Әрәмја
17 «Јәһуданын ҝүнаһы дәмир гәләмлә јазылыб.
Үрәкләринин лөвһәсинә, гурбанҝаһларынын бујнузларына
Алмаз уҹлу аләтлә һәкк олунуб.
2 Оғуллары ҝур јарпаглы ағаҹларын јанында, һүндүр тәпәләрдә,+ өлкәдәки дағларда
Дүзәлтдикләри гурбанҝаһлары, Ашера бүтләрини* хатырлајыр.+
3 Өлкәнин һәр тәрәфиндә етдијин ҝүнаһлара ҝөрә
Сәнин сәрвәтини, хәзинәләрини,
Бәли, бүтүн сәҹдәҝаһларыны талан малы едәҹәјәм.+
4 Сәнә вердијим ирсдән өзүн имтина едәҹәксән.+
Атәши һеч вахт сөнмәјәҹәк».
5 Јеһова белә дејир:
6 О, сәһрада битән тәнһа ағаҹа бәнзәр,
Хош ҝүн ҝөрмәз.
Сәһрада, гураг јерләрдә,
Инс-ҹинс олмајан шоран торпагда јашар.
8 О, сулар кәнарында әкилмиш ағаҹтәк олар,
Көкү ахар сулара чатар,
Исти неҹә ҝәлди-ҝетди, билмәз,
Һәмишә јарпаг ачар,+
Гураглыг олан ил гајғы чәкмәз,
Бар вермәкдән галмаз.
9 Үрәк ән бөјүк хаиндир, хатакардыр*,+
Ким ону анлаја биләр?
10 Мән Јеһова үрәји арашдырырам,+
Ән ҝизли фикирләри* јохлајырам.
Белә ки, һәр кәсә јолларына,
Әмәлләринә ҝөрә әвәз верим.+
11 Һарам јолла сәрвәт јыған+
Јумуртламадығы јумурталары јыған кәклијә бәнзәр.
Сәрвәти өмрүнүн јарысында ону атыб ҝедәр,
Ахырда о адам ахмаг чыхар».
12 Аллаһын әзәмәтли тахты әзәлдән уҹадыр,
Мүгәддәс мәканымыздыр.+
13 Еј Исраилин үмидҝаһы Јеһова,
Сәни тәрк едәнләр биабыр олаҹаглар.
Сәнә дөнүк чыханларын ады торпаға јазылаҹаг,+
Чүнки онлар Јеһованы, дирилик сују мәнбәјини тәрк едибләр.+
14 Еј Јеһова, мәнә шәфа вер сағалым,
Хилас ет гуртулум.+
Чүнки Сәнә тәриф уҹалдырам.
15 Бах, мәнә дејирләр:
«Һаны Јеһованын дедији сөз?+
Гој јеринә јетсин!»
16 Чобан олмагдан бојун гачырмадым, Сәнин јолларынла ҝетдим,
Фәлакәт ҝүнүнү арзуламадым.
Ағзымдан чыхан сөзләри билирсән,
Онлар Сәнин өнүндәдир.
17 Мәни дәһшәтә салма,
Фәлакәт ҝүнүндә Сәнсән сығынаҹағым.
18 Гој мәни тәгиб едәнләр утансын,+
Мән јох.
Гој онлар дәһшәтә дүшсүн,
Мән јох.
Фәлакәт ҝүнүнү онларын башына ҝәтир,+
Онлары гыр, мәһв ет.
19 Јеһова мәнә деди: «Ҝет, Јәһуда падшаһларынын ҝириб-чыхдығы әсас дарвазанын* ағзында дур. Сонра Јерусәлимин башга дарвазаларынын јанына ҝет.+ 20 Онлара белә де: “Еј Јәһуда падшаһлары, Јәһуда халгы, Јерусәлим әһли, бу дарвазалардан ҝирәнләр, Јеһованын сөзүнү ешидин. 21 Јеһова белә дејир: “Бахын, шәнбә ҝүнүндә јүк дашымајын, Јерусәлим дарвазаларындан јүк кечирмәјин.+ 22 Шәнбә ҝүнү евиниздән јүк чыхармајын, һеч бир иш ҝөрмәјин,+ шәнбә ҝүнүнү мүгәддәс тутун. Ата-бабаларыныза да буну бујурмушдум. + 23 Анҹаг онлар ешитмәдиләр, гулаг асмадылар, инадла итаәт етмәдиләр, тәрбијәни рәдд етдиләр”.+
24 “Амма сиз Мәнә табе олсаныз, — бәјан едир Јеһова, — шәнбә ҝүнү бу шәһәрин дарвазаларындан јүк кечирмәсәниз, шәнбә ҝүнүнү мүгәддәс тутуб о ҝүн һеч бир иш ҝөрмәсәниз, + 25 онда Давудун тахтында отуран+ падшаһларла әјанлар арабаларда, ат белиндә бу шәһәрин дарвазаларындан ҝирәр, онлар да, Јәһуда ҹамааты да, Јерусәлим әһли дә.+ Бу шәһәр һеч вахт сакинсиз галмаз. 26 Јәһуда шәһәрләриндән, Јерусәлимин әтрафындан, Бинјамин торпағындан,+ дүзәнликдән,+ дағлыг бөлҝәдән, Неҝевдән инсанлар ҝәләр. Онлар Јеһованын евинә јандырма гурбанлары,+ башга гурбанлар,+ тахыл тәгдимәләри,+ күндүр вә шүкран гурбанлары ҝәтирәр.+
27 Јох әҝәр Мәнә табе олмасаныз, шәнбә ҝүнүнү мүгәддәс тутмајыб о ҝүн јүк дашысаныз, Јерусәлим дарвазаларындан јүк кечирсәниз, онун дарвазаларына од вураҹағам. Од Јерусәлимин галаларыны јандырыб-күл едәҹәк.+ Ону сөндүрән олмајаҹаг”».+