Ефеслиләрә
3 Бу сәбәбдән мән Булус сизә ҝөрә, јәни диҝәр халглара ҝөрә Мәсиһ Иса уғрунда мәһбусам.+ 2 Сиз, шүбһәсиз, ешитмисиниз ки, мәнә Аллаһын лүтфүндән јарарланмағыныз үчүн сизә көмәк етмәк тапшырылыб.+ 3 Сизә бир аз әввәл гысаҹа јаздығым кими, мүгәддәс сирр мәнә вәһј васитәсилә ачылыб. 4 Беләликлә, сиз бу сөзләри охујаркән мәним Мәсиһ һаггындакы мүгәддәс сирри+ баша дүшдүјүмү анлајаҹагсыныз. 5 Бу сирр кечмиш нәсилләрдә бәшәр өвладларына ачылмамышды, јалныз инди руһ васитәсилә онун мүгәддәс һәвариләринә вә пејғәмбәрләринә билдирилиб.+ 6 Мүгәддәс сирр ондан ибарәтдир ки, Мәсиһ Иса илә вәһдәтдә олан диҝәр халглара мәнсуб адамлар онунла бирликдә варис вә бир бәдәнин үзвләри олсунлар.+ Онлар да мүждә сајәсиндә Аллаһын бизә вәд етдији шејләри алаҹаглар. 7 Мән Аллаһын лүтфү сајәсиндә бу сиррин хидмәтчиси олдум. Бу әнам мәнә Аллаһын ҝүҹүнүн фәалијјәти илә верилди.+
8 Бу лүтф мәнә, мүгәддәсләр арасында кичикләрин ән кичијинә верилмишдир+ ки, мән Мәсиһин ағласығмаз сәрвәти барәсиндәки мүждәни халглара бәјан едим, 9 һәр шеји јарадан Аллаһын гәдим заманлардан бәри ҝизли сахладығы мүгәддәс сирри+ неҹә идарә етдијини инсанлара ҝөстәрим. 10 Бу, она ҝөрә иди ки, инди Аллаһын бөјүк вә чохҹәһәтли һикмәти јығынҹаг васитәсилә+ сәмави аләмдәки һөкумәт вә һакимијјәтләрә ачылсын.+ 11 Бу, Онун әбәди нијјәтинә, Ағамыз Мәсиһ+ Иса илә әлагәдар гәрарлашдырдығы нијјәтә мүвафигдир. 12 Онун сајәсиндә биз белә ҹәсарәтлә данышыр,+ она олан иманымыз васитәсилә Аллаһа манеәсиз јахынлашырыг. 13 Буна ҝөрә дә хаһиш едирәм: сизин уғрунузда чәкдијим әзијјәтләрә ҝөрә руһдан дүшмәјин, чүнки бунлар сизин шәрәфиниздир.+
14 Бу сәбәбдән мән Атанын гаршысында диз чөкүрәм, 15 кимә ки, ҝөјдә вә јердә олан һәр аилә өз адына ҝөрә борҹлудур. 16 О бөјүк ҹалал саһибинә јалварырам ки, руһунун вердији гүввәтлә дахили варлығынызы мөһкәмләндирсин+ 17 вә Мәсиһ иманыныз васитәсилә мәһәббәтлә+ бәрабәр гәлбиниздә мәскән салсын.+ Диләјим будур ки, сиз мөһкәм оласыныз, иман тәмәли үзәриндә мәтин дурасыныз.+ 18 Беләҹә, бүтүн мүгәддәсләрлә бирликдә һәгигәтин ҝенишлијини, узунлуғуну, һүндүрлүјүнү вә дәринлијини там гавраја биләсиниз, 19 Мәсиһин биликдән үстүн олан мәһәббәтини+ дәрк едәсиниз ки, Аллаһын вердији там долғунлугла доласыныз.
20 Бәли, биздә фәалијјәт ҝөстәрән ҝүҹү васитәсилә+ хаһиш етдијимиз, дүшүндүјүмүз һәр бир шејдән гат-гат артығыны+ етмәјә гадир олан Аллаһа 21 нәсилдән-нәслә, әбәдијјәт боју јығынҹаг вә Мәсиһ Иса васитәсилә алгыш олсун. Амин!