Вәһј

10 Мән ҝөјдән енән диҝәр бир ҝүҹлү мәләк ҝөрдүм. О, булуда бүрүнмүшдү, башы үзәриндә ҝөј гуршағы варды. Үзү ҝүнәш кими,+ ајаглары алов сүтуну кими иди. 2 Әлиндә балаҹа, ачыг бир тумар вар иди. О, сағ ајағыны дәнизә, сол ајағыны гуруја гојду вә 3 шир нәрәсинә бәнзәр ҝур сәслә бағырды.+ О, бағыранда једди ҝөј ҝурултусунун сәси ешидилди.+

4 Једди ҝөј ҝурултусу данышаркән мән јазмаға һазырлашдым, лакин ҝөјдән бир сәс мәнә деди:+ «Једди ҝөј ҝурултусунун сөзләринә мөһүр вур, онлары гәләмә алма». 5 Дәнизлә гуруда дурмуш мәләк сағ әлини ҝөјә галдырды, 6 әбәди јашајана,+ ҝөјү вә орадакылары, јери вә онун үзәриндәкиләри, дәнизи вә онун ичиндәки мәхлуглары јарадана анд ичди:+ «Артыг мөһләт верилмәјәҹәк! 7 Әксинә, једдинҹи мәләк+ кәрәнајыны чалмаға+ һазырлашдығы ҝүнләрдә Аллаһын гуллары пејғәмбәрләрә+ мүждәләдији мүгәддәс сирр+ баша чатаҹаг».

8 Ҝөјдән ешитдијим сәс+ јенидән мәнә деди: «Ҝет, дәнизлә гуруда дурмуш мәләјин әлиндәки ачыг тумары ҝөтүр».+ 9 Мән мәләјин јанына ҝетдим вә ондан балаҹа тумары истәдим. О, мәнә деди: «Ҝөтүр, је.+ Ону јејәндә мәдәндә аҹылыг һисс едәҹәксән, ағзын исә бал кими ширин олаҹаг». 10 Мән мәләјин әлиндәки балаҹа тумары алыб једим.+ Ағзым бал кими ширин олду,+ амма јејиб гуртарандан сонра мәдәмдә аҹылыг һисс етдим. 11 Онда мәнә дедиләр: «Сән јенидән үммәтләр, халглар, дилләр вә чохлу падшаһлар һаггында пејғәмбәрлик етмәлисән».