2 Падшаһлар
19 Һизгијјә падшаһ буну ешидәндә јахасыны ҹырды, чула бүрүнүб Јеһованын мәбәдинә ҝетди.+ 2 Сонра ешикағасы Әлјакими, катиб Сәбнаны, каһинләрин ағсаггалларыны Амуз оғлу Әшија пејғәмбәрин јанына ҝөндәрди.+ Онлар да чула бүрүнмүшдүләр. 3 Онлар ҝәлиб Әшија пејғәмбәрә дедиләр: «Һизгијјә белә дејир: “Бу ҝүн дәрд, тәнә, рүсвајчылыг ҝүнүдүр. Бәтндәки ушаглар ҝәлир, амма аналарын доғмаға ҝүҹү јохдур.+ 4 Бәлкә, Аллаһын Јеһова Ашшур падшаһынын вар олан Аллаһа мејдан охумаға ҝөндәрдији рәбсагын сөзләрини ешидәр.+ Дедији сөзләрә ҝөрә Аллаһын Јеһова онунла һагг-һесаб чәкәр. Она ҝөрә сағ галанлар үчүн Аллаһа дуа ет”».+
5 Һизгијјә падшаһын әјанлары Әшијанын јанына ҝәлдиләр.+ 6 Әшија деди: «Һөкмдарыныза чатдырын ки, Јеһова белә дејир: “Ешитдијин сөзләр, Ашшур падшаһынын әјанларынын Мәнә гаршы дедији күфрләр сәни горхуја салмасын.+ 7 Мән онун ағлына бир фикир салаҹағам. О, бир хәбәр ешидиб өз өлкәсинә гајыдаҹаг. Мән ону өз өлкәсиндә гылынҹ ағзына верәҹәјәм”».+
8 Рәбсаг Ашшур падшаһынын Лаһишдән чыхдығыны ешидәндә+ онун јанына гајытды вә ҝөрдү ки, о, Либна илә вурушур.+ 9 Падшаһа Һәбәш падшаһы Тирһаганын онунла дөјүшмәјә ҝәлдији хәбәри чатмышды. Одур ки, јенидән Һизгијјәјә гасидләр ҝөндәриб+ деди: 10 «Јәһуда падшаһы Һизгијјәјә сөјләјин: “Гој ҝүвәндијин Аллаһ “Ашшур падшаһы Јерусәлими алмајаҹаг” дејиб сәни алдатмасын.+ 11 Ашшур падшаһларынын бүтүн мәмләкәтләри виран гојдуғу сәнә мәлумдур.+ Елә билирсән, сән хилас олаҹагсан? 12 Аталарымын мәһв етдији халгларын аллаһлары онлары гуртара билди? Һаны Гозан, Һарран+, Рәсәф? Һаны Тәл-Әссарда олан Әдән ҹамааты? 13 Һаны Һәмәс падшаһы, Арпад падшаһы, Сәфарваим шәһәрләринин, Һинанын, Ивваһын падшаһлары?”»+
14 Һизгијјә гасидләрдән мәктублары алыб охуду. Сонра Јеһованын мәбәдинә ҝетди, онлары Јеһованын өнүндә ачыб јерә сәрди.+ 15 Һизгијјә Јеһоваја дуа етди:+ «Еј кәррублар үзәриндә* отуран+ Исраилин Аллаһы Јеһова! Дүнјадакы бүтүн сәлтәнәтләрин Аллаһы тәк Сәнсән.+ Ҝөјләри, јери Сән хәлг етмисән. 16 Гулаг вер, Јеһова, ешит!+ Нәзәр сал,+ ја Јеһова, ҝөр! Еј вар олан Аллаһ, Сәнә мејдан охујан Синахерибин сөзләрини ешит. 17 Јеһова, дүздүр, Ашшур падшаһлары халглары, онларын мәмләкәтләрини дармадағын едибләр.+ 18 Онларын аллаһларыны ода атыб јандырыблар, чүнки онлар аллаһ дејил,+ инсан әлинин ишидир,+ тахтадыр, дашдыр. Елә она ҝөрә онлары мәһв едә билибләр. 19 Еј Аллаһымыз Јеһова, јалварырам, бизи онун әлиндән гуртар. Гој бу ҹаһандакы бүтүн сәлтәнәтләр билсин ки, тәк Сән Аллаһсан, еј Јеһова».+
20 Амуз оғлу Әшија Һизгијјәјә хәбәр ҝөндәриб деди: «Исраилин Аллаһы Јеһова белә дејир: “Мән сәнин Ашшур падшаһы Синахериблә бағлы етдијин дуаны ешитдим.+ 21 Јеһова онун һаггында белә дејир:
“Бакирә Сион гызы һәгарәт едиб сәни лаға гојур.
