamawa Génesis 6:9-22.

   1. ¿Kunatsa Noé chachax taqinit sipansa Diosan suma yupaychiripänxa? (Gén. 6:9, 22.)

   2. ¿Jehová Diosax ñanqha jan wali luräwinak uñjasax kamsisa, uk yatisax waliskaspati jan walinakampi kusistʼañaxa jan ukax jan walinak uñchʼukiñasa? (Gén. 6:11, 12; Sal. 11:5.)

   3. ¿Jehová Diosan markapata iwxanaka katuqasaxa kunjamsa Noé chachat yatiqassna? (Gén. 6:22; 1 Juan 5:3.)

2. Liytʼañamawa Génesis 7:1-9.

   Noé chachaxa juchan jaqiskchïnsa Jehová Diosax aski jaqiw sänwa, ¿kunatsa ukax chʼamachasiskakiñasatakix yanapistu? (Gén. 7:1; Pro. 10:16; Isa. 26:7.)

10 sarnaqäwi

Uma Juicio

1. ¿Kunatsa arkax jan mantañjamäkpachänxa kunapachatï jallux qalltxäna ukhaxa?

2. ¿Qhawqha uruy arumas Jehová Diosax jall purintayatayna, ukat kawkikamas umax makatäna?

3. ¿Kamachxänsa arkaxa kunapachatï aka Uraqir umax phuqantxäna ukhaxa?

4. ¿Jachʼa jaqinakax qhispipxänti? ¿Tatanakapasti?

5. ¿Phisqa phaxsitxa arkax kawkinxänsa?

6. ¿Kunatsa Noé chachax mä chʼiyar jamachʼir khitänxa?

7. ¿Kunjamatsa Noé chachax yatïna uman wañantatapxa?

8. Kunapachatï Noex familiapampi mara jila arka manqhankxapxäna ukhaxa, ¿kamsänsa Diosaxa?

Yaqha jisktʼäwinakampi:

1. Liytʼañamawa Génesis 7:10-24.

   1. ¿Qhawqhanis Uma Juicion jiwarapxäna? (Gén. 7:23.)

   2. ¿Qhawqha tiempotsa umax wañantxäna? (Gén. 7:24.)

2. Liytʼañamawa Génesis 8:1-17.

   Jehová Diosax aka Uraqitaki qallta amtapxa janiw armkiti, ¿ukxa kunjamsa Génesis 8:17 jiskʼa tʼaqaxa uñachtʼayistu? (Gén. 1:22.)

3. Liytʼañamawa 1 Pedro 3:19, 20.

   1. Kunapachatï alaxpachar kutkatxapxäna ukhaxa, ¿kunjam uñjatäpxänsa kutkatasir ñanqha angelanakaxa? (Jud. 6.)

   2. Noempi familiapampin sarnaqäwipat yatiqasaxa, ¿kunatsa Jehová Diosaw qhispiyistani sasax atinissna? (2 Ped. 2:9.)

11 sarnaqäwi

Nayrïr kurmi

1. Kunjamtï aka dibujon uñjktaxa, ¿Noex arkat mistusax kunsa nayraqat luräna?

2. ¿Uma Juicio pasatxa Diosaxa Noempi familiapampirux kamsataynasa?

3. ¿Diosax kunaw jan utjxaniti sataynasa?

4. Kurmi uñjasaxa, ¿kun amtañasasa?

Yaqha jisktʼäwinakampi:

1. Liytʼañamawa Génesis 8:18-22.

   1. ¿Diosar kusisiykir ofrenda kunjamatsa luqtsna? (Gén. 8:21; Heb. 13:15, 16.)

   2. ¿Kunjamaw jaqin chuymapax sänsa Jehová Diosaxa, ukat jiwasax kuna tuqitsa amuyasiñasa? (Gén. 8:21; Mat. 15:18, 19.)

2. Liytʼañamawa Génesis 9:9-17.

   1. ¿Taqi aka Uraqin jakirinakampix Jehová Diosax kuna arustʼäwirus mantäna? (Gén. 9:10, 11.)

   2. ¿Kunapachkamas kurmi tuqit arustʼäwix utjaskani? (Gén. 9:16.)

12 sarnaqäwi

Mä jachʼa torre lurapxi

1. ¿Khitïns Nimrodaxa, jupxat Diosax kamsänsa?

2. ¿Kunatsa aka jaqinakax ladrillonak lurasipki?

3. ¿Kunatsa uka luräwix Diosatakix jan walïkänxa?

4. Jachʼa torre utachasipkäna ukhaxa, ¿jan tukuyapxañapatakixa kuns Diosax luräna?

5. ¿Ukat kamsatäxänsa uka markaxa, ukat ukax kamsañsa muni?

6. ¿Kunapachatï Diosax yaqha arunak jaqinakar parlayäna ukhaxa kamachapxänsa?

Yaqha jisktʼäwinakampi:

1. Liytʼañamawa Génesis 10:1, 8-10.

   ¿Nimrodax kunjam jaqïnsa, ukham jaqinakat Bibliax kamsisa? (Pro. 3:31.)

2. Liytʼañamawa Génesis 11:1-9.

   ¿Kuna amtampisa jachʼa torre lurapxatayna, ukat kunatsa uka torrex janipuniw tukuyasiñapäkänti sisnaxa? (Gén. 11:4; Pro. 16:18; Juan 5:44.)

13 sarnaqäwi

Abraham... Diosan munatapa

1. ¿Kuna kasta jaqinakas Ur markan jakasipxäna?

2. ¿Aka tatax khitisa? ¿Kunapachas utjxäna? ¿Kawkins jakasïna?

3. ¿Diosax kamsataynas Abrahamaruxa?

4. ¿Kunatsa Abrahamax Diosan munatapa sataxa?

5. ¿Ur sat markat mistxäna ukhax khitis jupampi chika saräna?

6. ¿Canaanar purxäna ukhaxa Diosax kamsänsa Abrahamaruxa?

7. ¿Abrahamax 99 maranïxän ukhaxa kamsäns Diosaxa?

Yaqha jisktʼäwinakampi:

1. Liytʼañamawa Génesis 11:27-32.

   1. ¿Lot tatax Abrahaman kunapänsa? (Gén. 11:27.)

   2. Canaán uraqir saräwinxa Taré tataw irpäna siskchisa, ¿kunjamatsa Abrahaman pʼiqtʼatap yattanxa, ukat kunatsa pʼiqtʼpachänxa? (Gén. 11:31; Hech. 7:2-4.)

2. Liytʼañamawa Génesis 12:1-7.

   Kunapachatï Canaán uraqir purxapxäna ukhaxa, ¿Jehová Diosaxa kunampsa Abrahamarux uñachtʼäyänxa? (Gén. 12:7.)

3. Liytʼañamawa Génesis 17:1-8, 15-17.

   1. Abramax 99 maranïxäna ukhaxa, ¿kamsatäxänsa, ukat kunatsa? (Gén. 17:5.)

   2. ¿Jehová Diosax kuna bendicionakak katuqätax sataynas Sara warmiruxa? (Gén. 17:15, 16.)

4. Liytʼañamawa Génesis 18:9-19.

   1. Génesis 18:19 qillqatanxa, ¿awkinakax kun lurapxañapaw sisa? (Deu. 6:6, 7; Efe. 6:4.)

   2. Jehová Diosatxa janiw kuns imtʼksnati, jupax taqi kunwa yatixa, ¿Sara warmir paskatayna ukax kunjamsa uka tuqit uñachtʼayistu? (Gén. 18:12, 15; Sal. 44:21.)

14 sarnaqäwi

Diosax Abrahamaruw yantʼi

1. ¿Diosax Abrahamarux kamsänsa, ukat ukax kunjams phuqasïna?

2. Kunjamtï aka dibujon uñjaskixa, ¿kunjamatsa Diosaxa Abrahamar yantʼäna?

3. ¿Abrahamax Diosan mayitap jan amuykasas kamachänsa?

4. ¿Yuqapar jiwayañatak cuchillo apsuskäna ukhaxa kamachänsa?

5. ¿Abrahaman iyawsäwipax kunjamänsa?

6. ¿Diosax Abrahaman luqtañapatakix kuns churäna, ukat kunjamatsa?

Yaqha jisktʼäwinakampi:

1. Liytʼañamawa Génesis 21:1-7.

   ¿Kunatsa Abrahamaxa kimsaqallqu uru saraqatarux yuqall wawapar circuncidäna? (Gén. 17:10-12; 21:4.)

2. Liytʼañamawa Génesis 22:1-18.

   ¿Kunjamatsa Isaacax Abraham awkipar istʼatapxa uñachtʼayäna, ukat ukax khiti tuqimpitsa uñachtʼayaskäna? (Gén. 22:7-9; 1 Cor. 5:7; Fili. 2:8, 9.)

15 sarnaqäwi

Lot tatan warmipaw qhip uñtäna

1. ¿Kunatsa Abrahamasa Lot tatasa maysa maysar sarxapxänxa?

2. ¿Lot tatax kunatsa Sodoma tuqir sarañ amtänxa?

3. ¿Sodoman utjasiri jaqinakax kunjamäpxänsa?

4. ¿Kamsasas pä angelanakax Lot tatar sapxäna?

5. ¿Kunatsa Lot tatan warmipax jayu qalar tuküna?

6. ¿Lot tatan warmiparu pasatayna ukax kunsa yatichistu?

Yaqha jisktʼäwinakampi:

1. Liytʼañamawa Génesis 13:5-13.

   ¿Jan waltʼäwinakax utjki ukanak askichañatakix kunsa Abrahamat yatiqtanxa? (Gén. 13:8, 9; Rom. 12:10; Fili. 2:3, 4.)

2. Liytʼañamawa Génesis 18:20-33.

   Abrahamampi Jehová Diosampi parlapkatayna uka tuqit yatxatasaxa, ¿kunatsa Jehová Diosampi Jesusampix taqi kunsa chiqaparuw uñjani sasax sapxsna? (Gén. 18:25, 26; Mat. 25:31-33.)

3. Liytʼañamawa Génesis 19:1-29.

   1. Kunjamtï aka qillqatan siskixa, ¿chachapura warmipura qʼañunak lurañatxa Diosax kamsisa? (Gén. 19:5, 13; Lev. 20:13.)

   2. ¿Abrahamax kunjamsa Diosan arunakapxa istʼäna ukat Lot chachax kunjamraksa Diosan arunakaparux istʼäna, ukat kuns yatiqtanxa? (Gén. 19:15, 16, 19, 20; 22:3.)

4. Liytʼañamawa Lucas 17:28-32.

   ¿Yänakaparusa jan ukax utjanakaparusa Lot chachan warmipax kunjams uñjäna, ukat kuns yatiqsna? (Luc. 12:15; 17:31, 32; Mat. 6:19-21, 25.)

5. Liytʼañamawa 2 Pedro 2:6-8.

   Lot chachat yatiqasisaxa, ¿aka ñanqha pachan jan walinak lurapki ukxa kunjam uñjañasasa? (Eze. 9:4; 1 Juan 2:15-17.)

16 sarnaqäwi

Isaacatak mä suma warmi

1. ¿Khitis aka waynasa, aka tawaqusa?

2. ¿Abrahamax kunjams yuqapatak warmi thaqharapïna, kunatsa?

3. ¿Abrahaman yanapiripan mayisitapar kunjamsa Diosax jaysäna?

4. ¿Isaacampi casarasiñamataki sarañäni satax kamsäns Rebecaxa?

5. ¿Kunatsa Isaacax wasitampi kusisxänxa?

Yaqha jisktʼäwinakampi:

1. Liytʼañamawa Génesis 24:1-67.

   1. Abrahaman yanapiripampi phujun jikisipki ukhaxa, ¿kunjam tawaqütaps Rebecax uñachtʼayäna? (Gén. 24:17-20; Pro. 31:17, 31.)

   2. Isaac layku Abrahaman luratapatxa, ¿kunsa jichha tiempo cristianonakax yatiqasipxaspa? (Gén. 24:37, 38; 1 Cor. 7:39; 2 Cor. 6:14.)

   3. ¿Kunatsa wali wakisirixa lupʼiñatak tiempo apsuñaxa, kunjamtï Isaacax lurkäna ukhama? (Gén. 24:63, NM; Sal. 77:12; Fili. 4:8.)

17 sarnaqäwi

Ispa wawanakax janiw kikpäpkänti

1. ¿Esaumpi Jacobumpix khitinakäpxänsa, kunats mayj mayjapxänxa?

2. Kunapachatï Abraham achachilapax jiwxäna ukhaxa, ¿Esaumpi Jacobumpixa qhawqha maranïxapxänsa?

3. ¿Kun lurasasa Esaux awk taykapar llakisiyäna?

4. ¿Kunatsa Esaux Jacobutakix wal colertʼasïna?

5. ¿Isaacax kamsasas Jacob yuqaparux iwxäna?

Yaqha jisktʼäwinakampi:

1. Liytʼañamawa Génesis 25:5-11, 20-34.

   1. ¿Jehová Diosax kamsataynas Rebecan pä wawanakapatxa? (Gén. 25:23.)

   2. ¿Kunjamsa Esaux jilïr wawäñxa uñjäna ukat kunjamsa Jacobux uñjarakïna? (Gén. 25:31-34.)

2. Liytʼañamawa Génesis 26:34, 35; 27:1-46, ukat 28:1-5.

   1. Esaux Diosan bendicionanakap janiw yäqkänti, ¿uk kunjamatsa uñachtʼayänxa? (Gén. 26:34, 35; 27:46.)

   2. Diosan bendicionap katuqañamatakixa, ¿kun lurañamaw wakisi sänsa Isaacaxa Jacoburuxa? (Gén. 28:1-4.)

3. Liytʼañamawa Hebreos 12:16, 17.

   ¿Bendicionanak jiskʼachiri jaqinakax kunarus purtʼasipxani ukat Esaur paskatayna ukax kunjamsa uk uñachtʼayistu?

18 sarnaqäwi

Haranaruw Jacobux sari

1. ¿Aka tawaqux khitisa, Jacobux uka tawaq laykux kuns luratayna?

2. ¿Jacobux Raquelampi casarasiñatakixa kun lurañsa iyawsänxa?

3. ¿Jacobumpi Raquelampi casarasiñapäpkän uka uru purinxipanxa kamachataynas Labán tataxa?

4. ¿Raquelampi casarasiñatakixa kunsa luräna?

Yaqha jisktʼäwinakampi:

1. Liytʼañamawa Génesis 29:1-30.

   1. Labán tatax janis arupar phuqkchïnxa, ¿Jacobux kunjamsa suma jaqïtapxa uñachtʼayäna, ukat jiwasax kuns yatiqsna? (Gén. 25:27; 29:26-28; Mat. 5:37.)

   2. ¿Jacobun sarnaqatapaxa kunjamsa uñachtʼayi chiqa munasiñampi patxa chuyma munasiñampix jan kikpätapxa? (Gén. 29:18, 20, 30; Cant. 8:6.)

   3. ¿Jacobun familiapanxa wawan khiti pusi warminakasa utjänxa? (Gén. 29:23, 24, 28, 29.)

19 sarnaqäwi

Jacobun jachʼa familiapa

1. ¿Jacobun Lea nayrïr warmipan suxta wawanakapaxa kuna sutinakanïnsa?

2. Lean uywatap Zilpa warmimpiw Jacobux wawanirakïna, ¿uka pä wawax kamsatänsa?

3. Raquelan uywatap Bilha warmimpiw Jacobux wawanirakïna, ¿uka pä wawax kamsatänsa?

4. ¿Raquelan pä wawapax kamsatänsa, ukat kunas pasatayna qhipïr wawa ususiskän ukhaxa?

5. Kunjamtï aka dibujon uñaskixa, ¿Jacobux qhawqha wawanakanïnsa, ukat kuna sutini jachʼa markaptapxänsa?

Yaqha jisktʼäwinakampi:

1. Liytʼañamawa Génesis 29:32-35; 30:1-26, ukat 35:16-19.

   ¿Nayra tiempoxa hebreo wawanakarux kunjamsa sutinak uchapxiritayna, uk kunjamsa Jacobun 12 wawanakapan uñjtanxa?

2. Liytʼañamawa Génesis 37:35.

   Jacob tatan phuchanakapatxa Dina saparukiw aytasi, ukampisa ¿kunjamatsa yattanxa yaqha phuchanakanïtapxa? (Gén. 37:34, 35.)

20 sarnaqäwi

Dinax jan waliruw purïna

1. Abrahamasa Isaacasa janiw Canaanankir warminakampi yuqanakapar casarañ munkänti, ¿kunatsa?

2. Dinax Canaanankiri tawaqunakampi chikachaskäna ukhaxa, ¿walikiw sänti Jacob tatapaxa?

3. ¿Akan Dinar uñchʼukiski uka chachax khitisa, ukat kuna jan walsa luratayna?

4. ¿Dinar paskatayna uk istʼasaxa Simeón, Leví sat jilanakapax kamachapxataynasa?

5. ¿Simeonampi Levimpi lurapkatayna ukax Jacob tatapatakix walikïnti?

6. ¿Aka familian jan waltʼäwinakapax kunjamatsa qalltäna?

Yaqha jisktʼäwinakampi:

1. Liytʼañamawa Génesis 34:1-31.

   1. ¿Ukham jan walir purtʼasiñatakix Dinax juchanirakïnaw sasax kunats sapxsna? (Gál. 6:7.)

   2. ¿Dinan jan walir purtʼasitapatxa kunsa waynanakasa tawaqunakasa yatiqapxaspa? (Pro. 13:20; 1 Cor. 15:33; 1 Juan 5:19.)

21 sarnaqäwi

Jilanakapaw Joseyar uñisipxi

1. ¿Kunatsa jilanakapax Joseyar uñisipxäna, ukat kamachapxänsa?

2. ¿Jilanakapax Joseyar kamachañsa munapxäna, ukampis Rubén jilapax kamsänsa?

3. Alakip ismaelitanakax purinipxäna ukhaxa, ¿kamachapxänsa?

4. ‘Joseyax jiwatäxiw’ sasa tatapan amuyañapatakixa, ¿kamachapxänsa Joseyan jilapanakapaxa?

Yaqha jisktʼäwinakampi:

1. Liytʼañamawa Génesis 37:1-35.

   1. ¿Kunapachatï tama taypin jan walinakax luraski ukhax Joseyat yatiqasisax kamachañasasa? (Gén. 37:2; Lev. 5:1; 1 Cor. 1:11.)

   2. ¿Kunatsa Joseyar aljapxäna? (Gén. 37:11, 18; Pro. 27:4; Sant. 3:14-16.)

   3. ¿Kunapachatï maynix jiwxi ukhaxa kunjamas jikxatastanxa, Jacob tatax kunjamas jikxatasïna? (Gén. 37:35.)

22 sarnaqäwi

Joseyaruw katuntapxi

1. ¿Qhawqha maranïxansa Joseyax Egiptor apapkäna ukhaxa, Egiptor purïna ukhax kamachänsa?

2. ¿Kunatsa Joseyar katuntapxäna?

3. ¿Joseyax carcelan kuns luräna?

4. ¿Joseyax Faraonan vino askatiripatakisa tʼantʼa luriripatakisa kamachänsa?

5. ¿Carcelat apsxasaxa kamachapxänsa vino askatiriruxa?

Yaqha jisktʼäwinakampi:

1. Liytʼañamawa Génesis 39:1-23.

   Janiw yaqha chachan warmipampix ikintätati sas qillqat kamachix janixay Joseyax jakkäna ukapachax utjkchïntixa, ¿kunas Joseyar yanaptʼäna Potifaran warmipat tʼijtxañatakixa? (Gén. 2:24; 20:3; 39:9.)

2. Liytʼañamawa Génesis 40:1-23.

   1. Jehová Diosax vino askatirin samkapat Joseyarux kamsänsa uka tuqit mä jukʼa arstʼma (Gén. 40:9-13).

   2. ¿Tʼantʼa luririxa kuns samkasïna, ukat samkapax kamsañs munäna? (Gén. 40:16-19.)

   3. ¿Kunjamsa jichhürunakanxa ‘amuyasiri chiqap uywatasti’ Joseyat yatiqasixa? (Gén. 40:8; Sal. 36:9; Juan 17:17; Hech. 17:2, 3.)

   4. ¿Uruchasiñax walïskit cristianonakatakixa uk kunjamsa Génesis 40:20 qillqatax qhanañchi? (Ecl. 7:1; Mar. 6:21-28.)

23 sarnaqäwi

Faraonan samkanakapa

1. ¿Mä arumax kunas Faraonar pasäna?

2. ¿Faraonan vino askatiripax kunatsa Joseyat amtasïna?

3. Kunjamtï aka dibujon uñachtʼayaskixa, ¿Faraonax kunanaks samkasïna?

4. ¿Samkanakax kunaw sänsa Joseyaxa?

5. ¿Kunjamatsa Joseyax Egipto markan jilïrit uttʼayatänxa?

6. ¿Kunatsa Joseyan jilanakapaxa Egipto markar sarapxäna, ukat kunatsa Joseyar jan uñtʼapkäna?

7. ¿Kuna samksa Joseyax amtasïna, ukat kunas uka samka sum amuyañapatakix yanaptʼäna?

Yaqha jisktʼäwinakampi:

1. Liytʼañamawa Génesis 41:1-57.

   1. ¿Samkanakat yatiyasaxa kunjamatsa Joseyax Jehová Diosar jachʼañchäna, ukat cristianonakax kunjamatsa uk yatiqasipxarakispa? (Gén. 41:16, 25, 28; Mat. 5:16; 1 Ped. 2:12.)

   2. Egipton manqʼañax utjkäna uka maranakampi machʼa maranakampixa, ¿kunjamatsa ukhamankapxarakixa cristianüpxtwa sirinakampi Jehová Diosan markapampixa? (Gén. 41:29, 30; Amós 8:11, 12.)

2. Liytʼañamawa Génesis 42:1-8 ukat 50:20.

   Mä markan costumbrepächi ukhaxa, ¿Jehová Diosan yupaychirinakapaxa respet uñachtʼayañataki altʼasisipkaspati mä jaqi nayraqatanxa? (Gén. 42:6.)

24 sarnaqäwi

Joseyaw jilanakapar yantʼi

1. ¿Kunatsa Joseyax uñaqanakäpxtaw sasa jilanakapar säna?

2. ¿Kunatsa Jacob tatax Benjaminar Egiptor khitxänxa?

3. ¿Kunjamatsa Benjaminan qʼipipanxa qullqit lurat copax uñstäna?

4. ¿Benjaminar jan katuntapxañapatakixa Judá jilapax kamsänsa?

5. ¿Joseyan jilanakapaxa kunjam jaqinakäxapxänsa?

Yaqha jisktʼäwinakampi:

1. Liytʼañamawa Génesis 42:9-38.

   Génesis 42:18 jiskʼa tʼaqan qillqatäki uka arunakaxa, ¿kunatsa Jehová Diosan markapan jichha tiempo irpirinakapatakix mä amtäwixa? (Neh. 5:15; 2 Cor. 7:1, 2.)

