9 «Дур, Сидонда олан Сарфата ҝет вә орада гал. Мән орада бир дул гадына бујураҹағам ки, сәнә јемәк версин».+ 10 Илјас галхыб Сарфата ҝетди. Шәһәрин дарвазасына чатанда ҝөрдү ки, орада бир дул гадын одун јығыр. Илјас гадыны чағырыб деди: «Мәнә бир парч су вер ичим».+

20 О, Јеһованы чағырыб деди: «Еј Аллаһым Јеһова,+ Сән евиндә галдығым бу гадынын да башына бәла ҝәтирирсән? Онун оғлуну өлдүрүрсән?» 21 Сонра о, үч дәфә ушағын үстүнә узанды вә Јеһованы чағырыб деди: «Еј Аллаһым Јеһова, јалварырам, ушағын ҹаныны өзүнә гајтар». 22 Јеһова Илјасын хаһишини ешитди.+ Ушағын нәфәси өзүнә гајытды вә о ҹанланды.+ 23 Илјас ушағы ҝөтүрүб јухары отагдан ашағы ендирди вә анасына вериб деди: «Бах, оғлун сағдыр».+

8 Бир ҝүн Әлјәсә Шунама+ ҝетди. Орада бир күбар гадын јашајырды. Гадын ону дилә тутуб чөрәк јемәјә чағырды.+ Һәр дәфә Әлјәсәнин јолу Шунамдан кечәндә орада ајаг сахлајыб чөрәк јејирди.

13 Әлјәсә Гиһазијә бујурду: «Гадына де: “Бизим үчүн бу гәдәр әзијјәт чәкирсән.+ Сөјлә, сәнин үчүн нә едим?+ Бәлкә, барәндә падшаһла, јахуд орду башчысы илә данышым?”»+ Гадын деди: «Јох, һәр шеј јахшыдыр. Мән өз халгымын арасында јашајырам». 14 Әлјәсә деди: «Бәс онда онун үчүн нә едим?» Гиһази деди: «Онун оғлу јохдур,+ әри исә гоҹадыр». 15 Әлјәсә деди: «Чағыр ону». Гиһази гадыны чағырды, гадын ҝәлиб гапынын ағзында дурду. 16 Әлјәсә деди: «Ҝәлән ил бу вахт, гуҹағында оғул тутаҹагсан».+ Гадын деди: «Јох, ағам. Сән Аллаһ адамысан, бу гарабашыны алдатма».

17 Әлјәсәнин дедији кими, гадын һамилә галды, нөвбәти ил һәмин вахт оғул дүнјаја ҝәтирди.