Зәбур

44 Еј Аллаһ, гулағымызла ешитмишик,

Ата-бабаларымыз бизә данышыб,

Онларын дөврүндә,

Гәдим заманларда ҝөрдүјүн ишләри.

 2 Сән халглары әлинлә говдун,

Ата-бабаларымызы орада мәскунлашдырдын.

 3 Онлар бу торпаға гылынҹлары илә јијәләнмәдиләр,

Голларынын гүввәти илә гәләбә чалмадылар,

Сәнин гүдрәтин, сағ әлин вә үзүнүн нуру илә олду бүтүн бунлар,

Чүнки онлары севирдин.

 4 Сән падшаһымсан, еј Аллаһым,

Јагуба там гәләбә вер.

 5 Дүшмәнләримизи көмәјинлә говарыг,

Үстүмүзә галханлары Сәнин адынла әзәрик.

 6 Чүнки ох-каманыма ҝүвәнмирәм,

Мәни гуртаран гылынҹым дејил.

 7 Бизи дүшмәнләрдән гуртаран Сән олдун,

Бизә нифрәт едәнләри рүсвај етдин.

 8 Һәр ҝүн Аллаһа алгыш едәрик,

Даима адына шүкүр едәрик. (Селаһ)

 9 Инди бизи тәрк едиб хар етмисән,

Ордуларымызын үстүндә дөјүшә чыхмырсан.

10 Бизи дүшмәнләрин габағындан гачмаға вадар едирсән,

Бизә нифрәт едәнләр бизи сојуб-талајыр.

11 Гојдун ки, бизи гојун кими јесинләр,

Халглар арасына пәрән-пәрән салдын.

12 Халгыны дәјәр-дәјмәзә сатырсан,

Һеч бир газанҹ ҝөтүрмүрсән.

13 Бизи гоншуларын јанында рүсвај едирсән,

Әтрафдакылар бизи лаға гојур, әлә салырлар.

14 Халглар арасында дилә-дишә салырсан,

Башларыны јырғалајыб бизә ҝүлүрләр.

15 Бүтүн ҝүнү хәҹаләт ичиндәјәм,

Утандығымдан башымы галдыра билмирәм,

16 Истеһза едәнләрин, тәһгир едәнләрин сәсиндән,

Дүшмәнләримизин, биздән гисас алмаг истәјәнләрин әлиндән.

17 Бүтүн бунлар башымыза ҝәлди, фәгәт Сәни унутмадыг,

Әһдинә хәјанәт етмәдик.

18 Үрәјимиз Сәндән дөнмәјиб,

Аддымларымыз јолундан ајрылмыр.

19 Чаггалларын мәканында әздин бизи,

Гаты гаранлыға гәрг етдин.

20 Аллаһымызын адыны унутсаг,

Јад аллаһа әл ачсаг,

21 Аллаһ буну үзә чыхармазмы?

22 Сәнә ҝөрә бүтүн ҝүнү өлдүрүлүрүк,

Бизи кәсимлик гојун һесаб едирләр.

25 Бах, торпаға гәдәр әјилмишик,

Бәдәнимиз јерә јапышыб.