2. Liytʼañamawa Génesis 43:1-34.

   1. Rubenax jilïrïchïnsa, ¿kunatsa Judá jilapaw jilanakap lanti parlirïna sistanxa? (Gén. 43:3, 8, 9; 44:14, 18; 1 Cró. 5:2.)

   2. Amuyatatxa, ¿kunjamatsa Joseyax jilanakapar yantʼäna, ukat kunatsa? (Gén. 43:33, 34.)

3. Liytʼañamawa Génesis 44:1-34.

   1. Jilanakapampi jan uñtʼayasiñatakixa, ¿kuna jaqjamas tuküna? (Gén. 44:5, 15; Lev. 19:26.)

   2. ¿Kunjamatsa janiw nayrjam envidiasirïxapxänti uk Joseyan jilanakapax uñachtʼayapxäna? (Gén. 44:13, 33, 34.)

25 sarnaqäwi

Utpachaw Egiptor sarxapxi

1. ¿Kunapachatï Joseyax jilanakapar Joseyätwa siskäna ukhaxa kamachapxänsa jilanakapaxa?

2. ¿Kunjamsa Joseyax suma arunakampi jilanakaparu qhanañchäna?

3. ¿Joseyan jilanakapat istʼasax kamsänsa Faraonaxa?

4. Kunapachatï Jacobun familiapax Egiptor sarxapxäna ukhaxa, ¿qhawqhanïpxänsa?

5. ¿Jacobun familiapax kamsatänsa, ukat kunatsa?

Yaqha jisktʼäwinakampi:

1. Liytʼañamawa Génesis 45:1-28.

   Inas qalltanxa yupaychirinakax tʼaqhisipxchispa jan waltʼäwin uñjasipxchispa ukampisa askinkañaw jutaspa, ¿kunjamsa Joseyan sarnaqäwipax uk uñachtʼayi? (Gén. 45:5-8; Isa. 8:10; Fili. 1:12-14.)

2. Liytʼañamawa Génesis 46:1-27.

   ¿Jacob tatarux Egiptor sarxañapatakixa kunjamsa Jehová Diosax chʼamañchäna? (Gén. 46:1-4.)

26 sarnaqäwi

Diosat jan jithiqtir Job tata

1. ¿Khitïnsa Job tataxa?

2. ¿Supayax kamachañs munäna? ¿Munañapax phuqasïnti?

3. ¿Jehová Diosax kunsa Supayarux ‘ukhamax lurmay sataynaxa’, ukat kunatsa?

4. ¿Kunatsa Job tatarux warmipax “Diosar ñanqhacham ukat jiwxam” sataynaxa? (Dibujo uñxatma.)

5. Kunjamtï aka payïr dibujon uñjaskixa, ¿Jehová Diosax Job tatarux kunjamsa bendicïna, ukat kunatsa?

6. Jiwasatï Jobjam Diosat jan jithiqtkañänixa, ¿kuna bendicionanaksa katuqañäni?

Yaqha jisktʼäwinakampi:

1. Liytʼañamawa Job 1:1-22.

   Jichhürunakanxa, ¿kunjamsa cristianonakax Job tatat yatiqasipxaspa? (Job 1:1; Fili. 2:15; 2 Ped. 3:14.)

2. Liytʼañamawa Job 2:1-13.

   Job tatampi warmipampixa janiw kikpa amuyapkänti kunapachatï Supayax tʼaqhisiykäna ukhaxa, ¿kunatsa ukham sistanxa? (Job 2:9, 10; Pro. 19:3; Miq. 7:7; Mal. 3:14.)

3. Liytʼañamawa Job 42:10-17.

   1. Jesusasa Job tatasa chiqap chuymampi sarnaqasaxa, ¿kuna niya kikpa bendicionanaksa katuqapxäna? (Job 42:12; Fili. 2:9-11.)

   2. Kuntï Job tatax Diosat jan jithiqtasax katuqkän uk yatiñaxa, ¿kunjamsa chʼamañchistu? (Job 42:10, 12; Heb. 6:10; Sant. 1:2-4, 12; 5:11.)

27 sarnaqäwi

Qhuru Faraonaw Egipto apnaqi

1. ¿Khitis chikuti iqtʼat jaqixa, ukat khitirus jawqʼjaski?

2. ¿José tatan jiwatapatxa israelitanakarux kunas pasäna?

3. ¿Kunatsa egipcionakax israelitanakar axsarapxäna?

4. Israelit warminakar ususiñ yanapirinakaruxa, ¿kamsataynas Faraonaxa?

Yaqha jisktʼäwinakampi:

1. Liytʼañamawa Éxodo 1:6-22.

   1. ¿Kunjamatsa Abrahamaru siskän ukxa Diosax phuqañ qalltänxa? (Éxo. 1:7; Gén. 12:2; Hech. 7:17.)

   2. ¿Kunjamsa israelit usuyir warminakaxa jakäwir wali valorani uñjapxatapxa uñachtʼayapxäna? (Éxo. 1:17; Gén. 9:6.)

   3. ¿Jehová Diosar munasitapatxa usuyir warminakaruxa kunjamsa Diosax bendicïna? (Éxo. 1:20, 21; Pro. 19:17.)

   4. Abrahaman wawanakapatwa mä wawax jutani sasa Jehová Diosax amtkän ukxa, ¿kunjamatsa Supayax chhaqtayañ yantʼäna? (Éxo. 1:22; Mat. 2:16.)

28 sarnaqäwi

Moisés wawaruw qhispiyasi

1. ¿Aka wawax khitisa, ukat khitin lukʼanapatsa katuntasiski?

2. ¿Jan Moisesar jiwayapxañapatakix Moisesan mamitapax kamachataynasa?

3. ¿Aka dibujonkki uka jiskʼa imillax khitisa, ukat kunsa luräna?

4. Kunapachatï Faraonan phuchapax Moisés wawar katjkäna ukhaxa, ¿kamsänsa Mariaxa?

5. ¿Faraonan phuchapax Moisesan mamitaparux kamsänsa?

Yaqha jisktʼäwimpi:

1. Liytʼañamawa Éxodo 2:1-10.

   ¿Kunapachasa mamapax Moisesar yatichäna, ukat kunsa jichhapach awkinakasa taykanakasa ukat yatiqasipxarakispa? (Éxo. 2:9, 10; Deu. 6:6-9; Pro. 22:6; Efe. 6:4; 2 Tim. 3:15.)

29 sarnaqäwi

Kunatsa Moisesax Egiptot sarxi

1. ¿Kawkinsa Moisesax jilsxäna, ukat awkipas taypasa kunjamankaskänsa uk yatïnti?

2. ¿40 maranïxäna ukhaxa kamachataynasa?

3. Kunapachatï mä israelitax jilat masipar nuwaskän ukhaxa, ¿kamsataynas Moisesaxa, ukat jupar kamsarakitaynasa?

4. ¿Egipto markat kunatsa Moisesax sarxäna?

5. ¿Moisesax kawkirus sarxäna, ukanxa khitirus uñtʼänxa?

6. ¿Ukat 40 maranakax kunsa Moisesax luraskäna?

Yaqha jisktʼäwinakampi:

1. Liytʼañamawa Éxodo 2:11-25.

   Moisesax Egipton yatichsutäkchïnsa, ¿markaparu ukat Jehová Diosaru munasitapxa kunjamsa uñachtʼayänxa? (Éxo. 2:11, 12; Heb. 11:24.)

2. Liytʼañamawa Hechos 7:22-29.

   Moisesax jupapachpaw Egiptot israelitanakaru qhispiyañ munäna, ¿ukat kunsa yatiqsna? (Hech. 7:23-25; 1 Ped. 5:6, 10.)

30 sarnaqäwi

Nakhaskir chʼaphi

1. ¿Aka dibujonkki uka qullux kamsatasa?

2. ¿Qullur uwija awatir anakiskän ukhaxa kuna muspharkañsa Moisesax uñjäna?

3. ¿Nakhaskir chʼaphi taypit kamsanïnsa, ukat khitin arupänsa?

4. ¿‘Egiptot markajar irpsunirapita’ satax Moisesax kamsänsa?

5. ¿Moisesaruxa ‘khitis jumar khitantam’ sataxa kamsätaw sänsa Diosaxa?

6. ¿Diosan khitapätapxa kunjamatsa Moisesax uñachtʼayañapäna?

Yaqha jisktʼäwinakampi:

1. Liytʼañamawa Éxodo 3:1-22.

   Awisax Diosan amtäwiparjam janis lurirjamäkstanxa, Jehová Diosax yanapistaniwa, ¿kunjamsa uka tuqit chʼamañchistu Moisesaru kunatï paskäna ukaxa? (Éxo. 3:11, 13; 2 Cor. 3:5, 6.)

2. Liytʼañamawa Éxodo 4:1-20.

   1. ¿Madián uraqin Moisesax 40 mara jakxän ukhaxa kunjam jaqïxansa, ukat khitinakatï Diosan markapan irpirïñ munapxi ukanakax kunsa Moisesat yatiqasipxaspa? (Éxo. 2:11, 12; 4:10, 13; Miq. 6:8; 1 Tim. 3:1, 6, 10.)

   2. Jehová Diosax markapnam chiqañchistaspawa, ¿Moisesar paskäna ukax kunjams chʼamachistu? (Éxo. 4:12-14; Sal. 103:14; Heb. 12:4-11.)

31 sarnaqäwi

Faraonar uñjiriw sarapxi

1. Moisesampi Aaronampix milagronak lurapkäna ukhaxa, ¿israelitanakax kamsapxänsa?

2. ¿Moisesampi Aaronampixa kamsäpxänsa Faraonaruxa, ukat uk satax Faraonax kamsakïnsa?

3. Kunjamtï dibujon uñjaskixa, ¿Aaronax thujrup jaqnuqän ukhaxa kamachänsa?

4. ¿Faraonan yatiñapatakix Jehová Diosax kamachänsa, ukat Faraonax kamachakïnsa?

5. ¿Tunkïr jan waltʼäwxaruxa kunas kamachäna?

Yaqha jisktʼäwinakampi:

1. Liytʼañamawa Éxodo 4:27-31 ukat 5:1-23.

   ¿“Janiw nayax Jehová Diosarux uñtʼkti” sasinxa, Faraonax kamsañsa munäna? (Éxo. 5:2; 1 Sam. 2:12; Rom. 1:21.)

2. Liytʼañamawa Éxodo 6:1-13, 26-30.

   1. ¿Abrahamarusa, Isaacarusa, Jacoburusa kuna tuqitsa Jehová Diosax jan uñtʼayaskänxa? (Éxo. 3:13, 14; 6:3; Gén. 12:8.)

   2. Moisesax Egiptor sarañatakix janis wakichatäkchïnxa Jehová Diosax khitänwa, ¿uka tuqit yatisaxa kunjamas jiwasanakax jikxatastanxa? (Éxo. 6:12, 30; Luc. 21:13-15.)

3. Liytʼañamawa Éxodo 7:1-13.

   1. Moisesampi Aaronampix Diosan arunakapxa jan axsartʼasaw Faraonar sapxäna, ¿jichha tiempo Diosar yupaychirinakax kunsa ukat yatiqasipxaspa? (Éxo. 7:2, 3, 6; Hech. 4:29-31.)

   2. Jehová Diosax Egiptonkir taqi diosanakxaru wali chʼamanïtapxa, ¿kunjamsa uñachtʼayäna? (Éxo. 7:12; 1 Cró. 29:12.)

32 sarnaqäwi

10 jan waltʼäwinaka

1. Dibujonak uñxattʼasaxa, ¿Jehová Diosax kawkir kimsa jan waltʼäwinaksa nayraqat Egiptxar apanïna?

2. ¿Nayrïri kimsa jan waltʼäwinakat sipansa mayninakax kunatsa mayjanakänxa?

3. ¿Kawkïrinakasa pusïri phisqïri suxtïri jan waltʼäwinakaxa?

4. ¿Kawkïrinakas paqallqu, kimsaqallqu llätunka jan waltʼäwinakaxa?

5. Tunkïr jan waltʼäw janïr apayankasaxa, ¿kamachapxätaw sasas Jehová Diosax israelitanakarux säna?

6. ¿Tunkïr jan waltʼäwix kawkïrinsa, ukat kamachänsa?

Yaqha jisktʼäwinakampi:

1. Liytʼañamawa Éxodo 7:19–8:23.

   1. Mayïr jan waltʼäwimpi payïr jan waltʼäwimpxa, Egipt layqanakax lurapxarakikchïnsa, ¿kimsïr jan waltʼäw Diosax apankäna uk uñjasax kamsapxänsa? (Éxo. 8:18, 19; Mat. 12:24-28.)

   2. Jehová Diosax markaparux jarkʼaqaspawa, ¿ukax kunjamas pusïr jan waltʼäwin uñachtʼayasïnxa, uk yatisax kunjamsa Diosan markapax jikxatasi “jachʼa llaki urunak” jakʼachasinkipanxa? (Éxo. 8:22, 23; Apo. 7:13, 14; 2 Cró. 16:9.)

2. Liytʼañamawa Éxodo 8:24; 9:3, 6, 10, 11, 14, 16, 23-25, ukat 10:13-15, 21-23.

   1. ¿Kunapachatï tunka jan waltʼawinak Diosax apayankäna ukhaxa kuna pä tamas qhanstänxa, kunsa ukax amuytʼayistu? (Éxo. 8:10, 18, 19; 9:14.)

   2. Kunatsa Jehová Diosax Supayar jan jiwaykpacha uk amuyañatakixa, ¿kunjamsa Éxodo 9:16 jiskʼa tʼaqax yanaptʼistu? (Rom. 9:21, 22.)

3. Liytʼañamawa Éxodo 12:21-32.

   ¿Kunjamatsa Pascuax israelitanakar qhispiyäna, ukat kunarus uka amtäwix uñtayäna? (Éxo. 12:21-23; Juan 1:29; Rom. 5:18, 19, 21; 1 Cor. 5:7.)

33 sarnaqäwi

Wila Lamar Qut makatasipki

1. ¿Qhawqha israelit chachanakas warminakas wawanakas Egiptot mistupxäna, ukat khitinakas jupanakamp chika mistsupxarakïna?

2. ¿Israelitanakar khitxäna uka qhipatxa Faraonax kunjamas jikxatasïna, ukat kamachänsa?

3. ¿Jehová Diosax markapar egipcionakan jan jakʼachasipxañapatakix kamachänsa?

4. ¿Kunapachatï Wila Lamar Qutxaru thujrup aytʼän ukhaxa kamachänsa, ukat israelitanakax kamachapxänsa?

5. ¿Kunapachatï israelitanakan qhipap egipcionakax qutar arkantapxäna ukhaxa kunas pasäna?

6. ¿Kunjamsa israelitanakax Jehová Diosar yuspärañsa kusisiñsa uñachtʼayapxäna?

Yaqha jisktʼäwinakampi:

1. Liytʼañamawa Éxodo 12:33-36.

   Israelitanakaxa walja maraw egipcionakan irnaqirinakapjam sarnaqapxäna, ¿ukat Jehová Diosax kunjamsa egipcionakampi markapar pagayänxa? (Éxo. 3:21, 22; 12:35, 36.)

2. Liytʼañamawa Éxodo 14:1-31.

   Armagedón sata Diosan urupa jakʼachasiniskipanxa, ¿Éxodo 14:13, 14 Moisesan arunakapax jiwasatakix kamsañs muni? (2 Cró. 20:17; Sal. 91:8.)

3. Liytʼañamawa Éxodo 15:1-8, 20, 21.

   1. ¿Kunatsa Jehová Diosan yupaychirinakapax jachʼañchäwi qʼuchunak qʼuchupxañapa? (Éxo. 15:1, 2; Sal. 105:2, 3; Apo. 15:3, 4.)

   2. ¿Wila Lamar Qutat mistxasaxa Mariampi yaqha warminakampixa Jehová Diosar qʼuchupkäna, ukax kunsa jichha tiempo cristian kullakanakarux yatichaspa? (Éxo. 15:20, 21; Sal. 68:11.)

34 sarnaqäwi

Jan uñtʼat manqʼa

1. ¿Akan kunsa aka jaqinakax uraqit apthapisipkixa, ukat kun sasas sapxäna?

2. ¿Maná manqʼa apthapiñ tuqit kamsänsa Moisesaxa?

3. ¿Suxtïri urunxa kamachapxätawa sasas Diosax säna, ukat kunatsa?

4. ¿Paqallqu urutak maná manqʼax imaskäna ukhaxa kuna milagrsa Jehová Diosax luräna?

5. ¿Qhawqha tiemposa Jehová Diosax markapar maná manqʼa manqʼayänxa?

Yaqha jisktʼäwinakampi:

1. Liytʼañamawa Éxodo 16:1-36 ukat Números 11:7-9.

   1. Diosan markapan irpirit uttʼayatanak contrax janiw parlapxañasäkiti, ¿kunjamsa Éxodo 16:8 jiskʼa tʼaqax uk uñachtʼayistu? (Heb. 13:17.)

   2. Israelitanakax janiw Diosat jithiqtapxañapäkänti, ¿uk kunjamsa Jehová Diosax sapür amtayäna? (Éxo. 16:14-16, 35; Deu. 8:2, 3.)

   3. ¿Kunaw manäx säns Jesusaxa, ukat kunatsa “alaxpach tʼantʼax” jiwasanakatak wali wakisirixa? (Juan 6:31-35, 40.)

2. Liytʼañamawa Josué 5:10-12.

   ¿Israelitanakax qhawqha maras maná manqʼa manqapxäna, ukat kunjamatsa jupanakar ukax yantʼäna, ukat kuns yatiqaraksna? (Éxo. 16:35; Núm. 11:4-6; 1 Cor. 10:10, 11.)

35 sarnaqäwi

Kamachinakap Diosax churi

1. Niya pä phaxsi Egiptot mistxasaxa, ¿israelitanakax kawkjarus samarapxäna?

2. ¿Jehová Diosax israelitanakan kamachapxañapsa munäna, ukat kamsapxänsa?

3. ¿Kunatsa Jehová Diosax Moisesar pä sillpʼa qalanak churänxa?

4. Tunka Mandamientonakatxa, ¿kuna kamachinakampsa churäna?

5. ¿Kawkïr pä kamachiw wali jachʼax säns Jesusaxa?

Yaqha jisktʼäwinakampi:

1. Liytʼañamawa Éxodo 19:1-25; 20:1-21; 24:12-18, ukat 31:18.

   Diosar katuyasxtan ukxa, ¿kunjamsa Éxodo 19:8 jiskʼa tʼaqax sum qhanañchistu? (Mat. 16:24; 1 Ped. 4:1-3.)

2. Liytʼañamawa Deuteronomio 6:4-6; Levítico 19:18; Mateo 22:36-40.

   ¿Cristianonakax kunjamatsa Diosar munasiñapsa jaqi masipar munasiñapsa uñachtʼayapxaspa? (Mar. 6:34; Hech. 4:20; Rom. 15:2.)

36 sarnaqäwi

Qurit lurat vaca qallu

1. ¿Kunsa aka jaqinakax lurasipki, ukat kunatsa?

2. ¿Jehová Diosax kunatsa colerasïna, ukham lurasipkir uñjasax kamachänsa Moisesaxa?

3. ¿Mä qhawqha jaqinakarux kamsänsa Moisesaxa?

4. ¿Kuns aka sarnaqäwix yatichistu?

Yaqha jisktʼäwinakampi:

1. Liytʼañamawa Éxodo 32:1-35.

   1. Chiqa yupaychäwimpi kʼari yupaychäwimpxa janiw kittañasäkiti, ¿kunjamsa aka sarnaqäwix Jehová Diosan amuyup uñachtʼayistu? (Éxo. 32:4-6, 10; 1 Cor. 10:7, 11.)

   2. ¿Music istʼañ munasasa, thuqtʼañ munasasa, cristianonakax kuna tuqinakatsa amuyasipxañapa? (Éxo. 32:18, 19; Efe. 5:15, 16; 1 Juan 2:15-17.)

   3. ¿Levin familiapax chiqap tuqit saytʼasisaxa kunsa jiwasanakar yatichistu? (Éxo. 32:25-28; Sal. 18:25.)

37 sarnaqäwi

Yupaychañ uta

1. ¿Kamsatas aka jachʼa utaxa, ukat kunatakïnsa?

2. ¿Kunatsa Jehová Diosaxa ‘yupaychañ utxa jankʼak jararañjam lurapxäta’ sispachänxa Moisesaruxa?

3. ¿Khuri jiskʼa utankki uka cajax kunasa, ukat kunanïnsa?

4. ¿Jehová Diosax khitirus jilïr sacerdoteñapatak ajllïna, ukat kun lurañapänsa?

5. ¿Jachʼpach utanxa kunanakas utjarakïna? Uka kimsat arstʼma.

6. ¿Yupaychañ uta anqäxanxa kunanakas utjäna, ukat kunatakïnsa?

Yaqha jisktʼäwinakampi:

1. Liytʼañamawa Éxodo 25:8-40; 26:1-37; 27:1-8, ukat 28:1.

   ¿“Diosampi arustʼäwir mantat arka” patxan pä querubín angelanak utjkäna ukax kamsañs munäna? (Éxo. 25:20, 22; Núm. 7:89; 2 Rey. 19:15.)

2. Liytʼañamawa Éxodo 30:1-10, 17-21; 34:1, 2, ukat Hebreos 9:1-5.

   1. ¿Kunatsa Jehová Diosax yupaychañ utan sacerdotenakarux isinakamsa cuerponakamsa qʼumachasipxañamaw sänxa, ukanak yatisax kamachapxañasasa? (Éxo. 30:18-21; 40:30, 31; Heb. 10:22.)

   2. Hebreo cristianonakar qillqasaxa, Diosar yupaychañ utasa, kamachinakasa jan wakisirïxatap kunjamsa apóstol Pablox uñachtʼayäna? (Heb. 9:1, 9; 10:1.)

38 sarnaqäwi

12 uñaqirinaka

1. ¿Aka uwas alixa kunjamakis jumatakixa? ¿Kawkitsa apanipxäna?

2. ¿Kunatsa Canaanar 12 uñaqanak Moisesax khitäna?

3. ¿Kuttʼanxasaxa uka uñaqirinakatxa tunkanix kamsapxänsa?

4. ¿Jehová Diosar atinisitapxa kunjamsa paninix uñachtʼayäna, ukat kamsatapxänsa?

5. ¿Kunatsa Jehová Diosax wal colerasïna, ukat kamsänsa Moisesaruxa?

Yaqha jisktʼäwinakampi:

1. Liytʼañamawa Números 13:1-33.

   1. ¿Canaanan uñaqir sarapxañapatakix khitinakarus ajllisïna, ukat kunsa uñjanipxañapäna? (Núm. 13:2, 3, 18-20.)

