Зәбур

Гураг, ҹансыхыҹы, сусуз торпагда

Сәнә тәшнә галмышам.

 2 Мүгәддәс мәканында Сәнә бахардым,

Гүдрәтини, әзәмәтини ҝөрәрдим.

 3 Мәһәббәтин һәјатдан шириндир,

Дилим Сәнә алгыш дејир.

 4 Сәнә өмрүм боју һәмд едәҹәјәм,

Әлләрими адынла ҝөјә ачаҹағам.

 5 Ҹаным ән јахшы, јағлы тикәләрлә дојар,

Севинҹ нидалары илә Сәнә тәриф сөјләјәҹәјәм.

 6 Јатағымда Сәни јада салырам,

Ҝеҹәләр* Сәни дүшүнүрәм.

 7 Чүнки мәним көмәјим Сәнсән,

Ганадларынын көлҝәсиндә шадјаналыгла мәдһ сөјләјирәм.

 8 Көнлүм Сәнә бағланыб,

Сағ әлин мәни бәрк-бәрк тутар,

 9 Амма ҹаныма гәсд гуранлар

Јерин дәринлијинә ҝирәҹәкләр.

10 Гылынҹа туш ҝәләҹәк,

Чаггаллара јем олаҹаглар.

Аллаһын адына анд ичән һәр кәс фәхр дујаҹаг,

Јалан данышанларын ағзы јумулаҹаг.