• Әшија 2:3, 4
    Мүгәддәс Китаб

    •  3 Чох үммәтләр ҝәлиб дејәҹәк:

      «Ҝәлин Јеһованын дағына,

      Јагубун Аллаһынын евинә галхаг.+

      О, бизә јолуну өјрәтсин,

      Биз дә Онун јолу илә јеријәк».+

      Чүнки ганун Сиондан,

      Јеһованын сөзү Јерусәлимдән чыхаҹаг.+

       4 О, халглар арасында һаким олаҹаг,

      Чох халглара аид мәсәләләри һәлл едәҹәк.

      Онлар гылынҹларындан ҝаваһын*,

      Низәләриндән ораг дүзәлдәҹәк.+

      Халг халгын үстүнә гылынҹ галдырмајаҹаг,

      Артыг мүһарибә етмәји өјрәнмәјәҹәкләр.+

  • Әшија 11:6–9
    Мүгәддәс Китаб

    •  6 Гурдла гузу сүлһдә јашајаҹаг,+

      Бәбирлә чәпиш јан-јана узанаҹаг.

      Бузов, аслан вә бәсләнмиш һејван бир јердә олаҹаг*.+

      Онлары балаҹа ушаг отараҹаг.

       7 Инәклә ајы бирҝә отлајаҹаг,

      Балалары гоша узанаҹаг.

      Шир өкүз кими саман јејәҹәк.+

       8 Сүдәмәр ушаг илан јувасы үстүндә ојнајаҹаг,

      Сүддән кәсилмиш ушаг әлини зәһәрли иланын јувасына салаҹаг.

       9 Мүгәддәс дағымын һеч бир јериндә онлардан хәтәр ҝәлмәјәҹәк,+

      Һеч нәји тәләф етмәјәҹәкләр.+

      Чүнки сулар дәнизи долдурдуғу кими,

      Дүнја башдан-баша Јеһова барәдә биликлә долаҹаг.+

  • Микә 4:2
    Мүгәддәс Китаб

    •  2 Чох халглар ҝәлиб дејәҹәк:

      «Ҝәлин Јеһованын дағына,

      Јагубун Аллаһынын евинә галхаг,+

      О, бизә јолуну өјрәтсин,

      Биз дә Онун јолу илә јеријәк».

      Чүнки ганун Сиондан,

      Јеһованын сөзү Јерусәлимдән чыхаҹаг.