   2. ¿Josué tatampi Caleb tatampix kunatsa jan mayninakjamäpkänxa, ukat kuns ukax yatichistu? (Núm. 13:28-30; Mat. 17:20; 2 Cor. 5:7.)

2. Liytʼañamawa Números 14:1-38.

   1. Janiw Jehová Diosan uttʼayat irpirinak contrax parlañasäkiti, ¿uka tuqit kuna iwxarusa istʼañasa? (Núm. 14:2, 3, 27; Mat. 25:40, 45; 1 Cor. 10:10.)

   2. Jehová Diosax sapa maynitwa llakiski, ¿kunjamsa Números 14:24 jiskʼa tʼaqax uk uñachtʼayi? (1 Rey. 19:18; Pro. 15:3.)

39 sarnaqäwi

Aaronan thujrupaw panqari

1. ¿Khitinakas Moisés contra Aarón contra saytʼapxäna, kamsapxänsa Moisesaruxa?

2. ¿Moisesax Corempi 250 arkirinakapampirux kamsänsa?

3. ¿Moisesax kamsis israelitanakaruxa, ukat parlañ tukuyxäna ukhax kamachänsa?

4. ¿Corempiru 250 arkirinakapampiruxa kunas pasäna?

5. ¿Aaronan Eleazar yuqapax phichantat jaqinakan nina sankʼa apnaqañanakapampix kuns luräna, kunatsa?

6. ¿Kunatsa Jehová Diosax Aaronan thujrup panqarayänxa? (Dibuj uñxatma.)

Yaqha jisktʼäwinakampi:

1. Liytʼañamawa Números 16:1-49.

   1. ¿Corempi arkirinakapampix kamachapxänsa, ukat kunatsa uka luratanakapax Jehová Dios contras saytʼasipkaspa ukhamänxa? (Núm. 16:9, 10, 18; Lev. 10:1, 2; Pro. 11:2.)

   2. ¿Corempi 250 ‘jilïr jaqinakampixa’ kuna jan wali amuyunipxänsa? (Núm. 16:1-3; Pro. 15:33; Isa. 49:7.)

2. Liytʼañamawa Números 17:1-11 ukat 26:10.

   1. ¿Aaronan thujrupax panqarasin kuns uñachtʼayäna, kunatsa Jehová Diosax arkaruw thujru imapxäta sänxa? (Núm. 17:5, 8, 10.)

   2. ¿Aaronan thujrup imapkäna ukatxa kuna yatichäwsa apsuraksna? (Núm. 17:10; Hech. 20:28; Fili. 2:14; Heb. 13:17.)

40 sarnaqäwi

Moisesaw qullu qarqar jawqʼatati

1. Wasarankasipkän ukhaxa, ¿kunjamsa Jehová Diosax israelitanakar sum uñjaskäna?

2. ¿Cades wasaran samarasin kamsasas israelitanakax parlapxäna?

3. ¿Jehová Diosax kunjamsa israelitanakarus uywanakaparus um churänxa?

4. ¿Luqkatasiski uka tataxa khitisa, ukat kunatsa luqkatasiski?

5. ¿Kunatsa Moisesampitak Aaronampitakix Jehová Diosax colerasïna, ukat juchapat kamsänsa?

6. ¿Hor sat qullun kunas pasäna, ukat khitis Israel markan jilïr sacerdotet uttʼayatäxäna?

Yaqha jisktʼäwinakampi:

1. Liytʼañamawa Números 20:1-13, 22-29 ukat Deuteronomio 29:5.

   1. Jehová Diosax israelitanakaru wasaran sum uñjäna, ¿ukat kunsa yatiqsna? (Deu. 29:5; Mat. 6:31; Heb. 13:5; Sant. 1:17.)

   2. Kunapachatï Moisesampi Aaronampixa Israel marka nayraqatana Jehová Diosan sutipa jan jachʼañchapkäna ukapachaxa, ¿kunjamsa Jehová Diosaxa uk uñjäna? (Núm. 20:12; 1 Cor. 10:12; Apo. 4:11.)

   3. ¿Kamsänsa Moisesaxa Jehová Diosampi chiqañchatäsaxa? ¿Ukat kunsa yatiqassna? (Núm. 12:3; 20:12, 27, 28; Deu. 32:4; Heb. 12:7-11.)

41 sarnaqäwi

Broncet lurat mä jachʼa asiru

1. ¿Kunas aka lawanki, ukat kunatsa Moisesar Jehová Diosax uk ucham sataynaxa?

2. Diosan luratanakap uñjkasasa, ¿kunjamsa jaqinakaxa Diosar jan yuspäratapxa uñachtʼayapxäna?

3. Jehová Diosaxa asirunak apayankäna ukhaxa, ¿kunsa jaqinakax Moisesaru mayipxäna?

4. ¿Kunatsa Diosax broncet mä asir luram sänxa Moisesaruxa?

5. ¿Kuns aka sarnaqäwix yatichistu?

Yaqha jisktʼäwinakampi:

1. Liytʼañamawa Números 21:4-9.

   1. Israelitanakax Jehová Diosan churata manqʼata jan wal parlapxäna, ¿ukat kunsa yatiqsna? (Núm. 21:5, 6; Rom. 2:4.)

   2. Uka qhipa maranakanxa, ¿kunjamsa israelitanakaxa uka asiru apnaqapxänxa ukat kamachataynasa Ezequías apnaqirixa? (Núm. 21:9; 2 Rey. 18:1-4.)

2. Liytʼañamawa Juan 3:14, 15.

   ¿Mä lawaru asiru warkkatapxäna ukaxa kunjamsa Jesusan jiwäwipa uñachtʼayänxa? (Gál. 3:13; 1 Ped. 2:24.)

42 sarnaqäwi

Mä asnow parli

1. ¿Khitis Balacaxa, ukat kunatsa Balaamar jawsayi?

2. ¿Kunatsa chika thakin Balaaman qachu asnopaxa ikitattäna?

3. ¿Balaamax asnor kamsirsa istʼäna?

4. ¿Kamsisa Balaamaruxa mä angelaxa?

5. ¿Kunas kamachi kunapachatï Balaamax Israel markaru ñanqhachañ munkäna ukhaxa?

Yaqha jisktʼäwinakampi:

1. Liytʼañamawa Números 21:21-35.

   ¿Kunatsa Israel markax Sehón sat amorreonakan apnaqiriparu, ukat Og sat Basán markan apnaqiripar atipjäna? (Núm. 21:21, 23, 33, 34.)

2. Liytʼañamawa Números 22:1-40.

   ¿Kunatsa Balaamaxa Israelaru ñanqhachañ munänxa, ukat kunsa yatiqassna? (Núm. 22:16, 17; Pro. 6:16, 18; 2 Ped. 2:15; Jud. 11.)

3. Liytʼañamawa Números 23:1-30.

   Balaamaxa Diosan yupaychiripäkaspasa ukhamwa parläna ukampisa, ¿kunjamsa luräwinakapaxa jan ukhamätap uñachtʼayänxa? (Núm. 23:3, 11-14; 1 Sam. 15:22.)

4. Liytʼañamawa Números 24:1-25.

   Jehová Diosan amtapax phuqasiniwa, ¿kunjamsa aka sarnaqäwinakaxa uka tuqir chʼamañchistu? (Núm. 24:10; Isa. 54:17.)

43 sarnaqäwi

Josué tatar pʼiqtʼirit uttʼayasi

1. ¿Khiti pä jaqis Moisesamp chik sayasipki?

2. ¿Kamsisa Jehová Diosax Josué tataruxa?

3. ¿Kunatsa Moisesax Nebo qullur makatäna, ukat kamsäns Diosaxa?

4. ¿Qhawqha maranisa Moisesaxa jiwxäna?

5. ¿Kunatsa llakisipxäna, ukat kunas chuym qhanartayäna?

Yaqha jisktʼäwinakampi:

1. Liytʼañamawa Números 27:12-23.

   ¿Jehová Diosaxa kun luräta sataynasa Josué tataruxa, ukat kunjamsa Jehová Diosaxa markaparu munatapxa jichhürunakaxa uñachtʼayi? (Núm. 27:15-19; Hech. 20:28; Heb. 13:7.)

2. Liytʼañamawa Deuteronomio 3:23-29.

   ¿Kunatsa Jehová Diosax Moisesarus Aaronarus Canaanar jan mantaykänxa, ukat kunsa yatiqassna? (Deu. 3:25-27; Núm. 20:12, 13.)

3. Liytʼañamawa Deuteronomio 31:1-8, 14-23.

   ¿Kunjam arunakampisa Moisesaxa altʼat chuymampi Jehová Diosan chiqañchäwip katuqasïnxa? (Deu. 31:6-8, 23.)

4. Liytʼañamawa Deuteronomio 32:45-52.

   ¿Diosan Arupax kunjamsa jakäwisar yanaptʼañapa? (Deu. 32:47; Lev. 18:5; Heb. 4:12.)

5. Liytʼañamawa Deuteronomio 34:1-12.

   Moisesax janiw Jehová Diosaru uñjkänti, ¿ukampis kunjam apasitayna Jehová Diosampi sisa Deuteronomio 34:10 jiskʼa tʼaqaxa? (Éxo. 33:11, 20; Núm. 12:8.)

44 sarnaqäwi

Rahab warmiw uñaqanak imanti

1. ¿Kawkinsa Rahab warmixa jakasïna?

2. ¿Khitinakas aka jaqinakaxa, ukat kunatsa Jericó markankasipki?

3. ¿Jericó apnaqirix Rahabar kamsasas khittʼäna, ukat kamsäns jupaxa?

4. ¿Kunjams Rahabax uka pä jaqir yanaptʼäna, ukat kunsa mayïna?

5. ¿Rahab warmirux kamsapxänsa uka pä uñaqanakaxa?

Yaqha jisktʼäwinakampi:

1. Liytʼañamawa Josué 2:1-24.

   ¿Kunjamsa Éxodo 23:28 qillqatax phuqasitayna kunapachatï israelitanakax Jericó marka tʼunjañataki sarapkäna ukhaxa? (Jos. 2:9-11.)

2. Liytʼañamawa Hebreos 11:31.

   Iyawsäwinïñax wali wakisiriwa, ¿uk kunjamsa Rahab warmin luratanakapaxa uñachtʼayistu? (Rom. 1:17; Heb. 10:39; Sant. 2:25.)

45 sarnaqäwi

Jordán jawir makatasipki

1. ¿Kunsa Jehová Diosaxa israelitanakar Jordán jawira irpkatañatakix luräna?

2. ¿Kamachapxañapäns israelitanakax jawir makatañatakixa?

3. ¿Kunatsa Jehová Diosaxa tunka payani jachʼa qalanak jawirat apapxam sänxa Josué tataruxa?

4. ¿Sacerdotenakax jawirat mistxapxän ukhax kunas kamachänxa?

Yaqha jisktʼäwinakampi:

1. Liytʼañamawa Josué 3:1-17.

   1. Kunjamtï aka sarnaqäwixa uñachtʼaykixa, ¿kun lurañasasa Jehová Diosampi yanaptʼayasiñatakisa bendicionanaka katuqañatakisa? (Jos. 3:13, 15; Pro. 3:5; Sant. 2:22, 26.)

   2. ¿Israelitanakaxa Canaán uraqiru mantañatakïskän ukhax Jordán jawirax kunjamäskänsa, ukat kunjamsa Jehová Diosan sutipa ukax jachʼañchäna? (Jos. 3:15; 4:18; Sal. 66:5-7.)

2. Liytʼañamawa Josué 4:1-18.

   ¿Jordán jawirat kunatakisa tunka payani qalanakaxa Guilgal sata chiqaru uchapxäna? (Jos. 4:4-7.)

46 sarnaqäwi

Jericó markan jachʼa uyupa

1. ¿Suxta urun kun lurapxañapawa soldadonakasa sacerdotenakasa sänsa Jehová Diosaxa?

2. ¿Paqallqu urunxa kun lurapxañapänsa?

3. Kunjamtï akan uñjaskixa, ¿kunas kamachi Jericó markan jachʼa uyupampixa?

4. ¿Kunatsa mä wila wiskhax khä utat warkusiniski?

5. ¿Soldadonakax Jericó markar kamachapxañapänsa, ukat qullqimpisa, qurimpisa, cobrempisa, hierrompis kamachasirakiñapänsa, uka tuqit kamsänsa Josué tataxa?

6. ¿Kuns lurapxañapäna uka pä uñaqirinakaxa?

Yaqha jisktʼäwinakampi:

1. Liytʼañamawa Josué 6:1-25.

   1. Paqallqu urunwa israelitanakax Jericó marka muyuntapxäna, niya ukar uñtatarakiw Jehová Diosan Qhanañchirinakapax aka qhipa urunakan yatiyasipki, ¿kunatsa ukhamaw sisnaxa? (Jos. 6:15, 16; Isa. 60:22; Mat. 24:14; 1 Cor. 9:16.)

   2. Kunatï Josué 6:26 jiskʼa tʼaqan qillqatäki ukaxa, ¿kunjamsa niya 500 maranak pasatatxa phuqasïna, ukax kunsa yatichistu Jehová Diosan arupatxa? (1 Rey. 16:34; Isa. 55:11.)

47 sarnaqäwi

Israel markankir lunthata

1. ¿Khitisa Jericó markata apsunisina imantaski uka jaqixa, ukat khitinakasa yanaptʼasipki?

2. Acanampin familiapampin luratapaxa, ¿kunatsa jan walïkänxa?

3. Hai markan atipjata uñjasisaxa Josué tataxa Jehová Diosaruwa jisktʼasïna, ¿ukat kamsänsa Jehová Diosaxa?

4. Kunapachatï Josué tatan nayraqataparu irpapkäna ukhaxa, ¿kunas kamachasïna Acanampiru familiapampiruxa?

5. ¿Kunsa yatiqsna kunatï Acanaru paskatayna ukatxa?

Yaqha jisktʼäwinakampi:

1. Liytʼañamawa Josué 7:1-26.

   1. ¿Jehová Diosampi kunjam apasitapsa Josué tatan mayisïwipax uñachtʼayistu? (Jos. 7:7-9; Sal. 119:145; 1 Juan 5:14.)

   2. ¿Kunsa Acanan sarnaqäwipaxa uñachtʼayistu, ukat kunsa yatiqsna? (Jos. 7:11, 14, 15; Pro. 15:3; 1 Tim. 5:24; Heb. 4:13.)

2. Liytʼañamawa Josué 8:1-29.

   ¿Sapa maynisa kuna lurañanïtansa jichhürunakan cristiano tama taypinxa? (Jos. 7:13; Lev. 5:1; Pro. 28:13.)

48 sarnaqäwi

Chʼikhi gabaonitanaka

1. Gabaonitanakaxa janiw Canaanankir markanakjamäpkänti, ¿kunatsa ukham sistanxa?

2. Kunjamtï akan uñjaskixa, ¿kunsa gabaonitanakax lurapxäna, ukat kunatsa?

3. ¿Josué tatampi ukat mayni pʼiqtʼirinakampisa kamsapxisa gabaonitanakaruxa, ukat kunsa yatxatapxi kimsa urutxa?

4. Gabaonitanakax israelitanakampi sumaruw mantapxäna, ¿uk yatisaxa Canaanankir yaqha apnaqirinakax kamachapxänsa?

Yaqha jisktʼäwinakampi:

1. Liytʼañamawa Josué 9:1-27.

   1. Canaán markanakxa “taqpach tʼunjapxäta” sasaw Jehová Diosaxa Israel markar satayna, ukampis ¿kuna tuqitsa suma Diosätapxa uñachtʼayäna gabaonitanakar jan jiwarayasaxa? (Jos. 9:22, 24; Mat. 9:13; Hech. 10:34, 35; 2 Ped. 3:9.)

   2. Josué tatax arupar phuqasaxa janiw gabaonitanakar jiwaraykänti, ¿ukat kunjamsa cristianonakax yatiqasipxaspa? (Jos. 9:18, 19; Mat. 5:37; Efe. 4:25.)

2. Liytʼañamawa Josué 10:1-5.

   ¿Jachʼa tama sata cristianonakaxa kunjamsa gabaonitanakjama sarnaqapxaraki, ukat kuna jan walinakarus uñkatasipxi? (Jos. 10:4; Zac. 8:23; Mat. 25:35-40; Apo. 12:17.)

49 sarnaqäwi

Intiw saytʼi

1. ¿Kamsaskisa Josué tataxa, ukat kunatsa?

2. ¿Kunjamsa Jehová Diosax Josué tatampir soldadonakapampir yanaptʼäna?

3. ¿Qhawqha uñisiri apnaqirinakarusa Josué tataxa tukjäna, ukat qhawqha maransa?

4. ¿Kunatsa Josué tataxa uraq jalanuqänxa?

5. ¿Qhawqha maranisa Josué tataxa jiwxänxa, uka qhipat jaqinakax kunarus purtʼasipxäna?

Yaqha jisktʼäwinakampi:

1. Liytʼañamawa Josué 10:6-15.

   Jehová Diosaxa Intsa Phaxssa saytʼayataynawa, ¿ukax kunjamsa chʼamachistu? (Jos. 10:8, 10, 12, 13; Sal. 18:3; Pro. 18:10.)

2. Liytʼañamawa Josué 12:7-24.

   Chiqpachansa, ¿khitisa Canaanankir 31 apnaqirinakaruxa tukjänxa, ukat kunatsa uk yatiñax jiwasanakatak wakisirixa? (Jos. 12:7; 24:11-13; Deu. 31:8; Luc. 21:9, 25-28.)

3. Liytʼañamawa Josué 14:1-5.

   ¿Kunjamsa israelitanakax uraq familia familiar jalanuqasipxänxa, ukat ukax kunsa Kusipachat yatichistu? (Jos. 14:2; Isa. 65:21; Eze. 47:21-23; 1 Cor. 14:33.)

4. Liytʼañamawa Jueces 2:8-13.

   Kunjamtï Josué tataxa israelitanakaru jan walinakat jarkʼaqkänxa, ¿jichha tiempon khitinakasa kʼari yatichirinakat jarkʼaqaraki? (Jue. 2:8, 10, 11; Mat. 24:45-47; 2 Tes. 2:3-6; Tito 1:7-9; Apo. 1:1; 2:1, 2.)

50 sarnaqäwi

Jan axsartʼir pä warminaka

1. ¿Khitinakasa taripirinakaxa, ukat yaqhipax kamsatapxänsa?

2. ¿Deborax kuna suma lurañanïnsa?

3. Kunapachatï Jabín sat apnaqirixa ukat Sísara sata soldadonakapa pʼiqtʼirisa Israel markar axsarayapkäna ukhaxa, ¿kunsa Jehová Diosaxa Deborampi Baracaru yatiyäna, ukat khitiw jachʼañchatäni sänsa Deboraxa?

4. ¿Kunjamsa Jael warmixa jan axsartʼirïtapa uñachtʼayänxa?

5. ¿Jabín apnaqirin jiwatapatxa kunas pasäna?

Yaqha jisktʼäwinakampi:

1. Liytʼañamawa Jueces 2:14-22.

   ¿Kunatsa Jehová Diosaxa israelitanakataki wal colerasïnxa, ukat kunsa yatiqsna? (Jue. 2:20; Pro. 3:1, 2; Eze. 18:21-23.)

2. Liytʼañamawa Jueces 4:1-24.

   Deborampi Jaelampixa wali iyawsäwinipxänwa jan axsartʼiripxänwa, ¿ukat kunsa cristian warminakax yatiqasipxaspa? (Jue. 4:4, 8, 9, 14, 21, 22; Pro. 31:30; 1 Cor. 16:13.)

3. Liytʼañamawa Jueces 5:1-31.

   Kunjamtï Baracampi Deborampix qʼuchüwipan mayipkänxa, ¿kunsa Armagedón sata Diosan jachʼa urup jakʼachasinipan mayiraksnaxa? (Jue. 5:3, 31; 1 Cró. 16:8-10; Apo. 7:9, 10; 16:16; 19:19-21.)

51 sarnaqäwi

Rut warmimpi Noemí warmimpi

1. ¿Kunatsa Noemí mamaxa Moab markar sarxatayna?

2. ¿Rutampi Orfampix khitinakasa?

3. ¿Kunapachatï Noemí mamax kuttʼxapxam siskäna ukhax kamsapxänsa Rutampi Orfampixa?

4. ¿Khitïnsa Booz tataxa, ukat kunjamsa Rutampiru Noemimpiru yanaptʼäna?

5. ¿Booz tatampin Rut mamampin wawapaxa kamsatänsa, ukat kunatsa uk amtañasaxa?

Yaqha jisktʼäwinakampi:

1. Liytʼañamawa Rut 1:1-17.

   1. ¿Kuna suma arunaksa Rutax Noemí mamar säna? (Rut 1:16, 17.)

   2. Rutax Noemí mamat janiw saraqañ munkänti, ¿jichhürunakanxa “yaqha uwijanaka” sata cristianonakaxa alaxpachar sariri jilatanakatxa kamachapxarakisa? (Juan 10:16; Zac. 8:23.)

2. Liytʼañamawa Rut 2:1-23.

   ¿Kuna tuqinakatsa jichhürunakan tawaqunakaxa Rutat yatiqasipxarakispa? (Rut 2:17, 18; Pro. 23:22; 31:15.)

3. Liytʼañamawa Rut 3:5-13.

   1. Rutaxa mä waynampi casarasiñat sipansa Booz chachampiwa casarasitayna, ¿uka tuqita kamsänsa Booz chachaxa?

   2. Rutaxa taqi chuyma munasirïnwa, ¿ukat kunsa yatiqassna? (Rut 3:10; 1 Cor. 13:4, 5.)

4. Liytʼañamawa Rut 4:7-17.

   ¿Kunsa cristian jilatanakaxa Booz tatat yatiqasipxaspa? (Rut 4:9, 10; 1 Tim. 3:1, 12, 13; 5:8.)

52 sarnaqäwi

Gedeonampi 300 jaqinakapampi

1. ¿Kuna jan waltʼäwinkapxänsa israelitanakaxa, ukat kunatsa?

2. ¿Kunatsa Jehová Diosaxa walja jaqinakanïtawa nuwasir sarañatak sasaxa Gedeón chacharu sänxa?

3. Axsaririnakar Gedeonax khitxäna ukhaxa, ¿qhawqhanis Gedeonampi qhiparxapxäna nuwasir sarañataki?

4. Kunjamtï dibujon uñjaskixa, ¿kunjamsa Jehová Diosaxa Gedeonan soldadonakapxa kimsa patakaruki tukuyänxa?

5. ¿Kunjamsa jaljäna uka kimsa pataka jaqinakaruxa, ukat kunjamsa israelitanakax nuwasiñ atipäna?

