Титуса

3 Даима онлара хатырлат ки, һакимијјәтә вә һөкумәтә табе олсунлар, итаәт етсинләр,+ һәр ҹүр јахшы ишә һазыр олсунлар, 2 һеч кәсин һаггында пис данышмасынлар, давакар олмасынлар, дәрракәли олсунлар,+ һамы илә мүлајим даврансынлар.+ 3 Ахы биз дә вахтилә дүшүнҹәсиз, итаәтсиз, јолуну азмыш инсанлар идик, ҹүрбәҹүр истәкләрин вә ејш-ишрәтин гулу идик, пислик, пахыллыг едир, мәнфур ишләрлә мәшғул олур, бир-биримизә нифрәт едирдик.

4 Анҹаг Хиласкарымыз Аллаһын хејирхаһлығы+ вә бәшәријјәтә мәһәббәти ашкар едиләндә 5 О, салеһ ишләримизә ҝөрә дејил,+ мәрһәмәтинә ҝөрә бизи гуртарды.+ Бизи тәмизләјиб һәјата гајтарараг+ вә мүгәддәс руһу васитәсилә јениләшдирәрәк хилас етди.+ 6 О, Хиласкарымыз Иса Мәсиһ васитәсилә бу руһу бизә бол-бол верди+ ки, 7 Онун лүтфү сајәсиндә салеһ сајылдыгдан+ сонра биз үмидимизә әсасән әбәди һәјатын+ вариси олаг.+

8 Бу сөзләр етимада лајигдир. Сәндән хаһиш едирәм, бунлары дөнә-дөнә вурғула ки, Аллаһа иман едәнләр фикирләрини јахшы ишләрә ҹәмләшдирсинләр. Бунлар ҝөзәл вә һамы үчүн фајдалы шејләрдир.

9 Ахмаг мүбаһисәләрдән, нәсил шәҹәрәләрини арашдырмагдан, Ганун үстдә чәкишмәләрдән вә давалардан узаг ол, чүнки бунлар бош вә мәнасыз шејләрдир.+ 10 Тәригәтчилик јајан адама+ ҝәлдикдә исә ики хәбәрдарлыгдан сонра онунла әлагәни кәс,+ 11 чүнки белә адам јолдан сапыб вә ҝүнаһ ишләјәрәк өзү-өзүнү мәһкум едир.

12 Артемасы ја да Тихики+ јанына ҝөндәрәндә баҹардығын гәдәр чалыш ки, тезликлә Никопола, јаныма ҝәләсән, чүнки гышы орада галаҹағам. 13 Гануну јахшы билән Зенас, һәмчинин Аполлос үчүн јахшы тәдарүк ҝөр ки, јолбоју корлуг чәкмәсинләр.+ 14 Гој бизимкиләр дә јахшы ишләрлә мәшғул олмағы өјрәнсинләр ки, тәҹили көмәк лазым оланда јардым етсинләр+ вә беләҹә, бәһрәсиз галмасынлар.+

15 Јанымда оланларын һамысы сәнә салам дејир. Бизи севән иман гардашларымыза саламларымы чатдыр.

Гој Аллаһын лүтфү сизә јар олсун.