Зәбур
43 Еј Аллаһ, Сән мәни мүһакимә ет,
Вәфасыз халгла чәкишмәми ҝөр,
Һијләҝәрдән, хаиндән гуртар мәни,
2 Чүнки Аллаһым, галам Сәнсән.
Нијә мәни тәрк етдин?
Ахы нијә дүшмәндән зүлм ҝөрүб кәдәрли ҝәзмәлијәм?
3 Нуруну, һәгигәтини ҝөндәр,
Гој мәнә јол ҝөстәрсинләр,
Мүгәддәс дағына, мөһтәшәм чадырына апарсынлар мәни.
4 Онда Аллаһын гурбанҝаһына ҝәләрәм,
Ашыб-дашан севинҹимә, Аллаһыма јахынлашарам.
Чәнҝ чалыб Сәни тәрәннүм едәрәм еј Аллаһым, еј мәним Аллаһым!
5 Нијә гырылмысан, еј көнлүм?
Нијә көксүмдә чырпынырсан?
Сән Аллаһы ҝөзлә,
Чүнки мән һәлә Аллаһымы, Улу Хиласкарымы уҹалдаҹағам.