Yaqha jisktʼäwinakampi:

1. Liytʼañamawa Jueces 6:36-40.

   1. ¿Kunjamatsa Diosan munañapa Gedeonax sum yatxatäna?

   2. ¿Kunas Diosan munañapaxa uk kunjamatsa jichhürunakan yatxatsna? (Pro. 2:3-6; Mat. 7:7-11; 2 Tim. 3:16, 17.)

2. Liytʼañamawa Jueces 7:1-25.

   1. Kimsa patakanisti wal amuyasipxäna ukampisa mayninakaxa janiwa, ¿kunsa uka kimsa patakanita yatiqsna? (Jue. 7:3, 6; Rom. 13:11, 12; Efe. 5:15-17.)

   2. Uka kimsa patakanix Gedeonat yatiqasipxäna, ¿jiwasax kunjamsa jilïri Gedeón sata Jesucristot yatiqasiraksna? (Jue. 7:17; Mat. 11:29, 30; 28:19, 20; 1 Ped. 2:21.)

   3. Jehová Diosan markapan kun luram satasa phuqañasawa, ¿kunjamsa Jueces 7:21 qillqatax uk sum qhanañchistu? (1 Cor. 4:2; 12:14-18; Sant. 4:10.)

3. Liytʼañamawa Jueces 8:1-3.

   Gedeonax efrainitanakampi jan waltʼayaskän ukhaxa askichxänwa, ¿ukat kunsa yatiqassna mä jilatampi jan ukax mä kullakampi jan waltʼaw askichañatakixa? (Pro. 15:1; Mat. 5:23, 24; Luc. 9:48.)

53 sarnaqäwi

Jefté tatan arsüwipa

1. ¿Khitisa Jefté tataxa, ukat kuna tiemponsa jakäna?

2. ¿Kun churäm sänsa Jefté tatax Jehová Diosaruxa?

3. Amón markar atipjasin utar kuttʼanxasaxa, ¿kunatsa Jeftex wal llakisïnxa?

4. ¿Kuntï tatapaxa arskatayna uk yatisaxa kamsänsa Jeften phuchapaxa?

5. ¿Kunatsa jaqinakax Jeften phuchaparu wal munasipxäna?

Yaqha jisktʼäwinakampi:

1. Liytʼañamawa Jueces 10:6-18.

   Israelitanakaxa Jehová Diosata jithiqtasax jan wal sarnaqxapxäna, ¿ukat kunsa jiwasax yatiqsnaxa? (Jue. 10:6, 15, 16; Rom. 15:4; Apo. 2:10.)

2. Liytʼañamawa Jueces 11:1-11, 29-40.

   1. “Ninaru phichantata sacrificio luqtäma” sasinxa janiw chiqapuni ninar nakhantayañ sañ munkänti, ¿uk kunjamatsa yattanxa? (Jue 11:31; Lev 6:24; Deu 18:10, 12.)

   2. ¿Kunjamsa Jefté tatax mä luqtäwjama phuchapxa Diosar churäna?

   3. Kuntï Jehová Diosaru churämaw siskäna ukxa kunjamsa Jeftexa uñjäna, ¿ukat kunsa yatiqasiraksna? (Jue. 11:35, 39; Ecl. 5:4, 5; Mat. 16:24.)

   4. ¿Khitinakatï Jehová Diosataki wal irnaqtʼañ munapki uka wayn tawaqunakax kunjamsa Jeften phuchapat yatiqasipxaspa? (Jue. 11:36; Mat. 6:33; Fili. 3:8.)

54 sarnaqäwi

Wali chʼaman jaqi

1. ¿Kuna sutinïnsa wali chʼamani mä jaqixa, ukat khitisa chʼam churänxa?

2. Kunjamtï dibujon uñjaskixa, ¿Sansonaxa kamachataynasa mä leonaruxa?

3. ¿Akan Sansonaxa kunsa Dalilar yatiyaski, ukat ukax kunatsa filisteonakampi katuntayi?

4. ¿Kunjamatsa Sansonaxa jupamp chika 3.000 filisteonakar jiwarayäna?

Yaqha jisktʼäwinakampi:

1. Liytʼañamawa Jueces 13:1-14.

   ¿Kunsa Manoampita warmipampita awk taykanakaxa yatiqasipxaspa? (Jue 13:8; Sal. 127:3; Efe. 6:4.)

2. Liytʼañamawa Jueces 14:5-9 ukat 15:9-16.

   1. Sansonax mä leonaruw jiwayatayna, ukat machaq wiskhampi ñachʼantkatasa jiskʼa jiskʼa tʼaqanuqäna, ukat mä asno qhawiñampiw (quijada) waranqa jaqinakaru jiwarayatayna, ¿uka luräwinakaxa kunsa yatichistu Jehová Diosan qullan ajayupatxa?

   2. ¿Kunjamsa jichhürunakan qullan ajayuxa yanapistu? (Jue. 14:6; 15:14; Zac. 4:6; Hech. 4:31.)

3. Liytʼañamawa Jueces 16:18-31.

   ¿Kunarusa jan wali jaqinakampi sarnaqasaxa Sansonaxa purtʼasitayna, ukat kunsa yatiqsna? (Jue. 16:18, 19; 1 Cor. 15:33.)

55 sarnaqäwi

Mä wawaw Diosar yupaychi

1. ¿Aka wawaxa kun satasa, ukat mayninakax kun satäpxisa?

2. ¿Diosar yupaychañ utar sarasaxa kunsa Anax Diosaru mayïna, ukat Jehová Diosax istʼänti?

3. ¿Qhawqha maranïnsa Samueluxa kunapachatï Diosar yupaychañ utaru apapkän ukhaxa, ukat kunsa mamitapaxa sapa mara lurarapïna?

4. ¿Kamsatäpxänsa Elí tatan yuqanakapaxa, ukat kunjam jaqinakäpxänsa?

5. ¿Kunjamsa Jehová Diosaxa Samueluru jawsäna, ukat kunsa yatiyäna?

6. ¿Kuna lurañanïxansa Samueluxa jachʼa jaqixäna ukhaxa, ukat chuymanïxäna ukhaxa kunas kamachäna?

Yaqha jisktʼäwinakampi:

1. Liytʼañamawa 1 Samuel 1:1-28.

   1. ¿Kunsa Elcana tatatxa yatiqasipxaspa familia pʼiqtʼirinakaxa Diosar yupaychañ tuqitxa? (1 Sam. 1:3, 21; Mat. 6:33; Fili. 1:10.)

   2. ¿Anax jan walinakan uñjasisax kamachänsa, ukat kunsa yatiqassna? (1 Sam. 1:10, 11; Sal. 55:22; Rom. 12:12.)

2. Liytʼañamawa 1 Samuel 2:11-36.

   ¿Kunjamsa Elí tataxa Jehová Diosar jachʼañchañat sipansa yuqanakaparuki jachʼañchänxa, ukat kunsa yatiqsna? (1 Sam. 2:22-24, 27, 29; Deu. 21:18-21; Mat. 10:36, 37.)

3. Liytʼañamawa 1 Samuel 4:16-18.

   ¿Kuna wali llakkañ yatiyäwsa Elí tatar yatiyapxäna, ukat uk istʼasax kunarus purtʼasitayna?

4. Liytʼañamawa 1 Samuel 8:4-9.

   ¿Kunjamatsa israelitanakax Jehová Diosaru chuym ustʼayapxäna, ukat kunjamsa taqi chuyma Diosan Apnaqäwiparu jichhürunakan yanaptʼsna? (1 Sam. 8:5, 7; Juan 17:16; Sant. 4:4.)

56 sarnaqäwi

Israel mark nayrïr apnaqiri

1. ¿Kunsa Samueluxa luraski, ukat kunatsa?

2. ¿Kunatsa Saulax Jehová Diosatak askïnxa, ukat kunjam jaqïnsa?

3. ¿Saulan yuqapaxa kamsatänsa, ukat kunsa luräna?

4. ¿Kunatsa Saulax Samuelur jan suytʼas Diosar ofrenda luqtänxa?

5. ¿Aka sarnaqäwit kunsa yatiqtanxa?

Yaqha jisktʼäwinakampi:

1. Liytʼañamawa 1 Samuel 9:15-21 ukat 10:17-27.

   Saular jiskʼachapxäna ukhaxa, ¿kunjamsa suma chuymanïtapaxa Saular yanaptʼäna? (1 Sam. 9:21; 10:21, 22, 27; Pro. 17:27.)

2. Liytʼañamawa 1 Samuel 13:5-14.

   ¿Kuna juchsa Saulaxa Guilgal chiqan lurataynaxa? (1 Sam. 10:8; 13:8, 9, 13.)

3. Liytʼañamawa 1 Samuel 15:1-35.

   1. Agag sat amalekitanakan apnaqiripampi nuwasir sarkäna ukhaxa, ¿kuna jachʼa juchsa Saulaxa luratayna? (1 Sam. 15:2, 3, 8, 9, 22.)

   2. ¿Kunjamsa Saulax juchap jan uñtʼasiñ munkänxa, ukat juchapat yaqhanakar tumpantänxa? (1 Sam. 15:24.)

   3. Kunapachatï iwxtʼanak katuqañäni ukhaxa, ¿kuna arunak amtañasasa? (1 Sam. 15:19-21; Sal. 141:5; Pro. 9:8, 9; 11:2.)

57 sarnaqäwi

Diosax Davitaruw ajlli

1. ¿Kamsatas aka waynituxa, kunjamatsa jan axsarirïtap yattanxa?

2. ¿Kawkinsa Davitax jakasïna, kamsatänsa papitupaxa ukat kamsatarakis achachilapaxa?

3. ¿Kunatsa Jehová Diosaxa Isaí utap saram sasa Samuelurux Belenar khitänxa?

4. ¿Paqallqu wawanakapa Isaí tatax Samueluru irpkatxäna ukhaxa kunas kamachäna?

5. ¿Jehová Diosaxa kamsänsa Samueluruxa kunapachatï Davitaru irptanipkäna ukhaxa?

Yaqha jisktʼäwinakampi:

1. Liytʼañamawa 1 Samuel 17:34, 35.

   Davitax janiw axsarirïkänti Jehová Diosarupuniw atinisirïna ¿ukxa kunjamsa aka sarnaqäwix uñachtʼayi? (1 Sam. 17:37.)

2. Liytʼañamawa 1 Samuel 16:1-14.

   1. Janiw khitirus yaqhachañasäti, janirakiw uñnaqat ajlliñasäkiti, ¿ukxa kunjamsa 1 Samuel 16:7 jiskʼa tʼaqankki uka arunakax sum qhanañchistu? (Hech. 10:34, 35; 1 Tim. 2:4.)

   2. Kunapachatï Jehová Diosaxa qullan ajayupa mä jaqita apaqki ukhaxa jan wali ajayuw mä arunxa jan wali amtaw uka jaqir manti, ¿kunjamsa Saulan sarnaqäwipax uk uñachtʼayistu? (1 Sam. 16:14; Mat. 12:43-45; Gál. 5:16.)

58 sarnaqäwi

Davitampi Goliatampi

1. ¿Goliatax kamsasas israelit soldadonakar qallasïnxa?

2. ¿Qhawqchʼänsa Goliataxa, ukat Goliataru jiwayirirux kun churäx sänsa Saulaxa?

3. Janiwa Goliatampi nuwaskasmati, wawäsktawa sataxa, ¿kamsänsa Davitax Saularuxa?

4. Goliatampi nuwasir sarasaxa, ¿kunjamsa Davitaxa Jehová Diosaru atinisitapxa uñachtʼayäna?

5. Dibujo uñxatasaxa, ¿kunampisa Davitax Goliataru jiwayänxa, ukat kunjamansa Filisteankirinakax uñjasipxäna?

Yaqha jisktʼäwinakampi:

1. Liytʼañamawa 1 Samuel 17:1-54.

   1. ¿Kunatsa Davitaxa ukham atipänxa, ukat jiwasax kamacharaksnasa? (1 Sam. 17:37, 45; Efe. 6:10, 11.)

   2. Goliatax qallasir atipjirjam tukurïnwa, ¿kunatsa cristianonakax anatäwinakansa jan ukax kawkinsa jan ukhamapxañapäki? (1 Sam. 17:8; Gál. 5:26; 1 Tim. 4:8.)

   3. Diosaruw Davitax atinisïna, ¿uka kunjamsa Davitan arunakapaxa uñachtʼayistu? (1 Sam. 17:45-47; 2 Cró. 20:15.)

   4. Janiwa marka puraki nuwaskänti, jan ukasti Jehová Diosampi yaqha diosanakampiwa nuwasiskäna, ¿kunjamsa aka arunakax uk uñachtʼayistu? (1 Sam. 17:43, 46, 47.)

   5. ¿Alaxpachar saririnakat jiltʼaski uka cristianonakax kunjamsa Jehová Diosar atinisitanakapxa Davitjam uñachtʼayapxaraki? (1 Sam. 17:37; Jer. 1:17-19; Apo. 12:17.)

59 sarnaqäwi

Kunatsa Davitax sarxäna

1. ¿Kunatsa Saulaxa Davitar uñisïna, ukat kunatsa Jonatanaxa jan awkipjamäkänxa?

2. Mä urux Davitaxa Saulataki arpa tukaskäna ukhaxa, ¿kunas kamachäna?

3. Janïra Davitax Micalampi casaraskipanxa, ¿kun lurañamawa sataynasa Saulax Davitaruxa, ukat kuna amtampis uk sänxa?

4. Kunjamtï dibujon uñjaskixa, mä urux Davitaxa Saulataki arpa tukaskäna ukhaxa, ¿kuns Saulax luräna? Ukampix kimsa kutïxänwa.

5. ¿Kunjamsa Micalaxa Davitar qhispiyäna, ukat Davitax kunjamas paqallq maranakax sarnaqaskäna?

Yaqha jisktʼäwinakampi:

1. Liytʼañamawa 1 Samuel 18:1-30.

   1. Jonatanampi Davitampix wal munasipxäna, ¿ukax kunjamsa jichha tiempo “jachʼa tamampi” “jiskʼa tamampix” munasipxi uk uñachtʼayi? (1 Sam. 18:1; Juan 10:16; Luc. 12:32; Zac. 8:23.)

   2. Jonatanaxa Saúl lanti apnaqirïsapänwa, ukampisa taqi chuymawa ajllit apnaqiriru alkattäna, ¿ukxa kunjamsa 1 Samuel 18:4 jiskʼa tʼaqaxa uñachtʼayi?

   3. Uñisiñaxa jachʼa juchanakaruwa puriyistaspa, ¿kunjamsa ukxa Saulan sarnaqäwipaxa uñachtʼayistu, ukat jiwasaxa kun yatiqañasasa? (1 Sam. 18:7-9, 25; Sant. 3:14-16.)

2. Liytʼañamawa 1 Samuel 19:1-17.

   Saúl rey contra saytʼasisaxa, ¿kunjamsa Jonatanax jakäwip niya aptʼasïna? (1 Sam. 19:1, 4-6; Pro. 16:14.)

60 sarnaqäwi

Abigailampi Davitampi

1. ¿Aka warmixa kun satasa, ukat kunjam warmisa?

2. ¿Khitis Nabalaxa?

3. ¿Kunatsa Davitax manqʼa mayiri Nabalan ukaruxa khitäna?

4. ¿Kamsänsa Nabalaxa Davitan yanapirinakaparuxa, ukat uk yatisax Davitax kamachänsa?

5. ¿Kunjamsa Abigailaxa yatiñan warmïtapxa uñachtʼayänxa?

Yaqha jisktʼäwinakampi:

1. Liytʼañamawa 1 Samuel 22:1-4.

   Jilat kullakanakjamaw maynit maynikam yanaptʼasiñasaxa, ¿kunjamsa Davitan familiapax uk uñachtʼayistu? (Pro. 17:17; 1 Tes. 5:14.)

2. Liytʼañamawa 1 Samuel 25:1-43.

   1. ¿Kunatsa Nabalat jan wal parlasi? (1 Sam. 25:2-5, 10, 14, 21, 25.)

   2. ¿Chachan cristiana warminakaxa kunsa yatiqasipxaspa Abigailatxa? (1 Sam. 25:32, 33; Pro. 31:26; Efe. 5:24.)

   3. ¿Kuna pä jan wali luräwinakatsa Abigailaxa Davitar jarkʼaqäna? (1 Sam. 25:31, 33; Rom. 12:19; Efe. 4:26.)

   4. ¿Abigailan arunakapa istʼasaxa kamsataynasa Davitaxa, ukat kunjamtï Diosax uñjki ukham warminakar uñjañatakixa kunjamsa ukax chachanakar yanaptʼi? (Hech. 21:8, 9; Rom. 2:11; 1 Ped. 3:7.)

61 sarnaqäwi

Davitaruw apnaqirit uttʼayasi

1. ¿Saulan ikiñapkamaxa kunsa lurapxatayna Davitampi Abisayampixa?

2. ¿Kunanaksa Davitaxa Saularux jisktʼäna?

3. ¿Saulampi parlañ tukuyasaxa kawkirusa Davitax sarxäna?

4. ¿Kunatsa Davitaxa wali llaktʼat mä suma qʼuchu qillqänxa?

5. ¿Davitaxa qhawqha maranïxänsa Hebronan apnaqirit uttʼayapxäna ukhaxa, ukat wawanakapaxa kamsatäpxänsa?

6. ¿Qhipatxa kawkitsa Davitax apnaqxäna?

Yaqha jisktʼäwinakampi:

1. Liytʼañamawa 1 Samuel 26:1-25.

   1. ¿Kunjamsa Davitax Diosan uttʼayat pʼiqtʼirir uñjäna, uka tuqit kamsis 1 Samuel 26:11 jiskʼa tʼaqaxa? (Sal. 37:7; Rom. 13:2.)

   2. Munasiñampi mayninakaru sum uñjañäni ukat jani yuspärapkistaniti ukhaxa, ¿kunjamsa Davitan arunakapax 1 Samuel 26:23 jiskʼa tʼaqan qillqatäki ukax yanapistaspa? (1 Rey. 8:32; Sal. 18:20.)

2. Liytʼañamawa 2 Samuel 1:26.

   ¿Kunjamsa cristianonakax jupanakkam munasipxaspa Davitampita Jonatanampita yatiqasisaxa? (1 Ped. 4:8; Col. 3:14; 1 Juan 4:12.)

3. Liytʼañamawa 2 Samuel 5:1-10.

   1. ¿Qhawqha maras Davitax apnaqäna, ukat kuna markanakansa? (2 Sam. 5:4, 5.)

   2. ¿Kunatsa Davitax wali aytatäna ukat ukax kunsa amtayistu? (2 Sam. 5:10; 1 Sam. 16:13; 1 Cor. 1:31; Fili. 4:13.)

62 sarnaqäwi

Davitan familiapan llakinaka

1. Israelitanakax Jehová Diosampi yanaptʼayasisaxa, ¿Canaán uraqinxa kunsa kamachapxäna?

2. ¿Davitax uta patankaskäna ukhaxa kunas kamachänxa?

3. ¿Kunatsa Jehová Diosax Davitatakix wal colerasïna?

4. Kunjamtï aka dibujon uñjaskixa, ¿khiti tatarus Diosax khitatayna Davitar juchap qhanañchañataki, ukat kunanakaw familiaman utjani sataynasa?

5. ¿Davitax kuna jan waltʼäwinaksa uñjixa?

6. ¿Khitis David lanti Israel apnaqirjam uttʼayatäxänxa?

Yaqha jisktʼäwinakampi:

1. Liytʼañamawa 2 Samuel 11:1-27.

   1. ¿Jehová Diosatak irnaqaskañaxa kunjamatsa jan walinakat jarkʼaqistu?

   2. ¿Kunjamats Davitax juchachasiñ tuqir wiytatänxa, kunsa jiwasanakax ukat yatiqaraksna? (2 Sam. 11:2; Mat. 5:27-29; 1 Cor. 10:12; Sant. 1:14, 15.)

2. Liytʼañamawa 2 Samuel 12:1-18.

   1. ¿Davitar Natanax iwxkäna ukatxa kunjamsa irpir chuymaninakasa awk taykanakasa yatiqasipxaspa? (2 Sam. 12:1-4; Pro. 12:18; Mat. 13:34.)

   2. ¿Kunatsa Jehová Diosax Davitar khuyaptʼayänxa? (2 Sam. 12:13; Sal. 32:5; 2 Cor. 7:9, 10.)

63 sarnaqäwi

Salomón sat yatiñan apnaqiri

1. ¿Jehová Diosax kamsasas Salomonar jisktʼäna, ukat Salomonax kamsarakïnsa?

2. Jehová Diosatakix wali askïnwa Salomonan mayitapaxa, ¿ukat kun churämax sänsa Diosaxa?

3. ¿Kuna jan waltʼäwimpisa pä warmix Salomonar makatäna?

4. Kunjamtï aka dibujon uñjaskixa, ¿kunjamsa Salomonax uka jan waltʼäw askichänxa?

5. ¿Kunjamsa Salomonax markar apnaqäna, ukat kunatsa?

Yaqha jisktʼäwinakampi:

1. Liytʼañamawa 1 Reyes 3:3-28.

   1. Khitinakatï Diosan markap irpapki ukanakaxa, ¿1 Reyes 3:7 Salomonan arunakapat kuna yatichawsa apsupxaspa? (Sal. 119:105; Pro. 3:5, 6.)

   2. ¿Salomonan mayisïwipaxa kuna tuqinakat mayisiñsa yatichistu? (1 Rey. 3:9, 11; Pro. 30:8, 9; 1 Juan 5:14.)

   3. Salomonax pä warmin jan waltʼäwip askichäna, uk yatisaxa, ¿kunjamäniw jilïr Salomón Jesucriston apnaqäwipax sistansa? (1 Rey. 3:28; Isa. 9:6, 7; 11:2-4.)

2. Liytʼañamawa 1 Reyes 4:29-34.

   1. ¿Iyawsir chuymampi Salomonan mayisitaparuxa kunjamsa Jehová Diosax phuqäna? (1 Rey. 4:29.)

   2. Salomonan yatiñapat yatxatañ wal munapxäna, ¿jiwasanakax Diosan Arupat yatxatañatxa kamsaraksnasa? (1 Rey. 4:29, 34; Juan 17:3; 2 Tim. 3:16.)

64 sarnaqäwi

Salomonax Diosan utap luri

1. ¿Jehová Diosan utapxa qhawqha tiempotsa tuksüna, ukat kunatsa wali jilänaw sistanxa?

2. ¿Diosan utapax qhawqha jiskʼa utanakar jaljayatänsa, ukat manqhankir utarux kunas uchasïna?

3. ¿Diosan utap lurañ tukuyasax Salomonax kamsasas mayisïna?

4. ¿Salomonan mayisïwipaxa wali askïtapxa kunjamsa Jehová Diosax uñachtʼayäna?

5. ¿Salomonarux warminakapax kunarus purtʼayapxäna, ukat kunjam jaqiptänsa?