Јерусәлим гызы сәнә бахыб башыны булајыр.
22 Сән кимә мејдан охујурдун?
Исраилин Мүгәддәсинә?!+
23 Гасидләрини ҝөндәриб+ Јеһоваја мејдан охудун:+
“Сајсыз ҹәнҝ арабаларымла
Дағларын зирвәсинә галхаҹағам,
Ливанын уҹгарларынадәк ҝедәҹәјәм.
Онун әзәмәтли сидрләрини, сечмә ардыҹларыны кәсәҹәјәм.
Ән уҹгар јерләринә, сых мешәләринә ҝирәҹәјәм.
24 Јад дијарда гујулар газыб суларыны ичәҹәјәм,
Дабанымла Мисирин бүтүн чајларыны гурудаҹағам”.
25 Ешитмәмисән ки, бинеји-гәдимдән бу гәрара алынмышдыр?+
Кечмиш ҝүнләрдән буну һазырламышам,+
Инди исә һәјата кечирәҹәјәм.+
Сән галалы шәһәрләри харабазара чевирәҹәксән.+
26 Онларын сакинләри чарәсиз галаҹаг.
Онлары дәһшәт бүрүјәҹәк, рүсвај олаҹаглар.
Онлар чөлләрин от-әләфи олаҹаглар,+
Дамларда битән, сәмум јелинин гарсадығы от олаҹаглар.
27 Амма Мән сәнин отурушундан, дурушундан, ҝиришиндән, чыхышындан,
Мәнә олан һиддәтиндән аҝаһам,+
29 Еј Һизгијјә, сәнин үчүн әламәт бу олаҹаг: бу ил өз-өзүнә битән* мәһсулу, икинҹи ил ондан ҹүҹәрән тахылы јејәҹәксиниз.+ Үчүнҹү ил тохум сәпиб әкин бичәҹәксиниз, үзүмлүкләр салыб барыны јејәҹәксиниз.+ 30 Јәһуда евиндән гуртуланлар, сағ галанлар+ ашағы көк атыб јухары бәһрә ҝәтирәҹәкләр. 31 Галанлар Јерусәлимдән, гуртуланлар Сион дағындан чыхаҹаг. Ордулар Аллаһы Јеһова буну Өз гејрәти илә едәҹәк.+
32 Јеһова Ашшур падшаһы һагда белә дејир:+
“О, бу шәһәрә ҝирмәјәҹәк,+
Бураја ох атмајаҹаг,
Гаршысына галханла ҝәлмәјәҹәк,
Әтрафында мүһасирә бәнди гурмајаҹаг.+
33 Ҝәлдији јолла ҝери гајыдаҹаг.
Бу шәһәрә ајаг басмајаҹаг”, — бәјан едир Јеһова.
35 Һәмин ҝеҹә Јеһованын мәләји ҝәлиб ашшурлуларын ордуҝаһында 185 000 нәфәри гырды.+ Ҹамаат сәһәр галханда ҝөрдү ки, һәр тәрәф мејитлә долудур.+ 36 Ашшур падшаһы Синахериб ҝери чәкилиб Нејнәваја*+ ҝетди вә орада галды.+ 37 Аллаһы Нәсруһун мәбәдиндә сәҹдә гыланда оғуллары Әдрамәликлә Шарасар ону гылынҹла өлдүрдүләр+ вә Урарту+ өлкәсинә гачдылар. Оғлу Асархаддон+ Синахерибин јеринә тахта чыхды.