26 Македонија вә Ахајјадан* олан гардашлар Јерусәлимдәки мүгәддәсләрин арасындакы касыблара әл тутмаг үчүн ҹанла-башла бәхшиш һазырлајыблар.+ 27 Бәли, онлар буну ҹанла-башла етдиләр, һәм дә она ҝөрә ки, Јерусәлимдәки мүгәддәсләрә борҹлудурлар. Чүнки башга халглар онларын руһани немәтләриндән бәһрәләнибләрсә, инди зәрури мадди немәтләрлә онлара хидмәт етмәјә борҹлудурлар.+

6 Гој Аллаһын сөзүнү өјрәнән адам һәр бир јахшы шеји ону өјрәдәнлә бөлүшсүн.+

15 Еј филиппилиләр, ахы буну да билирсиниз ки, сиз мүждәни тәзә-тәзә өјрәнәндә, мән Македонијадан чыхдығым вахт сиздән башга һеч бир јығынҹаг нә мәнә көмәк етди, нә дә мәндән көмәк алды.+ 16 Мән Салоникидә оланда сиз еһтијаҹларым үчүн дүз ики дәфә мәнә јардым ҝөндәрдиниз. 17 Елә билмәјин ки, мән бәхшиш умурам, хејр, мән сиздә сизә даһа чох газанҹ ҝәтирәҹәк бәһрәләр ҝөрмәк истәјирәм.