6. ¿Kunats Jehová Diosax Salomonatak colerasïna ukat kamsänsa?

Yaqha jisktʼäwinakampi:

1. Liytʼañamawa 1 Crónicas 28:9, 10.

   1 Crónicas 28:9, 10 Davitan aruparjamaxa, ¿sapürusa kamachapxañasasa? (Sal. 19:14; Fili. 4:8, 9.)

2. Liytʼañamawa 2 Crónicas 6:12-21, 32-42.

   1. Jaqin lurat utax janiw Jehová Diosar katxaskaspati, ¿kunjamsa ukxa Salomonax uñachtʼayänxa? (2 Cró. 6:18; Hech. 17:24, 25.)

   2. 2 Crónicas 6:32, 33 Salomonan arunakapaxa, ¿kunsa Jehová Diosat yatichistu? (Hech. 10:34, 35; Gál. 2:6.)

3. Liytʼañamawa 2 Crónicas 7:1-5.

   Kunapachatï israelitanakax Jehová Diosan jachʼakankañap uñjapxäna ukhaxa wal jupar jachʼañchapxäna, ¿jiwasax Jehová Diosan markapar bendicipanxa kamachapxarakiñasasa? (2 Cró. 7:3; Sal. 22:22; 34:1; 96:2.)

4. Liytʼañamawa 1 Reyes 11:9-13.

   Tukuykamapuniw Diosampïñasaxa, ¿kunjamsa ukxa Salomonan jakäwipax uñachtʼayistu? (1 Rey. 11:4, 9; Mat. 10:22; Apo. 2:10.)

65 sarnaqäwi

Israel apnaqäwiw jaljti

1. ¿Akankasipki uka jaqinakax kamsatäpxisa, ukat khitinakasa?

2. ¿Ahías profetax isipxa kamachänsa, ukampix kamsañs munäna?

3. ¿Salomonax Jeroboamar kamachañs munäna?

4. ¿Kunatsa Jeroboamar 10 tribun apnaqirïñapatak uttʼayapxäna?

5. ¿Kunatsa Jeroboamax qurit pä vaca qall lursünxa, uka qhipatxa kunjamas markachirinakapax sarnaqxapxäna?

6. ¿Pä triburux qhipatxa kunas pasäna, ukat Diosan utaparux kunas pasarakïna?

Yaqha jisktʼäwinakampi:

1. Liytʼañamawa 1 Reyes 11:26-43.

   ¿Kunjam jaqïnsa Jeroboamaxa, ukat Diosax kamachinakaj phuqät ukhaxa kun churäm säns Jehová Diosaxa? (1 Rey. 11:28, 38.)

2. Liytʼañamawa 1 Reyes 12:1-33.

   1. Roboamax apnaqirïsaxa jan walinak luräna ukatxa, ¿kunsa awk taykanakasa irpir chuymaninakasa yatiqapxaspa? (1 Rey. 12:13; Ecl. 7:7; 1 Ped. 5:2, 3.)

   2. ¿Wayn tawaqunakax jakäwin kun amtañatakisa khitirus jisktʼasipxaspa? (1 Rey. 12:6, 7; Pro. 1:8, 9; 2 Tim. 3:16, 17; Heb. 13:7.)

   3. ¿Kunatsa Jeroboamax pä chiqar vaca qallunak luratayna yupaychapxañapataki, ukat kunatsa ukham lurasax Jehová Diosar jan atinisitap uñachtʼaykänxa? (1 Rey. 11:37; 12:26-28.)

   4. ¿Khitis 10 triburux Jehová Dios contra saytʼayänxa? (1 Rey. 12:32, 33.)

66 sarnaqäwi

Ñanqha chuyman Jezabela

1. ¿Jezabelax khitisa?

2. ¿Mä urux kunatsa Acab sat apnaqirix llakitäna?

3. ¿Nabot tatan uwas yapup chachapar churañatakixa kamachänsa Jezabelaxa?

4. ¿Jezabelar jiwayañapatakixa khitirus Jehová Diosax khitäna?

5. Kunjamtï aka dibujon uñjaskixa, ¿Jezabelan utjasïwipar purisax Jehú tatax kamachänsa?

Yaqha jisktʼäwinakampi:

1. Liytʼañamawa 1 Reyes 16:29-33 ukat 18:3, 4.

   ¿Acab tatax apnaqaskäna ukhax kuna jan waltʼäwinakas utjäna? (1 Rey. 14:9.)

2. Liytʼañamawa 1 Reyes 21:1-16.

   1. ¿Kunjamsa Nabot tatax Jehová Diosar iyawsatapa ukhamaraki Jehová Dios tuqinkatapxa uñachtʼayäna? (1 Rey. 21:1-3; Lev. 25:23-28.)

   2. Kun munatasas jan phuqaskaspaxa, ¿kamachxañasasa ukat kuns Acab tatan sarnaqäwipax yatichistu? (1 Rey. 21:4; Rom. 5:3-5.)

3. Liytʼañamawa 2 Reyes 9:30-37.

   Jehú tatax taqi chuymaw Jehová Diosan munañap luräna, ¿kunsa jiwasax ukat yatiqassnaxa? (2 Rey. 9:4-10; 2 Cor. 9:1, 2; 2 Tim. 4:2.)

67 sarnaqäwi

Josafatax Jehová Diosaruw atinisi

1. ¿Khitis Josafataxa, kunapachas jakäna?

2. ¿Israelitanakax kunatsa axsarapxäna, ukat waljanix kamachapxänsa?

3. ¿Josafatan mayisitaparux kunjams Diosax istʼäna?

4. ¿Janïr uñisirinakapampi israelitanakax nuwantasipkan ukhaxa Jehová Diosax kamachänsa?

5. ¿Kunsa Josafatat yatiqsnaxa?

Yaqha jisktʼäwinakampi:

1. Liytʼañamawa 2 Crónicas 20:1-30.

   1. ¿Josafatax jan waltʼäwin uñjasisax kamachänsa ukat Diosar yupaychirinakax ukham jan walin uñjasisax kamachapxarakiñapasa? (2 Cró. 20:12; Sal. 25:15; 62:1.)

   2. Jehová Diosax markapar kun yatiyañatakisa maynimpipuniw yatiyirïna, ¿jichha tiemponxa khitimpis yatiyayistu? (2 Cró. 20:14, 15; Mat. 24:45-47; Juan 15:15.)

   3. Kunapachatï ‘taqi chʼamani Jehová Diosan jachʼa urupax’ purinin ukhaxa, ¿kunjamatsa Josafatan urunakapjamarakïnixa? (2 Cró. 20:15, 17; 32:8; Apo. 16:14, 16.)

   4. Levitanakat yatiqasaxa, ¿kunjamsa precursoranakampi misioneronakampix Diosat yatichäwirux yanaptʼapxi? (2 Cró. 20:19, 21; Rom. 10:13-15; 2 Tim. 4:2.)

68 sarnaqäwi

Pä wawaw jaktäna

1. ¿Aka dibujonkaski uka jaqinakax khitinakasa, ukat uka wayniturux mä urux kunas pasäna?

2. ¿Aka waynit laykux kamsasas Eliasax mayisïna, ukat kamachänsa?

3. ¿Eliasan yanapiripax kamsatänsa?

4. ¿Kunatsa Sunem markar mä warmix Eliseor jawsänxa?

5. ¿Eliseox kamachänsa, ukat jiwat wawax kamachxänsa?

6. Kunjamtï Eliasampi Eliseompix uñachtʼayawayapxixa, ¿Jehová Diosax chʼamapampix kuns luraspa?

Yaqha jisktʼäwinakampi:

1. Liytʼañamawa 1 Reyes 17:8-24.

   1. ¿Kunjamatsa Eliasan istʼasirïtapasa iyawsäwipasa yantʼasïna? (1 Rey. 17:9; 19:1-4, 10.)

   2. Sareptankir viuda warmin Diosar atinisitapxa, ¿kunatsa wali aytaskañaxa? (1 Rey. 17:12-16; Luc. 4:25, 26.)

   3. Mateo 10:41, 42 Jesusan arunakapax chiqäskapuniwa, ¿ukxa kunjamsa Sareptankir viuda warmin sarnaqäwipax uñachtʼayistu? (1 Rey. 17:10-12, 17, 23, 24.)

2. Liytʼañamawa 2 Reyes 4:8-37.

   1. ¿Sunem warmix utar katuqtʼañ tuqit kunsa yatichistu? (2 Rey. 4:8; Luc. 6:38; Rom. 12:13; 1 Juan 3:17.)

   2. ¿Diosar yupaychirinak laykux kunsa jichhapachax luraraksna? (Hech. 20:35; 28:1, 2; Gál. 6:9, 10; Heb. 6:10.)

69 sarnaqäwi

Mä luluw jachʼa jaqir yanaptʼi

1. ¿Aka mamarux kamsaskisa uka luluxa?

2. ¿Khitis uka mamaxa, ukat kunatsa uka lulux utapanki?

3. ¿Eliseox kamsätaw Naamanarux sasas uywatapa khitsüna, ukat kunatsa Naamanax colerasïna?

4. ¿Naamanax uywatanakapar istʼasax kamachänsa?

5. ¿Kunatsa Eliseox Naamanan waxtʼap jan katuqañ munkänxa, ukampis Giezi tatax kamachänsa?

6. ¿Ukat kunas Giezi tatar pasänxa, ukat kuns yatiqtanxa?

Yaqha jisktʼäwinakampi:

1. Liytʼañamawa 2 Reyes 5:1-27.

   1. ¿Israelit lulun sarnaqäwipax kunjamsa wayn tawaqunakar yanaptʼaspa? (2 Rey. 5:3; Sal. 8:2; 148:12, 13.)

   2. Bibliat iwxäwinak katuqasaxa, ¿kunatsa wakisirïspa Naamanat amtasiñaxa? (2 Rey. 5:15; Heb. 12:5, 6; Sant. 4:6.)

   3. ¿Eliseox kunjam jaqïnsa ukat Giezix kunjam jaqirakïnsa, ukat kuns jupanakat yatiqsna? (2 Rey. 5:9, 10, 14-16, 20; Mat. 10:8; Hech. 5:1-5; 2 Cor. 2:17.)

70 sarnaqäwi

Jonasampi jachʼa chawllampi

1. ¿Khitis Jonasaxa, ukat Jehová Diosax kamsänsa?

2. Jehová Diosar jan istʼasaxa, ¿Jonasaxa kamachänsa?

3. ¿Jachʼa thaya tʼakuñapatakixa bote apnaqirinakaruxa kamsäns Jonasaxa?

4. Kunjamtï akan uñjaskixa, ¿Jonasax qutar jalantxäna ukhaxa kamachänsa?

5. ¿Qhawqha urus jachʼa chawlla purakankänxa, ukat kuns ukan luränxa?

6. ¿Jachʼa chawllat mistxasaxa kawkirus Jonasax saräna, ukax kuns yatichistu?

Yaqha jisktʼäwinakampi:

1. Liytʼañamawa Jonás 1:1-17.

   Nínive markankir jaqinakar Diosat yatiyir sarañ tuqitxa, ¿kunjamsa Jonasax amuypachäna? (Jon. 1:2, 3; Pro. 3:7; Ecl. 8:12.)

2. Liytʼañamawa Jonás 2:1, 2, 10.

   Jonasarux Jehová Diosax mayisitap istʼänwa, ¿jiwasanakan mayisïwisxa istʼarakispaw sasax kunatsa sisna? (Sal. 22:24; 34:6; 1 Juan 5:14.)

3. Liytʼañamawa Jonás 3:1-10.

   1. Jonasax qalltanxa janiw istʼkänti ukampis Jehová Diosax khitaskakïnwa, ¿kunjamatsa ukax jiwasanakar chʼamañchistu? (Sal. 103:14; 1 Ped. 5:10.)

   2. Yatiyir sarasax janiw jaqinakar yaqhachañasäkiti, janich munkaspa sasaxa, ¿kunjamsa ukxa Jonasan Nínive markar yatiyir saratapax uñachtʼayistu? (Jon. 3:6-9; Ecl. 11:6; Hech. 13:48.)

71 sarnaqäwi

Diosax kusipach churapxäma siwa

1. ¿Khitïnas Isaiasaxa, kunapachas jakäna, Jehová Diosax kuns uñachtʼayäna?

2. ¿Kunas kusipachaxa, ukat kuns amtayistu?

3. ¿Jutïr suma uraq tuqitxa kunsa Jehová Diosax qillqayatayna?

4. ¿Kunatsa Adanampi Evampix suma utjasiñap aptʼapxataynaxa?

5. ¿Munasirinakajarux kun churäx sisa Jehová Diosaxa?

Yaqha jisktʼäwinakampi:

1. Liytʼañamawa Isaías 11:6-9.

   1. Jutïr suma uraqinxa jaqimpi animalanakampixa suman utjasxapxani, ¿ukxa kunjamsa Diosan Arupax sum qhanañchi? (Sal. 148:10, 13; Isa. 65:25; Eze. 34:25.)

   2. ¿Kunjamsa Isaiasan arunakapax jichha pachax Jehová Diosan markapan phuqasiski? (Rom. 12:2; Efe. 4:23, 24.)

   3. Jichhasa suma jaqiptasktan jutïrinsa suma jaqiptaskakiñäni ukatxa, ¿khitis jachʼañchäwi katuqañapaxa? (Isa. 48:17, 18; Gál. 5:22, 23; Fili. 4:7.)

2. Liytʼañamawa Apocalipsis 21:3, 4.

   1. “Nayaw jumanak taypin jakarakïxa” sasinxa janiw aka uraqin janchin Diosax jakani sañ munkiti, ¿kawkïri qillqatanakas uk qhanañchistu? (Lev. 26:11, 12; 2 Cró. 6:18; Isa. 66:1; Apo. 21:2, 3, 22-24.)

   2. ¿Kuna kasta jachañasa, ukat kuna kasta usuyasiñasa chhaqtxani? (Luc. 8:49-52; Rom. 8:21, 22; Apo. 21:4.)

72 sarnaqäwi

Diosax Ezequiasaruw yanaptʼi

1. ¿Khitis aka jaqixa, ukat kunatsa jan waltʼañankiw sistanxa?

2. ¿Diosan nayraqatapar uchaski uka qillqatanakax kunasa, ukat kamsasas Diosar mayisïna?

3. ¿Ezequiasax kunjam apnaqirïnsa, ukat Isaías profetampix kuna yatiyäwsa Jehová Diosax apayäna?

4. Kunjamtï akan uñjaskixa, ¿Asiria soldadonakar Jehová Diosan angelapax kamachänsa?

5. Pä tribux sumansa utjasxapxchïnxa, ¿Ezequiasan jiwatapatxa kamachxarakïnsa?

Yaqha jisktʼäwinakampi:

1. Liytʼañamawa 2 Reyes 18:1-36.

   1. ¿Asiria apnaqirin mä jilïr oficialapax kunjamsa israelitanakar aynachtʼayañ munäna? (2 Rey. 18:19, 21; Éxo. 5:2; Sal. 64:3.)

   2. ¿Ezequiasat yatiqasisaxa uñisirinakarux Jehová Diosan Qhanañchirinakapaxa kunjamsa saykatapxi? (2 Rey. 18:36; Sal. 39:1; Pro. 26:4; 2 Tim. 2:24.)

2. Liytʼañamawa 2 Reyes 19:1-37.

   1. Jan waltʼäw tiemponakanxa, ¿kunjamsa Ezequiasat Jehová Diosan markapax jichhürunakan yatiqasi? (2 Rey. 19:1, 2; Pro. 3:5, 6; Heb. 10:24, 25; Sant. 5:14, 15.)

   2. Senaquerib sat apnaqirixa, ¿kuna kimsa jan waltʼäwirus purtʼasïna, ukat khitirus ukham pasarakini? (2 Rey. 19:32, 35, 37; Apo. 20:2, 3.)

3. Liytʼañamawa 2 Reyes 21:1-6, 16.

   ¿Kunatsa Jerusalén apnaqirinakatxa Manasés sat apnaqiriw sinti qhuru apnaqirïna sasispaxa? (2 Cró. 33:4-6, 9.)

73 sarnaqäwi

Qhip qhipa suma apnaqiri

1. ¿Qhawqha maranïna ukhasa Josiasar apnaqirit uttʼayapxäna, ukat paqallq mar apnaqxasaxa kamachänsa?

2. ¿Aka nayrïr dibujon kunsa Josiasax luraski?

3. Diosan utap askichsusipkäna ukhaxa, ¿kuns jilïr sacerdotex katjäna?

4. ¿Josiasax kunatsa isip chʼiyjasïna?

5. ¿Hulda sat warmixa kamsasas Josiasar Jehová Diosan arunakap yatiyayäna?

Yaqha jisktʼäwinakampi:

1. Liytʼañamawa 2 Crónicas 34:1-28.

   1. ¿Jan waltʼäwin jilsupki uka wawanakax kuns Josiasan sarnaqäwipat yatiqasipxaspa? (2 Cró. 33:21-25; 34:1, 2; Sal. 27:10.)

   2. Jehová Dios saparuki yupaychañatakixa, ¿Josiasax kunsa kimsaqallq mara apnaqkasax luräna, ukat tunka payan mara apnaqkasasa, tunka kimsaqallquni mara apnaqkasas kuns lurarakïna? (2 Cró. 34:3, 8.)

   3. Josiasampi Hilcías sat jilïr sacerdotempixa yupaychañ utwa askichsupxäna, ¿kunsa jiwasanakax jupanakat yatiqasiraksna? (2 Cró. 34:9-13; Pro. 11:14; 1 Cor. 10:31.)

74 sarnaqäwi

Jan axsarir jaqi

1. ¿Khitis akankaski uka waynaxa?

2. ¿Profetäma satax kamsäns Jeremiasaxa, ukat kamsäns Jehová Diosaxa?

3. ¿Jeremiasax israelitanakarux kutin kutin kamsänsa?

4. ¿Sacerdotenakax Jeremiasar kamachañs munapxäna, ukat jan axsaratapxa kunjamsa uñachtʼayäna?

5. Jan walinaka lurasipkakitapatxa, ¿israelitanakax kunarus purtʼasipxäna?

Yaqha jisktʼäwinakampi:

1. Liytʼañamawa Jeremías 1:1-8.

   1. Kunjamtï Jeremiasan sarnaqäwipax uñachtʼaykistuxa, ¿kunas Jehová Diosan munañap lurañatakix chʼamañchistu? (2 Cor. 3:5, 6.)

   2. ¿Kunjamsa Jeremiasan sarnaqäwipaxa wayn tawaqunakarux chʼamañchtʼaspa? (Ecl. 12:1; 1 Tim. 4:12.)

2. Liytʼañamawa Jeremías 10:1-5.

   Lurat diosanakarux inamayaw alkatasipkta sañatakixa, ¿kuna tuqit arsusas Jeremiasax uk sum qhanañchäna? (Jer. 10:5; Isa. 46:7; Hab. 2:19.)

3. Liytʼañamawa Jeremías 26:1-16.

   1. Jichha tiempoxa tʼunjäwit parlasipkarakikiwa, ¿kunjamsa alaxpachar sariri jilat kullakanaxa Jeremiasjam ‘jan kun imtʼasa’ yatiyasipkaraki? (Jer. 26:2; Deu. 4:2; Hech. 20:27.)

   2. Taqi jan walinakan tʼunjäwipat parlasaxa, ¿kunsa Jehová Diosan Qhanañchirinakapaxa jichha tiempon Jeremiasat yatiqasipxaspa? (Jer. 26:8, 12, 14, 15; 2 Tim. 4:1-5.)

4. Liytʼañamawa 2 Reyes 24:1-17.

   ¿Judá markax Jehová Diosar jaytjasaxa kunarus purtʼasïna? (2 Rey. 24:2-4, 14.)

75 sarnaqäwi

Babiloniar apat pusi waynitunaka

1. ¿Khitinakasa aka pusinixa, ukat kunatsa Babiloniankapxi?

2. ¿Uka pusi waynitunakaruxa Nabucodonosorax kawkir uchañsa munäna, ukat yanapirinakapar kamsänsa?

3. ¿Jupatakisa kimsa munat masinakapatakisa manqʼa tuqit uma tuqit kamsänsa?

4. Tunka uru chʼuxñanaka manqʼasaxa, ¿mayni waynitunakat sipansa Danielampi mayni kimsanimpix kunjamapxänsa?

5. ¿Kunatsa apnaqirinakan utapar Danielampi kimsa munat masinakapampi apapxänxa, ukat kuna tuqitsa sacerdotenakat sipansa yatirinakapat sipansa jukʼampi sumäpxänxa?

Yaqha jisktʼäwinakampi:

1. Liytʼañamawa Daniel 1:1-21.

   1. ¿Yantʼanakampi pantjasiñanakampi jan atipayasiñatakixa kamachapxañasasa? (Dan. 1:8; Gén. 39:7, 10; Gál. 6:9.)

   2. Yaqhipanakatakixa jan walinakax “suma manqʼäkaspasa” ukhamäspawa, ¿kunjamanakansa wayn tawaqunakax ukham jan walinakar wiytata uñjasipxaspa? (Dan. 1:8; Pro. 20:1; 2 Cor. 6:17–7:1.)

   3. ¿Aka pusi waynanakan sarnaqäwipaxa yatxatañ tuqitxa kunsa yatichistu, kawkïr yatiñas wali askixa? (Dan. 1:20; Isa. 54:13; 1 Cor. 3:18-20.)

76 sarnaqäwi

Jerusalén phichkatapxi

1. Kunjamtï aka dibujon uñjaskixa, ¿Jerusalenasa israelitanakasa kamachatas uñjasipxi?

2. ¿Khitis Ezequielaxa, ukat kuna jan wali luräwinaksa Jehová Diosax uñachtʼayäna?

3. Israelitanakax Jehová Diosar janiw axsarapkänti, ¿ukat kamsäns Diosaxa?

4. Kunapachatï israelitanakax Nabucodonosor contra saytʼapkäna ukhaxa, ¿kamachänsa Nabucodonosoraxa?

5. ¿Kunatsa Jehová Diosax ukham jan walinakan israelitanakarux uñjasiyäna?

6. ¿Kunatsa Israel uraqix jan jaqin uñjasïnxa, qhawqha maras ukham uñjasïnxa?

Yaqha jisktʼäwinakampi:

1. Liytʼañamawa 2 Reyes 25:1-26.

   1. ¿Sedequiasax khitïnsa, kunarus purtʼasïna, ukat kunjamsa Diosan arunakapax phuqasïna? (2 Rey. 25:5-7; Eze. 12:13-15.)

   2. Jehová Dios contra israelitanakax saytʼapxatapatxa, ¿khitinakas jila juchanipxänxa? (2 Rey. 25:9, 11, 12, 18, 19; 2 Cró. 36:14, 17.)

