Зәбур
Дирижора. Симли аләтләрин мүшајиәтилә. Асәфин мәзмуру.
76 Аллаһ Јәһудада таныныр,
Исраилдә Онун ады уҹадыр.
2 Чадыры Сәлимдә јерләшир,
Сиондур Онун мәскәни.
3 Орада гырды камандан атылан јанар охлары,
Галханы, гылынҹы, бүтүн јараг-јасағы. (Селаһ)
4 Сән нура бүрүнмүсән,
Шикар долу дағлардан да вүгарлысан.
5 Ҹәсур үрәкләри овладын,
Јатыб јухуја далдылар,
Әрәнләрин голу сусталды.
6 Еј Јагубун Аллаһы, Сәнин һөкмүндән
Арабаны сүрән дә, ат да дәрин јухуја далды.
7 Сән, јалныз Сән зәһмлисән!
Аловлу гәзәбин гаршысында ким дура биләр?
8 Сән һөкмүнү ҝөјләрдән елан етдин,
Јер горхду, сүкута гәрг олду,
9 Чүнки Аллаһ ајаға галхды, һөкмүнү вермәк үчүн,
Дүнјанын һәлим инсанларыны гуртармаг үчүн. (Селаһ)
10 Инсанын гәзәби белә, Сәни уҹалдыр,
Инсан гәзәбинин сон изһары илә Өзүнү бәзәрсән.
11 Еј Аллаһын әтрафына топлашанлар, Аллаһыныз Јеһоваја нәзирләр дејин,
Онлары јеринә јетирин, горху ичиндә Она бәхшиш ҝәтирин.
12 О, рәһбәрләрин гүруруну сындырар,
Дүнјанын падшаһларыны дәһшәтә салар.