Зәбур
Дирижора. Давудун мәзмуру.
19 Ҝөјләр Аллаһын әзәмәтини бәјан едир,
Асиман әлләринин ишиндән данышыр.
2 Һәр ҝүн дилләриндән сөзләр сүзүлүр,
Һәр ҝеҹә бир һикмәт ачырлар.
3 Нә бир сөз, нә бир кәлмә,
Нә бир сәс ешидилмир.
Аллаһ ҝүнәш үчүн ҝөјдә бир чадыр гуруб,
5 Ҝүнәш, санки, тәзәбәјдир, ҝәрдәјиндән чыхыр,
Шадланыр гачыша чыхан бир иҝид кими.
7 Јеһованын гануну камилдир, ҹана гүввәт верир,
Јеһованын өјүдләри етибарлыдыр, нашы адамы мүдрик едир,
8 Јеһованын бујруглары доғрудур, үрәји севиндирир,
Јеһованын әмри сафдыр, ҝөзләрә нур верир,
9 Јеһова өнүндә горху пакдыр, әбәди галыр,
Јеһованын һөкмләри доғрудур, һамысы әдаләтлидир.
10 Онлар гызылдан, чохлу саф
Гызылдан да артыг севилир,
Балдан, шаныдан даман балдан да шириндир.
11 Онлар гулуна нәсиһәт* верир,
Онлара әмәл едәнин бөјүк мүкафаты вар.
12 Өз сәһвләрини ким дәрк едә биләр?
Билмәдән етдијим ҝүнаһларымы әфв ет,
13 Гулуну өзбашына һәрәкәтләрдән сахла,
Гојма онлар мәнә ағалыг етсин.
Онда камил оларам,
Бөјүк хәталардан узаг оларам.
14 Гој ағзымдан чыхан сөзләр, гәлбимдәки дүшүнҹәләр
Сәни мәмнун етсин, еј Јеһова, гајам, хиласкарым!