2. Liytʼañamawa Ezequiel 8:1-18.

   ¿Kunjamsa jichha tiempox cristianüpxtwa sirinakaxa Intir yupaychiri israelitanakat yatiqasipxi? (Eze. 8:16; Isa. 5:20, 21; Juan 3:19-21; 2 Tim. 4:3.)

77 sarnaqäwi

Janipuniw altʼasipkänti

1. ¿Babilonia apnaqiri Nabucodonosorax kamsänsa?

2. ¿Kunatsa Danielan wali munat masinakapax qurit lurat nayraqatapan jan altʼasipkäna?

3. Mä kutimpi Nabucodonosorax altʼasipxam säna ukhaxa, ¿kunjamsa kimsa waynitux Jehová Diosar atinisitap uñachtʼayapxäna?

4. ¿Nabucodonosorax yanapirinakaparuxa Sadracampiru Mesacampiru Abednegompirux kamachapxam sänsa?

5. ¿Kuns Nabucodonosorax hornon uñjäna?

6. ¿Kunats Nabucodonosorax Sadracan Mesacan Abednegon Diosap yupaychapxam sänxa, ukat kunsa uka waynitunakax yatichistu?

Yaqha jisktʼäwinakampi:

1. Liytʼañamawa Daniel 3:1-30.

   1. Hebreo waynitunakjama yantʼanakan uñjasisaxa, ¿kunsa jupanakat Diosar yupaychirinakjamax yatiqassna? (Dan. 3:17, 18; Mat. 10:28; Rom. 14:7, 8.)

   2. ¿Kunsa Jehová Diosax Nabucodonosorarux yatichäna? (Dan. 3:28, 29; 4:34, 35.)

78 sarnaqäwi

Pirqar qillqat arunaka

1. Babilonia apnaqirimpi manqʼarasipkäna, ukat Jehová Diosan utapat apanit vasonakat umarasipkäna ukhaxa, ¿kunas pasäna?

2. ¿Belsasarax yatirinakapar kamsänsa, ukat kamachapxakïnsa?

3. ¿Mamapax Belsasarar kamsänsa?

4. Kunjamtï Danielax Belsasarar siskänxa, ¿kunatsa Diosax pirqar qillqañapatak mä ampar apayanïna?

5. ¿Pirqar qillqat arunakax kamsañ muni sänsa Danielaxa?

6. ¿Danielax parlaskäna ukäñkamasti kunas pasäna?

Yaqha jisktʼäwinakampi:

1. Liytʼañamawa Daniel 5:1-31.

   1. Pirqan qillqat uñjasax Belsasarax wal axsaräna, janiw ukham Diosar axsarañasäkiti, ¿kunatsa ukham sistanxa? (Dan. 5:6, 7; Sal. 19:9; Rom. 8:35-39.)

   2. ¿Kunjamsa jan axsaratap Danielax uñachtʼayäna Belsasararu, aytat jaqinakar parlasaxa? (Dan. 5:17, 18, 22, 26-28; Hech. 4:29.)

   3. ¿Jehová Diosan jachʼakankañapax kunjamsa Daniel 5 jaljan jachʼañchasi? (Dan. 4:17, 25; 5:21.)

79 sarnaqäwi

Danielampi leonanakampi

1. ¿Khitis Darioxa, ukat Danielar kunjams uñjäna?

2. ¿Danielar uñisir jaqinakax Darior kuns lurayapxäna?

3. ¿Danielax machaq kamach tuqit istʼasax kamachänsa?

4. ¿Kunatsa Dariox jan ikthapisa wal llakisïna, qhanjtanxipansti kamachänsa?

5. ¿Danielax leonanak taypit Darior kamsanïnsa?

6. ¿Danielar jiwayañ munapkäna uka jaqinakax kamachatäpxänsa, ukat Dariox kuna qillqatsa markpachar apayänxa?

Yaqha jisktʼäwinakampi:

1. Liytʼañamawa Daniel 6:1-28.

   1. ¿Danielar uñisir jaqinakaxa kunjamsa amtayistu Jehová Diosan Qhanañchirinakapan luräwinakapa contra saytʼirinakatxa? (Dan. 6:7; Sal. 94:20; Isa. 10:1; Rom. 8:31.)

   2. “Autoridadanak” nayraqatankkasinxa, ¿Diosar yupaychirinakjamax kuns Danielat yatiqassna? (Dan. 6:5, 10; Rom. 13:1; Hech. 5:29.)

   3. ¿Kunjamatsa Danieljam ‘taqi chuymampi’ uruy aruma Jehová Diosar yupaychsna? (Dan. 6:16, 20; Fili. 3:16; Apo. 7:15.)

80 sarnaqäwi

Israel markax Babiloniat sarxi

1. Kunjamtï akan uñjaskixa, ¿israelitanakax kamachasipkisa?

2. Jehová Diosax Isaías profetampi qillqaykäna, ¿ukarjam kunjamsa Ciro sat apnaqirix phuqäna?

3. ¿Jerusalén markar jan saririnakarux kamsäns Ciroxa?

4. ¿Jerusalenar apasxapxañapatakixa kuns Ciro tatax churäna?

5. ¿Qhawqha tiempotsa Jerusalenar israelitanakax puripxäna?

6. ¿Qhawqha tiemposa Jerusalenax jan jaqinïkänxa?

Yaqha jisktʼäwinakampi:

1. Liytʼañamawa Isaías 44:28 ukat 45:1-4.

   1. Ciro tuqit qillqat profeciax phuqasiskapuniniwa, ¿ukxa kunjamsa Jehová Diosax sum qhanañchäna? (Isa. 55:10, 11; Rom. 4:17.)

   2. Kunas jutïrin pasaspa ukxa Jehová Diosax saspawa, ¿kunjamsa Ciro tuqit Isaías profetan qillqatapax uk uñachtʼayistu? (Isa. 42:9; 45:21; 46:10, 11; 2 Ped. 1:20.)

2. Liytʼañamawa Esdras 1:1-11.

   Jerusalenar jan saririnakat yatiqtʼasisaxa, ¿kunjamsa ‘yanaptʼapxaraksna’ khitinakatix Diosatak jukʼampi irnaqtʼirjamäpki ukanakaruxa? (Esd. 1:4, 6; Rom. 12:13; Col. 4:12.)

81 sarnaqäwi

Diosaruw atinisipxi

1. ¿Qhawqhanis Babiloniat Jerusalenar kuttʼxapxäna, ukat Jerusalenax kunjamaskänsa?

2. ¿Israelitanakasti purisax kun lurañs qalltapxäna, ukampis uñisirinakapax kamachapxänsa?

3. ¿Hageosa Zacariasasa khitinakänsa, ukat jaqinakar kamsänsa?

4. ¿Kunatsa Tatnai gobernadorax Babiloniar carta apayäna, ukat Babiloniat kamsanïnsa?

5. Diosan utapax askichañawa sas parlir istʼasaxa, ¿Esdrasax kamachänsa?

6. Kunjamtï akan uñjaskixa, ¿Kuns Esdrasax Jehová Diosar mayïna? ¿Diosax mayisitap kunjamsa istʼäna? ¿Ukax kuns yatichistu?

Yaqha jisktʼäwinakampi:

1. Liytʼañamawa Esdras 3:1-13.

   Diosan tamapax jan utjki uka chiqan jikxatasisaxa, ¿kamachasipkakiñasasa? (Esd. 3:3, 6; Hech. 17:16, 17; Heb. 13:15.)

2. Liytʼañamawa Esdras 4:1-7.

   Janiw yaqha yupaychäwinakampix yupaychasktan ukapachax chikachasiñasati, ¿ukxa kunjamsa Diosan markapatakix Zorobabelax uñachtʼayäna? (Éxo. 34:12; 1 Cor. 15:33; 2 Cor. 6:14-17.)

3. Liytʼañamawa Esdras 5:1-5, 17 ukat 6:1-22.

   1. ¿Diosan utap lurañxa kunatsa uñisirinakapax jan saytʼayapkäna? (Esd. 5:5; Isa. 54:17.)

   2. Irpir chuymaninakaxa Jehová Diosampiwa irpayasipxañapa, ¿kunjamsa judío irpir chuymaninakan sarnaqäwipax chʼamachistaspa uka tuqiru? (Esd. 6:14; Sal. 32:8; Rom. 8:31; Sant. 1:5.)

4. Liytʼañamawa Esdras 8:21-23, 28-36.

   Janïr wali wakiskir amtäwinak amtkasaxa, ¿Esdrasat kunsa yatiqasipxsna? (Esd. 8:23; Sal. 127:1; Pro. 10:22; Sant. 4:13-15.)

82 sarnaqäwi

Mardoqueompi Esterampi

1. ¿Mardoqueompi Esterampix khitinakäpxänsa?

2. ¿Kunatsa Asuerox yaqha warmi thaqhäna, ukat khitirus ajllïna?

3. ¿Khitis Amanaxa, ukat kunatsa colerasïna?

4. ¿Kuna kamachsa apsusïna, ukat Mardoqueon yatiyäwip katuqasax Esterax kamachänsa?

5. ¿Amanar kamachapxänsa, Mardoqueorux kamachapxarakïnsa?

6. ¿Kunjamatsa israelitanakax uñisirinakapat qhispipxänxa?

Yaqha jisktʼäwinakampi:

1. Liytʼañamawa Ester 2:12-18.

   ¿Esterax kunjamsa uñachtʼayäna paciencia chuymanïñas ‘llampʼu chuymanïñas’ wali askïtapxa? (Est. 2:15; 1 Ped. 3:1-5.)

2. Liytʼañamawa Ester 4:1-17.

   Kunjamtï Esterax chiqpach yupaychäwi layku saytʼkänaxa, ¿kunapachanakasa jiwasax Jehová Diosar munasitasa Diosa chuymätasa uñachtʼaysnaxa? (Est. 4:13, 14; Mat. 5:14-16; 24:14.)

3. Liytʼañamawa Ester 7:1-6.

   Diosan yupaychirinakapaxa, ¿kunjamsa Esterjam jichhapachanakanxa jan walina arknaqata uñjasipxaraki? (Est. 7:4; Mat. 10:16-22; 1 Ped. 2:12.)

83 sarnaqäwi

Jerusalenan uyupa

1. Jerusalén marka jan uyunïpanxa, ¿kunjamakis utjasipxäna?

2. ¿Nehemiasax khitïnsa?

3. ¿Nehemiasax kunans irnaqäna, ukat kunatsa wali wakiskïrin uka irnaqäwixa?

4. ¿Nehemiasarux kunas llakisiyäna, ukat kamachänsa?

5. ¿Artajerjesax kunjamsa Nehemiasar khuyaptʼayäna?

6. ¿Uñisirinakapax Jerusalén uyuchañ jan saytʼayapxañapatakixa Nehemiasax kamachänsa?

Yaqha jisktʼäwinakampi:

1. Liytʼañamawa Nehemías 1:4-6 ukat 2:1-20.

   ¿Jehová Diosampi yanaptʼayasiñatakixa Nehemiasax kamachänsa? (Neh. 2:4, 5; Rom. 12:12; 1 Ped. 4:7.)

2. Liytʼañamawa Nehemías 3:3-5.

   Tecoankiri jaqinakampi jilïri jaqinakapampitxa, ¿kunsa irpir chuymaninakampi yanapirinakapampixa yatiqasipxaspa? (Neh. 3:5, 27; 2 Tes. 3:7-10; 1 Ped. 5:5.)

3. Liytʼañamawa Nehemías 4:1-23.

   1. Jan wali jaqinakax janis uyuchayañ munapkchïnxa, ¿kunas uyuchasipkakiñapatakix israelitanakar yanaptʼäna? (Neh. 4:6, 8, 9; Sal. 50:15; Isa. 65:13, 14.)

   2. ¿Israelitanakan sarnaqäwipax kunjamsa chʼamañchistu?

4. Liytʼañamawa Nehemías 6:15.

   Jerusalén markxa pä phaxsinakwa uyuchrantapxäna, ¿kunjamsa ukax iyawsäwinïñax wali askïtap uñachtʼayapxistu? (Sal. 56:3, 4; Mat. 17:20; 19:26.)

84 sarnaqäwi

Mä angelaw Mariampi parli

1. ¿Khitis akankaski uka warmixa?

2. ¿Mariarux kamsänsa Gabriel angelaxa?

3. Janis Mariax chachanïkchinxa, ¿kunjamatsa wawaniñapänxa, ukat kamsänsa Gabrielaxa?

4. ¿Mariax Elisabetar tumptʼir saräna ukapachaxa kamachänsa?

5. Kunapachatï Joseyaxa Marian usurïtapat yatïna ukhax kamsänsa, ukat jan ukham amuyañapatakix kunas yanaptʼäna?

Yaqha jisktʼäwinakampi:

1. Liytʼañamawa Lucas 1:26-56.

   1. Mariax Adanan wawapjamax juchanïnwa, ukat Diosan wawapax Marian purakapar uchatäkäna ukhaxa, ¿uka juchampix kamachänsa, uka tuqit kamsis Lucas 1:35 jiskʼa tʼaqaxa? (Hageo 2:11-13; Juan 6:69; Heb. 7:26; 10:5.)

   2. ¿Purakankaskän ukhas kunjamsa Jesusar jachʼañchasïna? (Luc. 1:41-43.)

   3. ¿Khitinakatï Diosat suma luräwinak katuqasipki ukanakax kunsa Mariat yatiqasipxaspa? (Luc. 1:38, 46-49; 17:10; Pro. 11:2.)

2. Liytʼañamawa Mateo 1:18-25.

   Janis Jesusarux Emmanuel sasa sutichaskchïnxa, ¿aka Uraqinkkasax kunjamsa uka sutinïkaspasa ukham uñachtʼayäna? (Mat. 1:22, 23; Juan 14:8-10; Heb. 1:1-3.)

85 sarnaqäwi

Jesusax uywa ikiñ utan yuri

1. ¿Khitis aka wawaxa, ukat kawkirus Mariax iktʼayaski?

2. ¿Kunatsa Mariax mä uywa ikiñ utan Jesusar ususïnxa?

3. ¿Mantanisipki uka jaqinakax khitinakasa, ukat mä angelax jupanakarux kamsänsa?

4. ¿Kunatsa Jesusax jan yaqha wawanakjamäkänxa?

5. ¿Kunatsa Jesusarux Diosan Wawapaw sapxsnaxa?

Yaqha jisktʼäwinakampi:

1. Liytʼañamawa Lucas 2:1-20.

   1. ¿Jesusan yurïwip tuqit qillqat profecianaka phuqasiñapatakixa kunsa Augusto Cesarax luräna? (Luc. 2:1-4; Miq. 5:2.)

   2. ¿Kunjamatsa maynix “kusisipki uka jaqinak” taypinxa jakhutäspaxa, mä arunxa Diosan iyawsatäspaxa? (Luc. 2:14; Mat. 16:24; Juan 17:3; Hech. 3:19; Heb. 11:6.)

   3. Judeana uywanak awatir jaqinakaxa Qhispiyiripan yuritapatxa wal kusisipxäna, ¿jichhapachaxa kunatsa Diosar yupaychirinakax jukʼampi kusisipxañapaxa? (Luc. 2:10, 11; Efe. 3:8, 9; Apo. 11:15; 14:6.)

86 sarnaqäwi

Mä warawararuw arktapxi

1. ¿Khitinakas aka jaqinakaxa, ukat kunatsa maynix kʼajtaniski uka warawarar luqtʼaski?

2. ¿Herodesax kunatsa colerasïna, ukat kamachänsa?

3. ¿Kʼajkir warawaraxa kawkirus uka jaqinakar irpäna, ukat kunatsa yaqha thaknam sarxapxänxa?

4. ¿Kamsänsa Herodesaxa, ukat kunatsa?

5. ¿Jehová Diosax Joseyar kamsänsa?

6. ¿Khitisa uka jan uñtʼat warawara kʼajtayänxa, ukat kunatsa?

Yaqha jisktʼäwimpi:

1. Liytʼañamawa Mateo 2:1-23.

   ¿Jesusax qhawqha maranïxansa ukat kawkinsa jakasiskäna warawarar arkirinakax jutapxäna ukhaxa? (Mat. 2:1, 11, 16.)

87 sarnaqäwi

Wawäkasin Diosan utapar sari

1. ¿Akan qhawqha maranïnsa Jesusaxa ukat kawkinkaskisa?

2. ¿Joseyax familiapampix sapa marax kuns lurirïna?

3. Joseyampi Mariampixa mä uru utar jutxapxäna, ¿ukat kunatsa Jerusalenar kuttʼapxänxa?

4. ¿Jesusax kawkinkaskänsa, ukat kunatsa jaqinakax wal muspharapxäna?

5. ¿Kamsänsa Jesusax mamaparuxa?

6. ¿Diosat yatiqañasatakixa kuns Jesusax yatichistu?

Yaqha jisktʼäwinakampi:

1. Liytʼañamawa Lucas 2:41-52.

   1. Moisesan qillqataparjamaxa chachanakakis sapa mara fiestanakar sarapxañapächïnxa, ¿kunsa Joseyampi Mariampixa awk taykanakaruxa yatichi? (Luc. 2:41; Deu. 16:16; 31:12; Pro. 22:6.)

   2. ¿Awk taykar istʼañ tuqitxa kunsa Jesusax wayn tawaqunakaru yatichawayi? (Luc. 2:51; Deu. 5:16; Pro. 23:22; Col. 3:20.)

2. Liytʼañamawa Mateo 13:53-56.

   ¿Biblianxa Jesusan kawkïri sullkanakapan sutinakapas qillqata, uka qhipatxa cristiano tamanxa paninix kuna lurañanipxänsa? (Mat. 13:55; Hech. 12:17; 15:6, 13; 21:18; Gál. 1:19; Sant. 1:1; Jud. 1.)

88 sarnaqäwi

Juanax Jesusaruw bautisi

1. ¿Aka jaqinakax khitinakasa?

2. ¿Kunjamas bautisasiñaxa?

3. ¿Juanax khitinakarus bautisirïna?

4. ¿Kunatsa Jesusax Juanar bautisit sänxa?

5. ¿Jesusan bautisasitapax askïna ukxa kunjamsa Diosax uñachtʼayäna?

6. Kunapachatï Jesusax 40 uru wasarankkäna ukhaxa, ¿kunas jupar pasäna?

7. ¿Jesusan nayrïr arkirinakapan sutinakapax kawkïrinakasa, nayraqat kuna milagrsa luräna?

Yaqha jisktʼäwinakampi:

1. Liytʼañamawa Mateo 3:13-17.

   ¿Jesusat yatiqasisaxa kunjamsa Jesusan arkirinakapax bautisasipxañapa? (Sal. 40:7, 8; Mat. 28:19, 20; Luc. 3:21, 22.)

2. Liytʼañamawa Mateo 4:1-11.

   Jesusax qillqatanak apnaqañ sum yatïna, ¿ukax kunatsa jiwasanakaru jukʼampi Bibliat yatxatañasatakix chʼamañchistu? (Mat. 4:5-7; 2 Ped. 3:17, 18; 1 Juan 4:1.)

3. Liytʼañamawa Juan 1:29-51.

   ¿Bautisir Juanax khiti tuqirus arkirinakaparux uñtayäna, ukat kunsa jiwasanakax yatiqaraksna? (Juan 1:29, 35, 36; 3:30; Mat. 23:10.)

4. Liytʼañamawa Juan 2:1-12.

   Jehová Diosax janiw suma luratanakapat jarkʼkistuti, ¿ukxa kunjamsa Jesusax nayrïr milagro lurasax uñachtʼayistu? (Juan 2:9, 10; Sal. 84:11; Sant. 1:17.)

89 sarnaqäwi

Jesusax Diosan utap qʼumachi

1. ¿Kunatsa Diosan utapan uywanaka jamachʼinaka aljapxäna?

2. ¿Jesusax kunatsa chuymap ustʼayasïna?

3. Kunjamtï aka dibujon uñjaskixa, ¿kamachänsa Jesusaxa, ukat palomanak aljirinakarux kamsänsa?

4. Jesusan luratap uñjasaxa, ¿arkirinakapaxa kuns amtapxäna?

5. ¿Galilear kuttʼxasaxa kawki marknamsa pasäna?

Yaqha jisktʼäwimpi:

1. Liytʼañamawa Juan 2:13-25.

   Diosan utapan aljirinak uñjasaxa Jesusax wal chuyma usuyasïna, ¿ukhamax waliskaspati Tantachasiñ Utan aljasiñaxa? (Juan 2:15, 16; 1 Cor. 10:24, 31-33.)

90 sarnaqäwi

Phujun mä warmimpiw parli

1. ¿Kunatsa Jesusax Samaria markan phuju jakʼankaskänxa, ukat um waytasir jutir warmirux kamsänsa?

2. ¿Kamachänsa uka warmixa, ukat Jesusax kamsänsa, kunatsa?

3. ¿Kuna kasta umat parlaskpacha sänsa uka warmixa, ukampis kuna umatsa Jesusax parlaskäna?

4. ¿Kuntï Jesusax siskäna uk istʼasax kunatsa uka warmix muspharäna, ukat kunjamatsa Jesusax uk yatïna?

5. ¿Aka sarnaqäwitxa kunanaksa yatiqassna?

Yaqha jisktʼäwinakampi:

1. Liytʼañamawa Juan 4:5-43.

   1. Jesusat yatiqasisaxa, ¿yaqha kasta jaqinakaruxa kunjamsa uñjañasaxa? (Juan 4:9; 1 Cor. 9:22; 1 Tim. 2:3, 4; Tito 2:11.)

   2. ¿Maynix Jesusan arkiripaptasinxa kunanaksa ajay tuqit katuqi? (Juan 4:14; Isa. 58:11; 2 Cor. 4:16.)

   3. Samariankir warmix wal jaqinakar yatiyañ munäna, ¿jiwasanakax kunsa jupat yatiqasiraksna? (Juan 4:7, 28; Mat. 6:33; Luc. 10:40-42.)

91 sarnaqäwi

Jesusax mä qullun yatichäna

1. Kunjamtï aka dibujon uñjaskixa, ¿kawkinsa Jesusax yatichaski, ukat jupa jakʼankaski uka tatanakax khitinakasa?

2. ¿12 apostolanakan sutinakapax kawkïrinakasa?

3. ¿Kunas Jesusax yatichkäna uka Apnaqäwixa?

4. ¿Kun mayipxäta sasasa Jesusax yatichäna?

5. ¿Maynit maynikamax kunjam uñjasiñasax säns Jesusaxa?

Yaqha jisktʼäwinakampi:

1. Liytʼañamawa Mateo 5:1-12.

   ¿Diosan Arupata yatiqañ munatasxa kuna tuqinakatsa uñachtʼaysnaxa? (Mat. 5:3; Rom. 10:13-15; 1 Tim. 4:13, 15, 16.)

