1 Падшаһлар

4 Сүлејман бүтүн Исраилин үзәриндә падшаһ олду.+ 2 Онун әјанлары бунлар иди: каһин — Садыг+ оғлу Әзрија; 3 катибләр+ — Шиша оғлу Әлхуриф вә Әхијјә; салнамәчи — Әхилуд оғлу Јәһушафат+; 4 орду башчысы — Јәһјадај оғлу Бәнаји+; каһинләр — Садыг вә Әбјатар+; 5 баш вали — Натан+ оғлу Әзрија; каһин — Натан оғлу Зәбуд. О, һәм дә падшаһын досту иди.+ 6 Әхшәр ешикағасы, Әбда оғлу Әдунирам+ исә мүкәлләфијјәтлиләр үзәриндә нәзарәтчи иди.+

7 Сүлејманын бүтүн Исраилдә он ики валиси вар иди. Онлар падшаһы вә ев әһлини әрзагла тәмин едирди. Һәр биринә илдә бир ај әрзаг ҝөндәрмәк нөвбәси дүшүрдү.+ 8 Валиләр бунлар иди: Әфраим дағлыг бөлҝәсиндә Хур оғлу; 9 Магасда, Шалбимдә+, Бејт-Шәмсдә вә Илун-Бејт-Һәнанда Дәгәр оғлу; 10 Арбутда Һәсәд оғлу (Сого вә бүтүн Һәфәр дә онун нәзарәтиндә иди); 11 бүтүн Дор јамаҹларында Әбунәдәб оғлу (Сүлејманын гызы Тават онун арвады иди); 12 Танагда, Меҝиддода+ вә Јизраилдән ашағыда, Сәрфанла гоншулугда јерләшән бүтүн Бејт-Шәәндә+, Бејт-Шәәндән Абил-Мәһлаја вә Јуғмим+ бөлҝәсинәдәк әразидә Әхилуд оғлу Бәәнна; 13 Рамут-Ҝиладда+ Гәбәр оғлу (Мәнәссә оғлу Јаирин+ Ҝиладдакы+ бүтүн чадыр кәндләри, Башандакы+ Аргуб бөлҝәси+: гала диварлы, мис рәзәли алтмыш бөјүк шәһәр онун нәзарәти алтында иди); 14 Маһанајимдә+ Идду оғлу Әхинәдаб; 15 Нифталыда Әхимас (О, Сүлејманын о бири гызы Бәсмәни алмышды); 16 Аширдә вә Билусда Хушај оғлу Бәәнна; 17 Јәсакирдә Фәруһ оғлу Јәһушафат; 18 Бинјаминдә+ Ила оғлу Шимај+; 19 Ҝиладда+, амориләрин падшаһы Сиһунун+ вә Башан падшаһы Огун+ өлкәсиндә Ур оғлу Гәбәр. Өлкәдәки бу валиләрин үзәриндә баш вали дурурду.

20 Јәһудалыларла исраиллиләр дәниз гуму гәдәр чох идиләр.+ Онлар јејиб-ичир, фираван јашајырдылар.+

21 Сүлејман чајдан* филиштлиләрин* өлкәсинә вә Мисирин сәрһәдинәдәк олан бүтүн падшаһлыглар үзәриндә һакимијјәт сүрүрдү.+ Онлар Сүлејманын өмрү боју она хәраҹ вериб гуллуг етдиләр.+

22 Сүлејманын ҝүндәлик азугәсини 30 кор нарын ун вә 60 кор ун*, 23 10 баш көк гарамал, отлагдан 20 баш гарамал, 100 баш гојун, һәмчинин мараллар, ҹејранлар, ҹүјүрләр, көк гуггу гушлары тәшкил едирди. 24 Тифсаһдан Гәззәјә+ гәдәр чајын бу тајындакы* һәр шеј, еләҹә дә бүтүн падшаһлар онун табелијиндә иди.+ Һәр јердә, онун бүтүн бөлҝәләриндә әмин-аманлыг һөкм сүрүрдү.+ 25 Сүлејманын бүтүн өмрү боју Дандан Биир-Сәбаја гәдәр Јәһуда вә Исраилдә һәр кәс өз мејнәсинин, әнҹир ағаҹынын алтында динҹлик ичиндә јашајырды.

26 Сүлејманын 12 000 аты* вә ҹәнҝ арабаларынын атлары үчүн 4000* ат төвләси вар иди.+

27 Бу валиләр Сүлејман падшаһы вә онун сүфрәсиндә отуранлары әрзагла тәмин едирдиләр. Һәр биринә бир ај нөвбә дүшүрдү. Онлар нәзарәт едирдиләр ки, һеч бир шеј әскик олмасын.+ 28 Һәмчинин онларын һәр бири гошгу вә миник атлары үчүн лазым олан јерләрә үзәрләринә дүшән мигдарда арпа-саман ҝөндәрирдиләр.

29 Аллаһ Сүлејмана һәдсиз һикмәт вә бәсирәт, үрәјинә сонсуз дәрракә верди.+ 30 Сүлејманын һикмәти шәрг халгларынын, мисирлиләрин һикмәтиндән үстүн иди.+ 31 О, һәр кәсдән, әзраһлы Итандан+, Һимандан+, Кәлкүлдән+, Дардадан, Мәһул оғулларындан һикмәтли иди. Онун шөһрәти бүтүн халглара јајылмышды.+ 32 О, үч мин мәсәл,+ мин беш нәғмә+ гошмушду. 33 О, Ливандакы сидр ағаҹындан тутмуш диварда битән гарагыныға+ гәдәр бүтүн биткиләрдән, һәмчинин һејванлардан+, гушлардан+, сүрүнәнләрдән+, балыглардан бәһс едирди. 34 Сүлејманын һикмәтини ешитмәк үчүн бүтүн халглардан адамлар, еләҹә дә дүнјанын бүтүн ҝушәләриндән онун һикмәти барәдә ешитмиш падшаһлар ҝәлирди.+