2. Liytʼañamawa Mateo 5:21-26.

   ¿Jilat kullakanakasampi jan wal apaskañänixa Jehová Diosampix janiw sumankkaraksnati ukxa kunjamsa Mateo 5:23, 24 jiskʼa tʼaqax uñachtʼayistu? (Mat. 6:14, 15; Sal. 133:1; Col. 3:13; 1 Juan 4:20.)

3. Liytʼañamawa Mateo 6:1-8.

   ¿Fariseonakan kuna jan wali luräwinakapsa cristianonakax jan lurapxañapäki? (Luc. 18:11, 12; 1 Cor. 4:6, 7; 2 Cor. 9:7.)

4. Liytʼañamawa Mateo 6:25-34.

   ¿Manqʼañansa isisiñansa Jehová Diosaruw atinisiñasa uka tuqitxa kuns Jesusax yatichäna? (Éxo. 16:4; Sal. 37:25; Fili. 4:6.)

5. Liytʼañamawa Mateo 7:1-11.

   ¿Kunsa yatichistu Mateo 7:5 jiskʼa tʼaqaxa? (Pro. 26:12; Rom. 2:1; 14:10; Sant. 4:11, 12.)

92 sarnaqäwi

Jiwatanak Jesusax jaktayi

1. ¿Aka dibujonkaski uka lulun tatapax khitisa, ukat kunatsa tatapampi mamapampix wal llakisipxänxa?

2. ¿Jesusampi jikisisax Jairox kamachänsa?

3. ¿Jairon utapar sarasipkäna ukhax thakin kunas pasäna, ukat kunsa Jairor yatiyapxäna?

4. ¿Jairon utapankaskir jaqinakax kunatsa Jesusar istʼasax larusipxäna?

5. ¿Jesusaxa uka lulun tatapampi mamapampi kimsa apostolanakampi utar mantasax kamachänsa?

6. ¿Khitinakampirusa Jesusax jaktayäna, ukat ukax kunsa uñachtʼayi?

Yaqha jisktʼäwinakampi:

1. Liytʼañamawa Lucas 8:40-56.

   Wila apa usumpi usuntat warmiruxa Jesusax khuyaptʼayänwa, ¿kunatsa ukham sistanxa, ukat kunsa irpir chuymaninakax yatiqasipxaspa? (Luc. 8:43, 44, 47, 48; Lev. 15:25-27; Mat. 9:12, 13; Col. 3:12-14.)

2. Liytʼañamawa Lucas 7:11-17.

   Naín markankir viuda warmin yuqapax jiwkäna ukhaxa, ¿kamachänsa Jesusaxa, ukax kunjamsa chuymachaspa ukhaman uñjasirinakaruxa? (Luc. 7:13; 2 Cor. 1:3, 4; Heb. 4:15.)

3. Liytʼañamawa Juan 11:17-44.

   ¿Maynix jiwi ukapach jachañax waliskiwa, ukxa kunjamsa Jesusax uñachtʼayäna? (Juan 11:33-36, 38; 2 Sam. 18:33; 19:1-4.)

93 sarnaqäwi

Jesusax waljaniruw manqʼayi

1. ¿Bautisir Juanarux kamachapxataynasa, ukat kunjamas Jesusax jikxatasïna?

2. ¿Kunjamsa Jesusax waljanir manqʼayäna, ukat qhawqhas jiltʼäna?

3. ¿Kunatsa arumax arkirinakapax axsarayasipxäna, ukat Pedrorux kunas pasäna?

4. ¿Kunjamsa Jesusax waranq waranqa jaqinakaru wasitampi manqʼarayäna?

5. ¿Diosan uttʼayata apnaqirjam aka Uraqxar apnaqxani ukhax kunatsa wali kusisiñänixa?

Yaqha jisktʼäwinakampi:

1. Liytʼañamawa Mateo 14:1-32.

   1. ¿Pedrox kunjam jaqïnsa kamsis Mateo 14:23-32 jiskʼa tʼaqanakanxa?

   2. ¿Pedrox janiw nayrjam jan amuytʼas lurirïxänti ukxa kunjamsa Bibliax sum uñachtʼayi? (Mat. 14:27-30; Juan 18:10; 21:7; Hech. 2:14, 37-40; 1 Ped. 5:6, 10.)

2. Liytʼañamawa Mateo 15:29-38.

   ¿Awkipat manqʼañ katuqasax kunjamsa Jesusax respet uñachtʼayäna? (Mat. 15:37; Juan 6:12; Col. 3:15.)

3. Liytʼañamawa Juan 6:1-21.

   Jesusat yatiqasisaxa, ¿akapachan apnaqirinakaruxa kunjamsa cristianonakjamax uñjaraksna? (Juan 6:15; Mat. 22:21; Rom. 12:2; 13:1-4.)

94 sarnaqäwi

Wawanakaruw munasïna

1. Jaya saräwit kuttʼanisipkäna ukhaxa, ¿kunatsa apostolanakax jiskhisipxäna?

2. ¿Kunatsa Jesusax mä wawar jawsasin apostolanakan nayraqatapar saytʼayäna?

3. ¿Kuna tuqitsa apostolanakax wawanakjamäpxañapänxa?

4. Mä qhawqha phaxsi pasatatxa, ¿wawanakar munasitapxa kunjamsa Jesusax uñachtʼayäna?

Yaqha jisktʼäwinakampi:

1. Liytʼañamawa Mateo 18:1-4.

   ¿Kunatsa Jesusax uñachtʼäwinakampi yatichäna? (Mat. 13:34, 36; Mar. 4:33, 34.)

2. Liytʼañamawa Mateo 19:13-15.

   Diosan Apnaqäwipan bendicionanak katuqañ munasaxa, ¿kunanaksa wawanakat yatiqasiñasa? (Sal. 25:9; 138:6; 1 Cor. 14:20.)

3. Liytʼañamawa Marcos 9:33-37.

   ¿Taqit sipansa jilïriñ munañ tuqitxa Jesusax kamsasas arkirinakapar yatichäna? (Mar. 9:35; Mat. 20:25, 26; Gál. 6:3; Fili. 2:5-8.)

4. Liytʼañamawa Marcos 10:13-16.

   ¿Jesusarux khitinakasa jakʼachasipxänxa, kunsa irpir chuymaninakax ukat yatiqasipxaspa? (Mar. 6:30-34; Fili. 2:1-4; 1 Tim. 4:12.)

95 sarnaqäwi

Kunjamsa Jesusax yatichäna

1. ¿Mä jaqix kuns Jesusar jisktʼäna, ukat kunatsa ukham jisktʼäna?

2. ¿Awisax kunjamsa Jesusax yatichäna, ukat judionakampita samaritanonakampit kunsa yatiqayätanxa?

3. Jesusan arstʼäwipanxa, ¿kunas pasäna Jericó markar thaknam saraqaskir judioruxa?

4. Kunapachatï judío sacerdotesa levitasa uka thaknam saraqapkäna ukhaxa, ¿kamachapxänsa?

5. Akanxa, ¿khitis uka nuwjat judiorux yanaptʼaski?

6. Jesusax aka sarnaqäwit arstʼañ tukuyxasaxa, ¿kamsasas jisktʼäna, ukat uka jisktʼir jaqix kamsänsa?

Yaqha jisktʼäwinakampi:

1. Liytʼañamawa Lucas 10:25-37.

   1. Jesusax jisktʼataxa janiw chiq siskänti, ¿antisansa kunjamsa Diosan kamachinakapat yatxatat jaqirux amuytʼayäna? (Luc. 10:26; Mat. 16:13-16.)

   2. Yaqha kasta jaqinakar jan uñisiñatakixa, ¿kunjam uñachtʼäwinakampis Jesusax yatichäna? (Luc. 10:36, 37; 18:9-14; Tito 1:9.)

96 sarnaqäwi

Jesusax usutanakaruw qulli

1. ¿Markpach muytasax Jesusax kamachänsa?

2. Bautisasxän uka marat kimsa mar saraqataruxa, ¿Jesusax apostolanakaparux kamsänsa?

3. ¿Khitinakas akankaski uka jaqinakaxa, ukat Jesusax kamachänsa aka warmiruxa?

4. ¿Kunatsa Jesusan arsüwipax yupaychäw irpirinakar phinqʼa uñnaqayäna?

5. Kunapachatï Jesusax Jericó markar jakʼachasxäna ukhaxa, ¿mayjasir pä juykhunakar kamachänsa?

6. ¿Kunatsa Jesusax milagronak luräna?

Yaqha jisktʼäwinakampi:

1. Liytʼañamawa Mateo 15:30, 31.

   ¿Jesusan chʼamanïtapax kunsa Jehová Dios tuqit uñachtʼayistu, ukat jutïritak Diosan arsutanakapxa kunjamsa uñjapxañasa? (Sal. 37:29; Isa. 33:24.)

2. Liytʼañamawa Lucas 13:10-17.

   Waranq mara Jesusax apnaqkani ukhaxa, ¿kunjamänisa, ukxa kunjamsa sábado urunakan jachʼa milagro luratanakapax uñachtʼayistu? (Luc. 13:10-13; Sal. 46:9; Mat. 12:8; Col. 2:16, 17; Apo. 21:1-4.)

3. Liytʼañamawa Mateo 20:29-34.

   Jesusax jaqir yanaptʼañatakixa tiempo apstʼasïnwa, ¿ukxa kunjamsa aka sarnaqäwix uñachtʼayistu, ukat kunsa jiwasanakax yatiqaraksna? (Deu. 15:7; Sant. 2:15, 16; 1 Juan 3:17.)

97 sarnaqäwi

Apnaqirjamaw Jesusax manti

1. Jerusalén jakʼankir jiskʼa markar purisaxa, ¿Jesusax arkirinakaparux kamsänsa?

2. Kunjamtï aka dibujon uñjaskixa, ¿kunas kamachäna Jesusax Jerusalén markar jakʼachasïna ukhaxa?

3. ¿Juykhunakaru suchʼunakaru Jesusan qullatap uñjasax kamachapxänsa wawanakaxa?

4. ¿Jesusax colerat sacerdotenakarux kamsänsa?

5. ¿Kunjamatsa Jesusar jachʼañchapkäna uka wawanakjamarakïsnaxa?

6. ¿Jesusan arkirinakapax kun yatiñsa munapxäna?

Yaqha jisktʼäwinakampi:

1. Liytʼañamawa Mateo 21:1-17.

   1. ¿Jesusan Jerusalén markar apnaqirjama mantatapampi Romankir generalanakapan mantatapampix kunatsa jan kikpäkänxa? (Mat. 21:4, 5; Zac. 9:9; Fili. 2:5-8; Col. 2:15.)

   2. Kunapachatï Jesusax Diosan utapar mantkäna ukhaxa israelit wawanakax Salmo 118 qillqatatwa arsupxäna, ¿kunsa ukat waynitunakasa tawaqitanakasa yatiqasipxaspa? (Mat. 21:9, 15; Sal. 118:25, 26; 2 Tim. 3:15; 2 Ped. 3:18.)

2. Liytʼañamawa Juan 12:12-16.

   ¿Palmera ramanakampi Jesusar jachʼañchapkäna ukax kamsañs munäna? (Juan 12:13; Fili. 2:10; Apo. 7:9, 10.)

98 sarnaqäwi

Olivos sat qulluna

1. Aka dibujonxa, ¿kawkïris Jesusaxa, ukat jupampi chikäski uka jaqinakax khitinakasa?

2. ¿Diosan utapanxa sacerdotenakax Jesusar kun kamachañsa yantʼapxäna, ukat Jesusax jupanakar kamsänsa?

3. ¿Kunsa apostolanakapax Jesusar jisktʼapxäna?

4. Jupax alaxpachan apnaqxani ukhax kunaymaniw aka Uraqin pasani sasaw Jesusax säna, ¿kunatsa ukham sispachäna?

5. Janïr aka Uraqit jan waltʼäwinakax chhaqtayatäkani ukhaxa, ¿kunanakaw utjani sänsa Jesusaxa?

Yaqha jisktʼäwinakampi:

1. Liytʼañamawa Mateo 23:1-39.

   1. Aytatäñatak sutiyasipxi uka sutinakax inas walikïskchispa, ¿ukampis kamsis Mateo 23:8-11 jiskʼa tʼaqanakanxa jachʼa jachʼa tukuñatak sutinaka tama taypin uchasiñatxa? (Hech. 26:25; Rom. 13:7; 1 Ped. 2:13, 14.)

   2. ¿Jan Jesusar arkapxañapatakix fariseonakax kamachapxänsa, ukat jichhapach yupaychäwinakan irpirinakapax kunjamsa ukhamarjama lurapxaraki? (Mat. 23:13; Luc. 11:52; Juan 9:22; 12:42; 1 Tes. 2:16.)

2. Liytʼañamawa Mateo 24:1-14.

   1. ¿Tukuykam saytʼatäskañax kunat wali wakisirix sisa Mateo 24:13 jiskʼa tʼaqaxa?

   2. ¿Mateo 24:13 jiskʼa tʼaqan ‘tukuykama’ siski uka arux kamsañs muni? (Mat. 16:27; Rom. 14:10-12; 2 Cor. 5:10.)

3. Liytʼañamawa Marcos 13:3-10.

   Marcos 13:10 jiskʼa tʼaqan qillqatäki aka arunakatxa, ¿kawkïr arusa jankʼakiw suma yatiyäwinak yatiyiri sarañasa ukxa qhanañchi, ukat Jesusan arunakapxa kunjamsa jiwasax uñjañasa? (Rom. 13:11, 12; 1 Cor. 7:29-31; 2 Tim. 4:2.)

99 sarnaqäwi

Altus utana

1. Kunjamtï aka dibujon uñjaskixa, ¿kunatsa Jesusampi tunka payan apostolanakapampix aka jachʼa altus utankapxixa?

2. ¿Khitis akat mistuski, ukat kun luriris saraski?

3. ¿Pascua manqʼäwi tukuyasaxa Jesusax kuna yaqha manqʼäwsa qalltäna?

4. ¿Israelitanakax Pascuan kuns amtapxäna, ukat uka yaqha manqʼäwix kunsa Jesusan arkirinakaparux amtayañapäna?

5. Santa Cena tukuyasaxa, ¿Jesusax kamsänsa arkirinakaparuxa, ukat jupanakax kamachapxänsa?

Yaqha jisktʼäwinakampi:

1. Liytʼañamawa Mateo 26:14-30.

   1. ¿Judasax Jesusar aljantañxa amtxapuninwa ukxa kunjamsa Mateo 26:15 jiskʼa tʼaqax uñachtʼayistu?

   2. ¿Jesusan wilapaxa kuna pä tuqitakis wartasïna? (Mat. 26:27, 28; Jer. 31:31-33; Efe. 1:7; Heb. 9:19, 20.)

2. Liytʼañamawa Lucas 22:1-39.

   ¿Kunjamsa Supayax Judasar mantänxa? (Luc. 22:3; Juan 13:2; Hech. 1:24, 25.)

3. Liytʼañamawa Juan 13:1-20.

   1. Juan 13:2 jiskʼa tʼaqa liytʼasaxa, ¿Judasarux luratapatxa juchañchasiñapati, ukat kunsa Diosar yupaychirinakjamax yatiqassna? (Gén. 4:7; 2 Cor. 2:11; Gál. 6:1; Sant. 1:13, 14.)

   2. ¿Jesusax kuna suma yatichäwsa churäna? (Juan 13:15; Mat. 23:11; 1 Ped. 2:21.)

4. Liytʼañamawa Juan 17:1-26.

   Jesusax arkirinakaparux ‘mayar’ tukupxañamawa sasaw säna, ¿kuna tuqitsa ukhamäpxañapänxa? (Juan 17:11, 21-23; Rom. 13:8; 14:19; Col. 3:14.)

100 sarnaqäwi

Jesusax huertaruw sari

1. ¿Altus utat mistusax kawkirus Jesusampi apostolanakapampix sarapxäna, ukat kamachapxätaw sänsa Jesusaxa?

2. ¿Jesusax kuttʼanïna ukapachax apostolanakax kamachasipkänsa, ukat qhawqha kutis ukham katjäna?

3. Kunjamtï aka dibujon uñjaskixa, ¿khitinakas huertar jutapxäna, ukat Judas Iscariotex kamachänsa?

4. ¿Kunatsa Judasax Jesusar jampʼattʼäna, ukat Pedrox kamachänsa?

5. ¿Jesusax Pedrorux kamsänsa, ukampis kunatsa Jesusax Diosar jan maykäna angelanakap khitaniñapatakixa?

Yaqha jisktʼäwinakampi:

1. Liytʼañamawa Mateo 26:36-56.

   1. ¿Jesusax arkirinakapar kunjamtï iwxkäna ukatxa kunsa jichhürunxa irpir chuymaninakax yatiqasipxarakispa? (Mat. 20:25-28; 26:40, 41; Gál. 5:17; Efe. 4:29, 31, 32.)

   2. ¿Jaqir jiwayañanak apnaqañ tuqit Jesusax kamsänsa? (Mat. 26:52; Luc. 6:27, 28; Juan 18:36.)

2. Liytʼañamawa Lucas 22:39-53.

   ¿Getsemaní huertan mä angelax Jesusar chʼamañchañatak uñstkäna ukax Jesusan iyawsäwipaw aynachtʼäna uk sañti munäna? Qhanañchtʼma (Luc. 22:41-43; Isa. 49:8; Mat. 4:10, 11; Heb. 5:7).

3. Liytʼañamawa Juan 18:1-12.

   ¿Jesusax kunjamatsa arkirinakaparux uñisirinakat jarkʼaqäna, ukat kuns yatiqaraksnaxa? (Juan 10:11, 12; 18:1, 6-9; Heb. 13:6; Sant. 2:25.)

101 sarnaqäwi

Jesusaruw jiwayapxi

1. ¿Khitis Jesusar jiwayapxañapatakix wiytäna?

2. Kunapachatï judionakan yupaychäwip irpirinakax Jesusar apasipkäna ukhaxa, ¿apostolanakapax kamachapxänsa?

3. ¿Caifas jilïr sacerdoten utapan kamachapxänsa?

4. ¿Kunatsa Pedrox mistusin wal jachänxa?

5. Wasitampi Pilaton ukaru kuttʼayapkäna ukhaxa, ¿aytat sacerdotenakax kamsasas artʼapxäna?

6. ¿Viernes jaypʼthapix Jesusar kamachapxänsa, ukat jupamp chika chʼakkatat lunthatarux Jesusax kamsänsa?

7. Jesusax parlkäna uka kusipachaxa, ¿kawkinkanisa?

Yaqha jisktʼäwinakampi:

1. Liytʼañamawa Mateo 26:57-75.

   Judionakan jilïrinakapaxa ñanqha chuymaninakäpxänwa, ¿ukxa kunjamsa uñachtʼayapxäna? (Mat. 26:59, 67, 68.)

2. Liytʼañamawa Mateo 27:1-50.

   ¿Judasan arrepentisitapax janiw chuymatpachäkänti sasax kunatsa sapxsna? (Mat. 27:3, 4; Mar. 3:29; 14:21; 2 Cor. 7:10, 11.)

3. Liytʼañamawa Lucas 22:54-71.

   Jesusax aljantatäkana katuntatäkana uka arumaxa jan Jesusar uñtʼiriw Pedrox tuküna, ¿ukat kunsa yatiqaraksna? (Luc. 22:60-62; Mat. 26:31-35; 1 Cor. 10:12.)

4. Liytʼañamawa Lucas 23:1-49.

   ¿Jesusax jan walinak lurkatasa kamachänsa, kunsa ukat yatiqasiraksna? (Luc. 23:33, 34; Rom. 12:17-19; 1 Ped. 2:23.)

5. Liytʼañamawa Juan 18:12-40.

   Pedrox jaqir axsarañampix atipjayaschïnsa qhipatxa suma apostoläxänwa, ¿kunsa ukax uñachtʼayistaspa? (Juan 18:25-27; 1 Cor. 4:2; 1 Ped. 3:14, 15; 5:8, 9.)

6. Liytʼañamawa Juan 19:1-30.

   1. ¿Jesusax manqʼañ tuqitsa isisiñ tuqitsa kuns amuyäna? (Juan 2:1, 2, 9, 10; 19:23, 24; Mat. 6:31, 32; 8:20.)

   2. ¿Jesusan qhip qhipa arunakapax kunatsa Jehová Diosan jachʼa kankañapa tuqit saytʼasisin atipatap uñachtʼayi? (Juan 16:33; 19:30; 2 Ped. 3:14; 1 Juan 5:4.)

102 sarnaqäwi

Jesusax jaktxiwa

1. ¿Khitis akankaski uka warmixa, khitinakas aka pä jaqinakaxa, ukat kawkinkasipkisa?

2. ¿Kunatsa Pilatox sacerdotenakaruxa soldadonak Jesusan sepulturapar khitapxam sänxa?

3. Jesusan jiwatapat kimsa uru saraqataruxa, ¿wali alwat mä angelax kamachänsa, ukat sacerdotenakax kamachapxänsa?

4. ¿Kunatsa Jesusan sepulturap uñantir sarasin mä qhawqha warminakax sustjasipxäna?

5. ¿Kunatsa Pedrompi Juanampix Jesusan sepulturapar uñantirix sarapxäna, ukat kunjams jikxatapxäna?

6. ¿Jesusan amayapax kawkinkpachänsa, ukat arkirinakapan uñjatäñatakix Jesusax kamachänsa?

Yaqha jisktʼäwinakampi:

1. Liytʼañamawa Mateo 27:62-66 ukat 28:1-15.

   Kunapachatï Jesusax jaktxäna ukhaxa, ¿kunjamatsa aytat sacerdotenakasa, fariseonakasa, jilïrinakasa qullan ajay contra juchachasipxäna? (Mat. 12:24, 31, 32; 28:11-15.)

2. Liytʼañamawa Lucas 24:1-12.

   Jehová Diosatakix warminakan parlatanakapax atiniskañawa, ¿ukax kunjamsa Jesusan jaktäwipan uñachtʼayasïna? (Luc. 24:4, 9, 10; Mat. 28:1-7.)

3. Liytʼañamawa Juan 20:1-12.

   Janitï mä profecía sum amuykstanxa, ¿kunjamsa Juan 20:8, 9 qillqatanakax suytʼirïñasataki yanaptʼistu? (Pro. 4:18; Mat. 17:22, 23; Luc. 24:5-8; Juan 16:12.)

103 sarnaqäwi

Jistʼantat uta manqhana

1. ¿Kunatsa huerto uñjirïpachaw sasax Mariax sänxa, ukat kunjamatsa Jesusätap amuyänxa?

2. ¿Emaús markar saraskir Jesusan pä arkirinakaparux kunas pasäna?

3. ¿Kunapachatï pä arkirinakapax ‘Jesusaruw uñjapxta’ sas apostolanakar yatiyasipkäna ukhax kunas pasäna?

4. ¿Qhawqha kutis Jesusax arkirinakapar uñstäna?

5. ¿Tomasix ‘Jesusaruw uñjapxta’ siri istʼasax kamsänsa, ukat kimsaqallq uru saraqxäna ukhax kunas pasarakïna?

Yaqha jisktʼäwinakampi:

1. Liytʼañamawa Juan 20:11-29.

   Juan 20:23 jiskʼa tʼaqan qillqatäki uka arunakampixa, ¿jaqix jaqi masipan juchap pampachaspaw sañti Jesusax munäna? Qhanañchtʼma (Sal. 49:2, 7; Isa. 55:7; 1 Tim. 2:5, 6; 1 Juan 2:1, 2).

2. Liytʼañamawa Lucas 24:13-43.

   ¿Biblian yatichäwinakapa sum yatiqañatakixa kunjamsa chuymanakas wakichsnaxa? (Luc. 24:32, 33; Esd. 7:10; Mat. 5:3; Hech. 16:14; Heb. 5:11-14.)

104 sarnaqäwi

Jesusaw alaxpachar kutkatxi

1. ¿Mä kutix qhawqha arkirinakapas Jesusar uñjapxäna, ukat kuna tuqitsa Jesusax parläna?

2. ¿Kunas Diosan Apnaqäwipaxa, ukat kunapachatï Jesusax waranq mara aka Uraqir apnaqxani ukhax kunjams jakasiñäni?

3. ¿Jesusax qhawqhürus arkirinakapar uñstäna, ukat kamachxañapänsa?

4. ¿Janïr alaxpachar makatkasaxa Jesusax arkirinakaparux kamsawayänsa?

5. ¿Akan kamachaskisa, ukat kunjamatsa Jesusax aptatäxäna?

Yaqha jisktʼäwinakampi:

1. Liytʼañamawa 1 Corintios 15:3-8.

   ¿Kunatsa apóstol Pabloxa Jesusan jaktäwipat taqi chuyma parlänxa, ukat kunanak tuqitsa cristianonakax jichhapachax Pabljam parlapxarakispa? (1 Cor. 15:4, 7, 8; Isa. 2:2, 3; Mat. 24:14; 2 Tim. 3:1-5.)

2. Liytʼañamawa Hechos 1:1-11.

   Kunjamtï Hechos 1:8 qillqatan siskixa, ¿kawkikamas yatiyasiski? (Hech. 6:7; 9:31; 11:19-21; Col. 1:23.)

105 sarnaqäwi

Jerusalenan suyapxi

1. Kunjamtï aka dibujon uñjaskixa, ¿kunas kamachäna Jesusan arkirinakapax Jerusalenan suyasipkäna ukhaxa?

2. Jayat Jerusalenar jutir jaqinakaxa, ¿kunatsa muspharapxäna?

3. ¿Pedrox uka jaqinakarux kamsänsa?

4. ¿Pedror istʼasax waljanix kunjamas jikxatasipxäna, ukat kun lurapxañapänsa?

5. ¿Qhawqhanis 33 mara Pentecostés fiestanxa bautisasipxäna?

Yaqha jisktʼäwinakampi:

1. Liytʼañamawa Hechos 2:1-47.

   1. Jesusan jiwatapatxa judionakax markpachaw juchanïna, ¿kunjamsa Hechos 2:23, 36 jiskʼa tʼaqan Pedron arunakapax uk uñachtʼayistu? (1 Tes. 2:14, 15.)

   2. ¿Kunjamsa Pedrox Qillqatanakampi sum amuytʼayañ yatichawayistu? (Hech. 2:16, 17, 29, 31, 36, 39; Col. 4:6.)

   3. Jesusax “churarakïmaw Diosan reinopan llavenakapsa” siskäna, ¿uka llavenakat kunjamsa Pedrox nayrïr llave aptäna? (Hech. 2:14, 22-24, 37, 38; Mat. 16:19.)

106 sarnaqäwi

Carcelat mistusipki

1. ¿Mä jaypʼux Pedrompi Juanampi Diosan utapar mantasipkäna ukhax kunas pasäna?

2. ¿Pedrox suchʼu jaqirux kamsänsa, ukat qullqit sipansa kuns Pedrox churäna?

3. ¿Kunatsa judionakan yupaychäwip irpirinakax colerasipxäna, ukat Pedrompiru Juanampirux kamachapxänsa?

4. Judionakan yupaychäwip irpirinakaruxa, ¿Pedrox kamsänsa, ukat apostolanakax kamsasa iwxsuyasipxäna?

5. ¿Kunatsa judionakan yupaychäwip irpirinakax uñisipxänxa, ukat kunapachatï pä kuti apostolanakar carcelar katuntapxäna ukhax kunas kamachäna?

6. Sanedrinax tantachasïna uka utar apapkäna ukhaxa, ¿apostolanakax kamsapxänsa?

Yaqha jisktʼäwinakampi:

1. Liytʼañamawa Hechos 3:1-10.

   Janiw jichha tiempox milagronak lurksnati, ¿ukampis Hechos 3:6 jiskʼa tʼaqan Pedron arunakapax kunjamsa Diosan Apnaqäwip tuqit wali valorani yatiyäwi munañ yanapistu? (Juan 17:3; 2 Cor. 5:18-20; Fili. 3:8.)

2. Liytʼañamawa Hechos 4:1-31.

   Diosat yatiyir saräwin jan istʼañ munkistu ukhaxa, ¿kunjamatsa nayra tiempo cristianonakat yatiqassna? (Hech. 4:29, 31; Efe. 6:18-20; 1 Tes. 2:2.)

3. Liytʼañamawa Hechos 5:17-42.

   Yaqhip jaqinakaxa janis Jehová Diosan Qhanañchirinakapäpkchixa, ¿kunjamsa nayrapachas jichhapachas yatiyäwit sum amuyatapxa uñachtʼayapxi? (Hech. 5:34-39.)

107 sarnaqäwi

Estebanaruw kʼupjapxi

1. ¿Khitis Estebanaxa, ukat Diosax kun lurañs yanaptʼäna?

2. Judionakan yupaychäwip irpirinakaxa, ¿Estebanan kun parlatap istʼasas wal colerasipxäna?

3. Estebanar markat anqar qatatsunipxäna ukatxa, ¿kamachapxänsa?

4. ¿Aka dibujon isinak uñjaski uka waynax khitisa?

5. ¿Janïr jiwkasax kuns Estebanax Jehová Diosar mayïna?

6. Maynix jan wal lurkistu ukhaxa, ¿kunjamatsa Estebanat yatiqassna?

Yaqha jisktʼäwinakampi:

1. Liytʼañamawa Hechos 6:8-15.

   Jehová Diosan Qhanañchirinakapan yatiyäwinakapwa jarkʼañ munapxi, ¿kunjamanakatsa kʼari yupaychäwinak irpirinakaxa uk lurañ munapxi? (Hech. 6:9, 11, 13.)

2. Liytʼañamawa Hechos 7:1-60.

   1. ¿Sanedrín nayraqatan suma yatiyäwinak layku sum arsuñatakix kunas Estebanar yanaptʼäna, ukat kunsa yatiqasiraksna? (Hech. 7:51-53; Rom. 15:4; 2 Tim. 3:14-17; 1 Ped. 3:15.)

   2. ¿Bibliat yatichasipktan uka contra saytʼir jaqinakarux kunjam uñjañasasa? (Hech. 7:58-60; Mat. 5:44; Luc. 23:33, 34.)

108 sarnaqäwi

Damasco thakina

1. ¿Estebanar jiwayapkäna uka qhipatxa Saulox kamachänsa?

2. Damascor saraskän ukhaxa, ¿kuna muspharkañas pasäna?

3. ¿Jesusax Saulorux kamsänsa?

4. ¿Jesusax Ananiasarux kamsänsa, ukat kunjamatsa Saulox wasitampi uñjxarakïna?

5. ¿Saulox kuna sutimpi uñtʼatäxänsa, ukat kunatsa wal yanaptʼäna?

Yaqha jisktʼäwinakampi:

1. Liytʼañamawa Hechos 8:1-4.

   Cristiano tamax qalltaskän ukhaxa, ¿kunjamsa arknaqäwix jiltayäna, jichhapachax kunjamsa niya ukham jilxattaskaraki? (Hech. 8:4; Isa. 54:17.)

2. Liytʼañamawa Hechos 9:1-20.

   ¿Jesusax Saulorux kuna kimsa luräwitakis khitänxa? (Hech. 9:15; 13:5; 26:1; 27:24; Rom. 11:13.)

3. Liytʼañamawa Hechos 22:6-16.

   ¿Kunjamsa Ananiasat yatiqassna, ukat kunatsa wali wakisirixa? (Hech. 22:12; 1 Tim. 3:7; 1 Ped. 1:14-16; 2:12.)

4. Liytʼañamawa Hechos 26:8-20.

   ¿Yaqhip jilatanakan warmipasa jan ukax kullakanakan chachapasa janiw Diosar iyawsapkiti, ¿kunatsa Saulon cristianor tukutapax mä chʼamañchäwispaxa? (Hech. 26:11; 1 Tim. 1:14-16; 2 Tim. 4:2; 1 Ped. 3:1-3.)

109 sarnaqäwi

Pedrox Cornelion utap sari

1. ¿Khitis akan altʼasiskixa?

2. ¿Corneliorux kamsänsa mä angelaxa?

3. Jope markankir Simonan utap patxankaskäna ukhaxa, ¿kunsa Diosax Pedror uñjayäna?

4. ¿Kunatsa Pedrox Corneliorux jan altʼasimti jan yupaychistati sispachänxa?

5. ¿Pedron arkir masinakapax kunatsa wal muspharapxäna?

6. Pedrox Cornelion utap saräna, ¿ukatxa kuna wakiskir yatichäwsa apssna?

Yaqha jisktʼäwinakampi:

1. Liytʼañamawa Hechos 10:1-48.

   Diosan Apnaqäwipat yatiyäwinakat apañ tuqitxa, ¿kunsa Hechos 10:42 qillqatax uñachtʼayi? (Mat. 28:19; Mar. 13:10; Hech. 1:8.)

2. Liytʼañamawa Hechos 11:1-18.

   Yaqha markankir jan judionakar yatiyañapataki Jehová Diosax Pedror irpäna ukhaxa, ¿Pedrox kamachänsa, jiwasax kuns ukat yatiqasiraksna? (Hech. 11:17, 18; 2 Cor. 10:5; Efe. 5:17.)

110 sarnaqäwi

Pablor yanapir Timoteo

1. ¿Khitis akankaski uka waynaxa, kawkinsa jakasïna, mamapampi awichapampix kamsatäpxänsa?

2. Jaya markanakar yatiyir nanakamp chik sarañ munasmati sasa Pablox jisktʼäna ukhaxa, ¿Timoteox kamsänsa?

3. ¿Jesusan arkirinakaparux kawki markansa “cristiano” sutit uñtʼatäxapxänxa?

4. Listra markat mistusaxa, ¿kawki markanakarus Pablompi Silasampi ukat Timoteompix sarapxäna?

5. ¿Kunjamsa Timoteox Pablor yanaptʼäna, ukat jichha tiempox kunsa wayn tawaqunakax jisktʼasipxañapa?

Yaqha jisktʼäwinakampi:

1. Liytʼañamawa Hechos 9:19-30.

   Pablox suma yatiyäwinak apasax uñisit sarnaqäna ukhaxa, ¿sum amuyasis sarnaqatapxa kunjamsa uñachtʼayäna? (Hech. 9:22-25, 29, 30; Mat. 10:16.)

2. Liytʼañamawa Hechos 11:19-26.

   Jehová Diosaw chʼamapampi yatiyäwxa irpaski, ¿ukxa kunjamsa Hechos 11:19-21, 26 qillqatax uñachtʼayi?

3. Liytʼañamawa Hechos 13:13-16, 42-52.

   Jesusan arkirinakaparux janiw uñisirinakapax chʼam apaqkänti, ¿ukxa kunjamsa Hechos 13:51, 52 qillqatax uñachtʼayi? (Mat. 10:14; Hech. 18:6; 1 Ped. 4:14.)

4. Liytʼañamawa Hechos 14:1-6, 19-28.

   Machaq jilat kullakanakar yanaptʼañ tuqit sinti jan llakisiñatakixa, ¿kunjamsa ‘Jehová Diosaruw katuyapxäna’ uka arunakax chʼamañchistu? (Hech. 14:21-23; 20:32; Juan 6:44.)

5. Liytʼañamawa Hechos 16:1-5.

   Kuns luraskaksnawa ‘suma yatiyäwinak apañ laykuxaʼ, ¿kunjamsa uk sum qhanañchi Timoteon iyaw sasa circuncidasitapaxa? (Hech. 16:3; 1 Cor. 9:23; 1 Tes. 2:8.)

6. Liytʼañamawa Hechos 18:1-11, 18-22.

   Yatiyir sarktan ukhaxa Jesusax yanaptʼaskistuwa, ¿uka tuqit kamsis Hechos 18:9, 10 qillqatanxa, ukax kunjamsa jiwasar yanaptʼistu? (Mat. 28:20.)

111 sarnaqäwi

Mä waynituw ikjatayna

1. ¿Pampan jaqusiski uka waynitux khitisa, ukat kunatsa jaqusiski?

2. ¿Uka waynitun jiwatap uñjasaxa Pablox kamachänsa?

3. Pablompi Timoteompi ukat jupanakampi chik saririnakampixa, ¿kawkirus sarapxäna, ukat Mileto markan saytʼapxäna ukhaxa kunas pasäna?

4. ¿Ágabo sat profetax Pablor kamsänsa, ukat kunjamsa profetan arsutapax phuqasïna?

Yaqha jisktʼäwinakampi:

1. Liytʼañamawa Hechos 20:7-38.

   1. Kunjamtï Hechos 20:26, 27 qillqatan siskixa “janiw khitis nayarux juchañchkitaspati”, ¿kunjamsa jiwasanakax ukham sapxaraksna? (Eze. 33:8; Hech. 18:6, 7.)

   2. ¿Kunatsa irpir chuymaninakax yatichasin “yatichatäki uka chiqa arunaka” katxasipxañapa? (Hech. 20:17, 29, 30; Tito 1:7-9; 2 Tim. 1:13.)

2. Liytʼañamawa Hechos 26:24-32.

   ¿Jesusat yatichäwi katuqasaxa kunjamsa Pablox romanjama yatiyäna? (Hech. 9:15; 16:37, 38; 25:11, 12; 26:32; Luc. 21:12, 13.)

112 sarnaqäwi

Mä islaruw mistupxi

1. Creta isla jakʼa sarasipkäna ukhaxa, ¿kunas kamachäna Pablox saraskän uka jachʼa botempixa?

2. ¿Pablox kamsänsa jupamp chika jachʼa boten saraskirinakaruxa?

3. ¿Kunatsa jachʼa botex qʼal tʼunjasïna?

4. ¿Soldadonakan pʼiqtʼiripax kamsänsa, ukat qhawqhanis islar mistsunxapxäna?

5. ¿Kun satäns puripxäna uka islaxa, ukat suma pachäxän ukhaxa Pablorux kamachapxänsa?

Yaqha jisktʼäwinakampi:

1. Liytʼañamawa Hechos 27:1-44.

   Pablon Roma markar saräwipaxa, ¿kunatsa Biblian qillqatäki ukar jukʼampi iyawsañ yanapistu? (Hech. 27:16-19, 27-32; Luc. 1:3; 2 Tim. 3:16, 17.)

2. Liytʼañamawa Hechos 28:1-14.

   Malta islan utjasirinakax janis Diosar uñtʼapkchïnxa apóstol Pablorusa jupamp chika jachʼa boten saririnakarusa ‘wali sum katuqapxänaʼ, ¿ukat kuns cristianonakax yatiqasipxsna, ukat kunjamsa uk uñachtʼaysna? (Hech. 28:1, 2; Heb. 13:1, 2; 1 Ped. 4:9.)

113 sarnaqäwi

Pablox Roma markankiwa

1. ¿Khitinakarus Pablox Roman yatichäna?

2. ¿Khitis mesankaski uka jaqixa, ukat Pablotak kamachaskisa?

3. ¿Khitis Epafroditoxa, ukat kunsa Filipos markar kuttʼxasax apäna?

4. ¿Kunatsa Pablox Filemón munat jilatapar qillqäna?

5. ¿Pablox carcelat mistxasax kamachänsa, uka qhipat kamachxänsa?

6. ¿Khitimpis Biblian qhip qhipa libronakap Jehová Diosaxa qillqayäna, ukat kuna tuqitsa Apocalipsis librox yatichistu?

Yaqha jisktʼäwinakampi:

1. Liytʼañamawa Hechos 28:16-31 ukat Filipenses 1:13.

   ¿Roman Pablox tiemponïkasax kamachänsa, ukat kunjamsa Diosar atinisitapax cristiano tamar yanaptʼäna? (Hech. 28:23, 30; Fili. 1:14.)

2. Liytʼañamawa Filipenses 2:19-30.

   ¿Kuna suma arunaksa Timoteotsa Epafroditotsa qillqäna, ukat jiwasax kunjamsa Pablot yatiqasiraksna? (Fili. 2:20, 22, 25, 29, 30; 1 Cor. 16:18; 1 Tes. 5:12, 13.)

3. Liytʼañamawa Filemón 1-25.

   1. Kunatix walïki uk Filemonar lurañapatakixa, ¿kunxaruw uk lurät säns Pabloxa, ukat kunsa irpir chuymaninakax jichhapachax yatiqasipxaspa? (File. 9; 2 Cor. 8:8; Gál. 5:13.)

   2. Pablox taman mayni jilatanakapan chuymanakapxa janiw mayjtʼayañ munkänti, ¿kunjamsa Filemón 13, 14 Pablon arunakapan ukax uñachtʼayasi? (1 Cor. 8:7, 13; 10:31-33.)

4. Liytʼañamawa 2 Timoteo 4:7-9.

   ¿Jehová Diosaw bendiciskistani sasa apóstol Pabljam kunatsa sisnaxa? (Mat. 24:13; Heb. 6:10.)

114 sarnaqäwi

Jan walinakan tukusiñapa

1. ¿Kunatsa Biblianxa alaxpach caballonakat parlpacha?

2. ¿Aka Uraqinkir jan wali jaqinakampi Diosax nuwaskani uka chʼaxwäwix kamsatäpachasa, ukat kunatsa uka nuwasïwix utjani?

3. Kunjamtï aka dibujon uñjaskixa, ¿khitis uka nuwasïwin pʼiqtʼani, ukat kunatsa pillunixa, ukat espadapax kamsañs muni?

4. Diosax jan wali jaqinakarux chhaqtayxaniwa 10, 15, ukat 33 sarnaqäwinakaxa, ¿kunjamsa uk amuytʼayistu?

5. Jan wali jaqinakax Diosaruw yupaychaskta sapkchispasa Diosax chhaqtayxaniwa, ¿kunjamsa ukxa 36 ukat 76 sarnaqäwinakaxa uñachtʼayistu?

Yaqha jisktʼäwinakampi:

1. Liytʼañamawa Apocalipsis 19:11-16.

   1. Janqʼu caballor latʼxatatax Jesucristowa, ¿kunjamsa Qullan Qillqatanakax uk sum qhanañchistu? (Apo. 1:5; 3:14; 19:11; Isa. 11:4.)

   2. Jesusan isipasti wilampi wilachsutäna siski uka arunakaxa, ¿kunjamsa Jesusan qʼal atipjatap uñachtʼayi? (Apo. 14:18-20; 19:13.)

   3. ¿Janqʼu caballot Jesusax tʼijuniski ukarux khitinakampisa arktanipxarakpacha? (Apo. 12:7; 19:14; Mat. 25:31, 32.)

115 sarnaqäwi

Uraqinkir machaq kusipacha

1. Biblian siski ukarjamaxa, ¿Uraqinkir Kusipachanxa kunanakas utjani?

2. ¿Kusipachan kunjamaw jakasxapxani sis Bibliaxa?

3. ¿Kunapachas Jesusax ukham kusipachaptayani?

4. ¿Kunjamsa Diosan Apnaqäwipan Jesusax apnaqani uk uñachtʼayañatakix kunanaksa aka Uraqinkkasax luräna?

5. Jesusampi ukat jupamp chika aka Uraqir alaxpachat apnaqirinakampixa, ¿kunsa lurapxani?

Yaqha jisktʼäwinakampi:

1. Liytʼañamawa Apocalipsis 5:9, 10.

   Waranqa mara alaxpachat apnaqankistani uka apnaqirinakasa sacerdotenakasa jiwasarux sum uñjistani ukat khuyaptʼayistaniwa sasaxa, ¿kunatsa sapxsnaxa? (Efe. 4:20-24; 1 Ped. 1:7; 3:8; 5:6-10.)

2. Liytʼañamawa Apocalipsis 14:1-3.

   ¿144.000 ajllitanakaxa parapan Awkipan sutipampi ukat Corderon sutipampi qillqtʼatapxänwa siski uka arunakax kun sañsa munpacha? (1 Cor. 3:23; 2 Tim. 2:19; Apo. 3:12.)

116 sarnaqäwi

Kunjamatsa wiñay jakasipxsna

1. ¿Wiñay jakañ munasinxa kun yatiqapxañasasa?

2. Kunjamtï aka lulumpi masinakapampixa yatiqasipkixa, ¿kunjamatsa Jehová Diosampita Jesucristompita yatiqsna?

3. ¿Ukat kuna yaqha librosa aka dibujonkaraki, ukat kunatsa sapüru liyipxañasaxa?

4. Jehová Diosampita Jesusampita yatiqasinxa, ¿wiñay jakañ katuqañatakixa kunampis wakisi?

5. ¿Kuna yatichäwsa 69 sarnaqäwit yatiqtanxa?

6. ¿Kunsa jiskʼa Samuelut 55 sarnaqäwin yatiqtanxa?

7. ¿Jesusat kuns yatiqasipxsna, ukat ukhamti lurañänixa, kuns jutïrin katuqañäni?

Yaqha jisktʼäwinakampi:

1. Liytʼañamawa Juan 17:3.

   Jehová Diosampiru Jesusampir janiw aliq uñtʼañakïkiti, ¿ukxa kunjamsa Qillqatanakax uñachtʼayistu? (Mat. 7:21; Sant. 2:18-20; 1 Juan 2:17.)

2. Liytʼañamawa Salmo 145:1-21.

   1. ¿Kunanakatsa jiwasax Jehová Diosar yupaychañasaxa? (Sal. 145:8-11; Apo. 4:11.)

   2. ¿Jehová Diosax kunjamatsa “taqinir munasitap uñachtʼayi”, uk yatiñax kunatsa jukʼampi jupar jakʼachasiñ yanaptʼistu? (Sal. 145:9; Mat. 5:43-45.)

   3. ¿Jehová Diosar munasiñaxa kun lurañsa wiytistani? (Sal. 119:171, 172, 175; 145:11, 12, 21.)